Morgunblaðið - 09.03.2020, Qupperneq 27

ÍÞRÓTTIR 27
MORGUNBLAÐIÐ MÁNUDAGUR 9. MARS 2020
 Rúnar Már Sigurjónsson, landsliðs-
maður í knattspyrnu, fór vel af stað
með liði sínu Astana í fyrstu umferð
úrvalsdeildarinnar í Kasakstan á
laugardaginn. Astana, sem varð meist-
ari 2019, hóf tímabilið á 4:0 sigri gegn
nýliðum Kyzil-Zhar og skoraði Rúnar
þriðja mark liðsins undir lok leiksins.
 Tiger Woods, kylfingurinn vinsæli
og sigursæli, missti af fjórða mótinu í
röð um helgina vegna bakmeiðsla, en
hann hefur ekki keppt síðan um miðjan
febrúar. Tiger vann Masters-stórmótið
2019 og nú er talin hætta á að hann
verði ekki orðinn heill heilsu til að taka
þátt í mótinu í næsta mánuði.
 Óttar Magnús Karlsson skoraði
þrennu fyrir Víking í Reykjavík þegar
liðið vann stórsigur á KA, 6:0, í Lengju-
bikar karla í fótbolta á Víkingsvellinum
á laugardaginn. Víkingar hafa skorað
15 mörk gegn engu í fjórum leikjum og
eru nær öruggir með sæti í undan-
úrslitum.
 Thomas Mikkelsen skoraði einnig
þrennu í keppninni í gær, en hann gerði
þrjú mörk í fyrri hálfleik þegar Breiða-
blik vann Leikni frá Fáskrúðsfirði, 4:1, í
Fjarðabyggðarhöllinni á Reyðarfirði.
Breiðablik og KR mætast í hreinum úr-
slitaleik um sæti í undanúrslitum
keppninnar næsta sunnudagskvöld.
 Aron Jóhannsson skoraði eitt mark
fyrir Hammarby og var valinn maður
leiksins þegar lið hans tryggði sér sæti
í átta liða úrslitum sænsku bikar-
keppninnar í knattspyrnu í gær með
því að sigra Sundsvall 4:0. Malmö,
Mjällby, Falkenberg, Häcken, Gauta-
borg og Elfsborg eru einnig komin í
átta liða úrslit og síðasta liðið verður
AIK eða Kalmar.
 Kjartan Henry Finnbogason skoraði
sigurmark Vejle gegn Hvidovre, 1:0, á
útivelli í dönsku B-deildinni í knatt-
spyrnu á laugardaginn. Vejle er með
sjö stiga forystu og Kjartan er marka-
hæstur í deildinni með 14 mörk í 19
leikjum.
 Albert Guðmundsson kom á laugar-
dagskvöldið í fyrsta sinn inn í leik-
mannahóp AZ Alkmaar eftir að hann
ökklabrotnaði í lok september. Hann
kom þó ekkeert við sögu þegar AZ
vann Den Haag, 4:0, í hollensku úrvals-
deildinni en AZ og Ajax eru þar lang-
efst og jöfn á toppnum.
 Sigvaldi Björn Guðjónsson og sam-
herjar í Elverum tryggðu sér um
helgina deildarmeistaratitilinn í Noregi
með útisigri á Follo,
30:27. Sigvaldi
skoraði sex mörk í
leiknum en lið
hans er með sex
stiga forskot á
Arendal þegar
tveimur umferð-
um er ólokið.
Drammen er
tveimur stigum
aftar í þriðja
sæti en Óskar
Ólafsson skor-
aði eitt mark fyr-
ir liðið í sigri á
Bækkelaget í
gær, 30:24.
Eitt
ogannað
BIKARÚRSLITIN
Jóhann Ingi Hafþórsson
Kristófer Kristjánsson
Óhætt er að segja að bikarúrslita-
leikirnir í handboltanum í Laugar-
dalshöllinni á laugardaginn hafi ver-
ið eins ólíkir og hugsast gat. Fram
vann afar þægilegan sigur á KA/
Þór, 31:18, og varð bikarmeistari
kvenna í 16. skipti en ÍBV lagði
Stjörnuna að velli eftir spennu-
þrunginn lokakafla, 26:24, og vann
karlabikarinn í fjórða skipti.
