Morgunblaðið - 16.03.2020, Page 32

Hverskyns menningarviðburðum og mannfögnuðum
var um helgina aflýst úti um heimsbyggðina og tón-
leikastöðum, leikhúsum og söfnum víða lokað. Í Mexíkó
ákváðu aðstandendur hátíðarinnar Vive Latino þó að
halda sínu striki og fjölbreytilegur hópur listamanna
kom fram, meðal annars hljómsveitirnar Guns N’ Roses
og The Cardigans. Fólk var beðið að nota handspritt og
andlitsgrímur í þrönginni voru af ýmsu tagi.
Öðruvísi grímur í mannþröng
MÁNUDAGUR 16. MARS 76. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Óvíst er hvað verður um efstu deildir karla og kvenna í
handbolta og körfubolta hér á landi eftir að öllum leikj-
um var frestað af sérsamböndum íþróttanna vegna út-
breiðslu kórónuveirunnar. Lykilmenn toppliðanna vilja
úrslitakeppni en viðurkenna að líkurnar á henni séu litl-
ar. Eru þeir sammála um að það yrði ekki sérstaklega
skemmtilegt að vera krýndur Íslandsmeistari án þess
að spila. »27
Óvissa á meðal leikmannanna
ÍÞRÓTTIR MENNING
Steinþór Guðbjartsson
steinthor@mbl.is
Tuttugu og þrír íslenskir þjálfarar
útskrifuðust fyrir skömmu með
æðstu þálfaragráðu Evrópska hand-
knattleikssambandsins, EHF. Þar á
meðal voru Díana Guðjónsdóttir og
Hrafnhildur Ósk Skúladóttir og eru
þær fyrstar íslenskra kvenna til að
ná þessum áfanga. „Vonandi ýtir
þetta við fleiri konum því við þurfum
fleiri í þjálfarastéttina,“ segir Hrafn-
hildur.
Díana ákvað að slá til þar sem
boðið var upp á námskeiðið hér-
lendis í fyrsta sinn, en það var í um-
sjón HSÍ í samstarfi við EHF og
Háskólann í Reykjavík og hófst fyrir
rúmu ári. Námskeiðið er krefjandi
en Díana segir að það hafi verið þess
virði. Hún er íþróttakennari í Flens-
borg í Hafnarfirði, er í þjálfarateymi
meistaraflokks kvenna hjá Haukum
og U-18 ára landsliðinu auk þess
sem hún þjálfar 3. og 4. flokk kvenna
hjá Haukum. „Ég byrjaði að fara
með pabba á æfingar, þegar ég var
sjö ára og síðan þá hefur draum-
urinn alltaf verið að vera þjálfari en
fyrst núna hafði ég tök á að ná í
æðstu gráðuna,“ segir hún. Þess má
geta að foreldrar hennar, Guðjón
Jónsson og Sigríður Sigurðardóttir,
gátu sér gott orð í handboltanum og
sama má segja um eldri systur
hennar, Guðríði og Hafdísi, sem
starfa einnig sem íþróttakennarar.
Fróðleg erindi voru flutt á nám-
skeiðinu og nefnir Díana sérstaklega
fræðslu um andlega hluta þjálfunar-
innar. „Ég lærði líka mikið hjá
norska þjálfaranum Bent Dahl og
gaman var að skyggnast inn í feril
Guðmundar Guðmundssonar lands-
liðsþjálfara en almennt var þetta
mjög gott og gagnlegt og gaman að
vera í þessum hópi.“
Byrjaði að þjálfa í 4. flokki
Hrafnhildur tekur í sama streng.
Hún byrjaði á sambærilegu nám-
skeiði í Króatíu 2018 en segir að þeg-
ar hún hafi verið búin með um þriðj-
ung þess hafi hún frétt að boðið yrði
upp á námið á Íslandi. Þá hafi hún
ákveðið að bíða eftir því enda ekki
ánægð með kennsluna úti. „Ég vildi
miklu frekar hlusta á menn eins og
Gumma Gumm, Patta og Aron.“
Þegar Hrafnhildur var í fjórða
flokki byrjaði hún að þjálfa yngri
stelpur og hélt áfram að þjálfa sam-
fara því að spila. „Ég hef eiginlega
alltaf þjálfað með,“ segir hún. Hún
kennir dönsku í grunnskólanum í
Vestmannaeyjum og í vetur þjálfar
hún dóttur sína og fleiri í 5. flokki
ÍBV, segist hafa ákveðið að trappa
sig niður eftir að hafa færst of mikið
í fang í fyrra.
Handbolti komst ekki á dagskrá
hjá Hrafnhildi fyrr en um ferming-
araldurinn en fram að því hafði hún
verið virk í fimleikum og frjálsum.
„Mér finnst allar íþróttir skemmti-
legar, er með dómararéttindi í hand-
boltanum og einu sinni skráði ég mig
til dæmis í bikarmót í keilu,“ segir
hún. Systurnar eru fimm og fjórar
þeirra hafa spilað í landsliðinu,
Hrafnhildur, tvíburarnir Dagný og
Drífa, og Rebekka.
Hrafnhildur segir að æ fleiri sam-
bönd krefjist þess að þjálfarar í
meistaraflokki hafi þessi æðstu
þjálfararéttindi. „Mig langar til þess
að eiga tvö róleg ár, þetta og næsta,
en svo er líklegt að ég taki aftur
slaginn í efstu deild.“
Ljósmynd/Kjartan Vídó Ólafsson
Þjálfarar Díana Guðjónsdóttir og Hrafnhildur Ósk Skúladóttir með skírteinin náminu til staðfestingar.
Í fararbroddi kvenna
 Díana og Hrafnhildur með æðstu þjálfaragráðu EHF
SÉRSMÍÐI
BORÐPLÖTUR OG
SÓLBEKKIR
AKRÝLSTEINN
Fanntófell ehf. | Gylfaflöt 6-8 | 112 Reykjavík
Sími 587 6688 | fanntofell.is
Sérsmíðum eftir óskum hvers og eins. Þú kemur með
hugmyndina og við látum hana verða að veruleika með
vandaðri sérsmíði og flottri hönnun.
• Viðhaldsfrítt efni með mikla endingu og endalausa
möguleika í hönnun
• Sérsmíðum eftir máli
• Margrir litir í boði
• Gæðavörur úr harðplasti, akrílstein, Fenis og límtré
• Mikið úrval efna, áferða og lita
• Framleiðum eftir óskum hvers og eins
• Hentar jafnt fyrir heimili, vinnustaði og almenningssvæði
Fanntófell hefur sérhæft sig í framleiðslu á borðplötum
og sólbekkjum síðan 1987