Morgunblaðið - 16.03.2020, Blaðsíða 8
8 FRÉTTIRInnlent
MORGUNBLAÐIÐ MÁNUDAGUR 16. MARS 2020
Viðarhöfða 1, 110 Reykjavík | Sími 566 7878 | rein.is
Bakteríuvörn
Kvarts steinn frá Silestone er fáanlegur í fjölbreyttum áferðum og litum.
Silestone bjóða einir upp á borðplötur með varanlegri
bakteríu- og sveppavörn.
Gefðu heimilinu ferskleika og líf á þínum forsendummeð Silestone.
Blettaþolið Sýruþolið
Högg- og
rispuþolið
Kvarts steinn
í eldhúsið
silestone.com
Það var svo sem ekki við því aðbúast að nýr útvarpsstjóri
kæmi með hugmyndir um að
draga úr starfsemi Ríkisútvarps-
ins, en að hann ætli sé að færa
kvíarnar enn
frekar út er
langt gengið.
Hann notaðitækifærið
á blaðamanna-
fundi almannavarna á laugardag
til að kynna áform um „gullsjón-
varpsstöð“ þar sem sent yrði út
gamalt efni.
Ríkisútvarpið rekur nú þegartvær sjónvarpsstöðvar, þrjár
útvarpsstöðvar og einn vef svo
augljóst má vera að engin ástæða
er til að bæta við enn einni stöð
ríkisins í samkeppni við einka-
stöðvar.
Ríkið segist vilja styðja viðeinkarekna miðla til að hér á
landi verði ekki bara risastór rík-
isfjölmiðill og svo nokkrir veik-
burða einkareknir miðlar, en fátt
í framkvæmdinni bendir til að
viljinn sé í raun til staðar.
Nú eru sagðar fréttir af því íBretlandi að þar eigi að fara
með virðisaukaskatt af netáskrift-
um dagblaða niður í 0% líkt og
skatturinn er af pappírsáskrift-
unum, auk þess að leggja nýjan
skatt á risa á borð við Google og
Facebook. Þá á að framlengja
lækkaða fasteignaskatta fyrir
smærri blaðaútgefendur, sem eru
auðvitað stórir á íslenskan mæli-
kvarða.
Ætla íslensk stjórnvöld á samatíma að halda uppi sköttum
á einkarekna miðla og leyfa enn
frekari útþenslu Ríkisútvarpsins á
þeirra kostnað?
Á að þenja Rúv.
enn meira út?
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Ágúst Ingi Jónsson
aij@mbl.is
Samkomulag hefur náðst á milli
stjórnvalda á Íslandi og í Noregi um
veiðar íslenskra skipa í Barentshafi í
lögsögu Norðmanna í ár. Samkvæmt
samkomulaginu er Íslendingum
heimilt að veiða þrjú þúsund tonn af
þorski í Barentshafi í ár, en veiddu
6.592 tonn í fyrra.
Ástæða þessa samdráttar er sú að
engar loðnuveiðar voru við Ísland í
fyrravetur og því fengu Norðmenn
ekki umsamið endurgjald í loðnu fyr-
ir þorskveiðar í Barentshafi sam-
kvæmt Smugusamningnum. Fyrir
vikið fá Íslendingar að veiða minna
af þorski í norskri lögsögu í Barents-
hafi í ár.
Þá hefur einnig verið gefin út
reglugerð um veiðar íslenskra skipa
á norðuríshafsþorski á þessu ári í
Barentshafi innan efnahagslögsögu
Rússlands. Samkvæmt reglugerð-
inni úthlutar Fiskistofa 3.973 tonn-
um til skipa á grundvelli aflahlut-
deildar.
Kropp en ekki kraftur
Sólberg ÓF fór frá Siglufirði 6.
mars, daginn eftir að reglugerðin var
gefin út, og var um þrjá sólarhringa
á leið á miðin í Barentshafi. Ekki var
sérstakur kraftur í veiðinni fyrstu
dagana, en þó kropp, samkvæmt
upplýsingum frá Ramma.
Þá var Örfirisey á leið á miðin fyr-
ir helgi, en líklegt er að færri skip
fari í Barentshafið í ár heldur en síð-
ustu ár og líklegt að útgerðir reyni
að sameina kvóta á færri skip.
Fá að veiða minna
í Barentshafi í ár
Loðnuleysið hefur áhrif á heimildir
Ljósmynd/Þorgeir Baldursson
Sólberg ÓF 1 Að veiðum í Barentshafi í febrúar í fyrravetur.
Mikil ásókn hefur verið í matvörubúð-
ir landsins í kjölfar þess að tilkynnt
var um samkomubannið sem tók gildi
í dag.
Í ljósi banns við samkomum þar
sem 100 manns eða fleiri koma saman
munu dyraverðir telja gesti sem fara í
stærstu verslunarrými Bónus, þar
sem gestafjöldi gæti náð takmörkum.
Fjórar til fimm verslanir keðjunnar
gætu fallið þar undir. Þá eru áform
um að Bónusverslanir í Kauptúni,
Korputorgi og Holtagörðum verði
opnaðar klukkustund fyrir auglýstan
opnunartíma, til þess að taka á móti
hópum sem viðkvæmastir eru fyrir
COVID-19.
„Þetta úrræði er ekki hugsað fyrir
hvern sem er heldur þá sem virkilega
þurfa á því að halda,“ segir Guðmund-
ur Marteinsson, framkvæmdastjóri
Bónuss, í samtali við Morgunblaðið.
Gæsla verði við verslunardyrnar.
Hann telur að hömstrun hafi náð
hámarki um helgina og sé búin í bili,
en enginn skortur á matvörum sé í
kortunum. Því sé engin ástæða til að
hamstra, en auk þess sé stærstur
hluti innkaupakörfunnar íslensk
framleiðsla.
„Fólk er þó helst að kaupa þurr-
vörur með langt geymsluþol, frysti-
vörur og klósettpappír. Það er enginn
æsingur og þetta hefur gengið mjög
vel fyrir sig,“ segir hann.
„Þótt það hafi verið brjálað að gera
hafa viðskiptavinir sýnt ástandinu
skilning. Einnig hefur verið gríðar-
legt álag á starfsfólki sem hefur stað-
ið sig frábærlega.“ veronika@mbl.is
Opna fyrr fyrir þá viðkvæmustu
Gætt að því að gestir verði ekki fleiri en 100 talsins í stærstu verslunum Bónuss