Höllin eins og heimavöllur
Það var greinilegt að taugarnar
voru þandar hjá leikmönnum ÍBV
og Stjörnunnar, þrátt fyrir reynda
leikmenn í báðum liðum. Eftir tólf
mínútur var staðan 2:2 og skoruðu
Eyjamenn ekki þriðja mark sitt fyrr
en eftir fimmtán mínútur. Framan
af leik hafði vörn betur en sókn og
voru markverðir í stuði báðum meg-
in þar fyrir aftan. Sem betur fer
lifnaði yfir sóknarmönnum liðanna
og úr var æsispennandi og
skemmtilegur úrslitaleikur, þar sem
liðin skiptust á að hafa forystuna.
Eyjamenn eru orðnir afar hrifnir
af Laugardalshöllinni, þar sem leik-
menn og ekki síður stuðningsmenn
hafa upplifað góðar stundir á síð-
ustu árum. Löngu fyrir leik var
svæði Eyjamanna í stúkunni orðið
fullt og söngvar byrjaðir að hljóma.
Sjá mátti á andlitum leikmanna ÍBV
að þetta skipti máli. Hverju marki
var fagnað eins og mörkum í úr-
slitaleik á HM. Lítið skildi liðin að
og sá stuðningur sem ÍBV fékk um
helgina getur gert gæfumuninn.
Morgunblaðið ræddi við Kára
Kristján Kristjánsson og Hákon
Daða Styrmisson hjá ÍBV eftir leik
og voru þeir sammála um að
frammistaða ÍBV hefði ekki verið
góð í úrslitaleiknum. Var þeim samt
eðlilega alveg sama, enda á leiðinni í
bikarteiti í Herjólfi á leið til Vest-
mannaeyja.
Þegar meðbyrinn er með ÍBV
verður mjög erfitt að stoppa liðið og
segir það ýmislegt að Eyjamenn
áttu ekki sinn besta dag á laugar-
dag en urðu samt bikarmeistarar.
Þeir eru hvergi nærri hættir og
ætla sér stóra hluti þegar kemur að
úrslitakeppninni.
Mikil samstaða er í samfélaginu í
Vestmannaeyjum. Það sést best á
viðburðum sem þessum, þar sem
tengingin á milli stuðningsmanna og
leikmanna er auðsjáanleg. Stuðn-
ingsmennirnir í stúkunni voru ekki
bara að styðja ÍBV, heldur Vest-
mannaeyjar og alla Vestmanna-
eyinga. Þá var sigurinn tileinkaður
Kolbeini Aroni Ingibjargarsyni,
fyrrverandi markverði liðsins, sem
lést aðeins 29 ára á jólunum 2018.
Vægðarlausar og langbestar
Framarar voru stórkostlegir á
laugardaginn, vægðarlausir og
grimmir er þeir tóku KA/Þór í
sundur í úrslitaleik kvenna. Fram-
arar unnu 31:18, úrslit sem eru
ásjálegri en menn gætu haldið.
Munurinn var mestur 17 mörk en
rispa norðankvenna undir lokin,
þegar rándýrið úr Safamýri hafði
fengið nægju sína, lagaði stöðuna
örlítið.
Framarar voru frábærir og verð-
skulduðu fyllilega bikarmeistara-
titilinn, þann 16. í sögu félagsins.
Liðið er búið að vinna 18 leiki í röð
og fór ekkert síður verr með Ís-
lands- og bikarmeistara síðasta árs,
Val, í undanúrslitunum um síðustu
helgi. Fram hefur aðeins tapað ein-
um leik á Íslandsmótinu, þar sem
það hefur fimm stiga forystu og
skorar að meðaltali 32 mörk í hverj-
um leik. Það virðist í raun óumflýj-
anlegt að liðið vinni þrefalt í ár;
deildar- og Íslandsmeistaratitlarnir
eru eftir. Það væri líka verðskuldað,
þar sem Fram-liðið er eitt best spil-
andi handboltalið sem undirritaður
hefur séð lengi. Engu að síður...
Tilfinningin var ekki sú í Laugar-
dalshöllinni að verið væri að spila
úrslitaleik. KA/Þórsliðið gerði vel í
að komast alla leið en var ekki ná-
lægt því að vera samkeppnishæft
liði Framara, með landsliðskonur í
hverri stöðu. Lið eins og KA/Þór
mæta Fram vissulega á Íslands-
mótinu en þessi lið eru ekki í sömu
deild, ekki nálægt því.
Hámark bikarhelgarinnar í
Laugardalnum var hálf vansælt.
Það sem ætti að vera sýningar-
gripur íslensks handbolta, úrslita-
leikur í bikar, var sjónleikur án
spennu og dramatík. Við skulum
samt ekkert taka af Fram-liðinu,
sem er ótrúlegt. Steinunn Björns-
dóttir var valin maður leiksins, enda
skoraði hún níu mörk og nánast öll
úr hraðaupphlaupum en hún getur
leikið öll lið grátt, sama hversu góð
þau eru, eins og svo margir leik-
menn liðsins.
Ólíkir bikarúrslitaleikir
 Naumur sigur ÍBV á Stjörnunni  Þriðji bikartitillinn á fimm árum
 Yfirburðir Framara algjörir gegn KA/Þór  Sextándi bikartitill Framkvenna
Morgunblaðið/Íris
Framkonur Hildur Þorgeirsdóttir og Steinunn Björnsdóttir lyftu bikarnum
en Steinunn skoraði 9 mörk í úrslitaleiknum gegn Akureyrarliðinu.
Morgunblaðið/Íris
Eyjamenn Kári Kristján Kristjánsson og Grétar Þór Eyþórsson lyftu
bikarnum eftir sigurinn á Stjörnunni og stemningin var að vonum mikil.
Aron Pálmarsson varð í gær
spænskur bikarmeistari í handbolta
í þriðja skipti á jafnmörgum árum
eftir auðveldan sigur Barcelona á
Benidorm, fyrir framan 7.000
manns í Madríd, 40:25. Aron skor-
aði tvö mörk fyrir Barcelona í
leiknum. Ludovic Fábregas skoraði
átta mörk og Aleix Gómez gerði
sex. Barcelona hefur unnið bikar-
inn í 24 skipti en sigurinn í ár var sá
sjöundi í röð. Sjálfur varð Aron
bikarmeistari í sjöunda sinn á ferl-
inum í gær, en hann hefur einnig
unnið með Veszprém og Kiel.
Bikarmeistari í
sjöunda sinn
Ljósmynd/Barcelona
Sigursæll Aron Pálmarsson bætti
enn einum stóra titlinum í safnið.
Ísland vann stórsigur á Ítalíu, 7:1, í
vináttuleik U19 ára landsliða
stúlkna í knattspyrnu sem fram fór
á La Manga á Spáni á laugardag-
inn, en þar fylgdu íslensku stúlk-
urnar eftir 4:1 sigri gegn Sviss
tveimur dögum áður. Karólína Lea
Vilhjálmsdóttir og Karen María
Sigurgeirsdóttir skoruðu tvö mörk
hvor en Áslaug Munda Gunnlaugs-
dóttir, Barbára Sól Gísladóttir og
Linda Líf Boama eitt hver. Loka-
leikur ferðarinnar er gegn Þýska-
landi í dag en íslenska liðið leikur í
milliriðli EM í Hollandi í apríl.
Skoruðu sjö sinn-
um gegn Ítölum
Morgunblaðið/Eggert
Tvenna Karen María Sigurgeirs-
dóttir skoraði tvö fyrstu mörkin.
Enski boltinn á Símanum Sport
Leicester – Aston Villa.............................. 20
Í KVÖLD!