Morgunblaðið - 24.03.2020, Qupperneq 13

FRÉTTIR 13Erlent
MORGUNBLAÐIÐ ÞRIÐJUDAGUR 24. MARS 2020
Um heim allan glíma nú menn við afleiðingar kórónu-
veirufaraldurs og er Egyptaland þar engin undantekn-
ing. Þessi maður gekk í gær á milli jarðneskra leifa
hátt settra Forn-Egypta á forngripasafninu í Kaíró og
úðaði sótthreinsivökva á allt sem fyrir varð.
Staðfest smit kórónuveiru í Egyptalandi voru í gær
um 330 talsins og höfðu á sama tíma 14 látist vegna
veirunnar. Í hópi hinna látnu eru tveir háttsettir her-
foringjar, en egypsk stjórnvöld tilkynntu um andlát
þeirra í þarlendum fjölmiðlum.
Sótthreinsað við fætur Forn-Egypta
AFP
Kristján H. Johannessen
khj@mbl.is
Stríðið gegn kórónuveirunni er nú
háð af mikilli hörku um heim allan.
Vel yfir 350 þúsund manns eru smit-
aðir og yfir 15 þúsund látnir. Að
minnsta kosti 100 þúsund eru hins
vegar aftur komnir til fullrar heilsu
eftir kórónuveirusmit.
Í New York-ríki í Bandaríkjun-
um, þar sem búið er að greina um 21
þúsund kórónuveirusmit, eru menn
uggandi yfir því sem koma skal. Bill
de Blasio, borgarstjóri New York-
borgar, segir að sjúkrahús borgar-
innar muni að óbreyttu kikna undan
miklu álagi á næstu dögum. Nauð-
synlegt sé að heilbrigðisstarfsfólk
fái meiri búnað til að takast á við
verkefnið sem fram undan er.
„Ég get bara ábyrgst að við kom-
umst í gegnum þessa viku með þeim
búnaði sem við höfum núna,“ sagði
Blasio í samtali við fréttastofu
CNN. „Ég vil bókstaflega sjá
hundruð öndunarvéla. Ég vil sjá
hundruð þúsunda og milljónir and-
litsgríma, ef þetta kemur ekki
snemma í þessari viku þá verðum
við í þeirri stöðu að geta ekki bjarg-
að þeim sem við hefðum getað
bjargað,“ bætti hann við.
Staðfest tilfelli kórónuveiru í
Bandaríkjunum voru í gær um 40
þúsund og hefur veiran greinst í öll-
um 50 ríkjunum. Hátt í 500 eru látn-
ir, af þeim eru 157 í New York.
„Það er sláandi að þurfa að segja
þetta. Fyrir fáeinum dögum var ég
viss um að við kæmumst örugg inn í
apríl. Þetta dreifist svo hratt núna
að ég get ekki staðið við það,“ sagði
Blasio enn fremur.
Samkvæmt tölum sem CNN birti
í gær eru 13% þeirra sem greinst
hafa með kórónuveirusmit í New
York nú á sjúkrahúsi. Voru 20-21%
þegar verst var. Þá eru 24% þeirra
sem eru á sjúkrahúsi á gjörgæslu-
deild. Ríkisstjóri New York, And-
rew Cuomo, segir ljóst að mesta
neyðin þar vestra sé nú í New York.
Hersveitir kallaðar til starfa
Donald Trump Bandaríkjaforseti
hefur virkjað þjóðvarðliða í barátt-
unni við veiruna og verða hermenn
sendir til ríkjanna New York, Kali-
forníu og Washington, en þar er
kórónuveirufaraldurinn skæðastur í
Bandaríkjunum. Er hlutverk þeirra
einkum að flytja lyf og sjúkragögn
og setja upp færanlegar sjúkra-
stöðvar til að sinna veikum.
Þá hefur ríkisstjóri Michigan,
Gretchen Whitmer, skipað íbúum
þar að halda sig heima. Undanþegn-
ir eru þeir eingöngu sem sinna allra
mikilvægustu störfunum.
„Þetta eru fordæmalaust ástand
sem kallar á samvinnu okkar allra
til að vernda fjölskyldur og sam-
félag. Besta leiðin til að hægja á
veirunni er að halda okkur heima,“
er haft eftir ríkisstjóranum í til-
kynningu.
Fleiri ríki Bandaríkjanna fara nú
svipaða leið, meðal annars Massa-
chusetts. Þar verður allri starfsemi
hætt sem ekki er talin nauðsynleg.
Líkt og í New York er þar mikil þörf
á góðum hlífðarbúnaði fyrir heil-
brigðisstarfsfólk.
Uggandi yfir því sem koma skal
 Um 40 þúsund greindir með kórónuveirusmit í Bandaríkjunum  Borgarstjóri New York segir að
sjúkrahús kunni að kikna undan álagi  Get bara ábyrgst að við komumst í gegnum þessa viku, segir hann
Smit í Bandaríkjunum
» Staðfest kórónuveirusmit
um 40 þúsund og finnst veir-
an í öllum ríkjum Bandaríkj-
anna.
» Um 500 eru látnir, þar af
yfir 150 í New York-ríki.
» Mikið álag er á sjúkrahús í
New York-borg og er óttast að
þau muni illa ráða við ástand-
ið.
» Mikil þörf er á öndunar-
vélum og nauðsynlegum
hlífðarbúnaði fyrir heilbrigðis-
starfsfólk.
» Þjóðvarðliðar verða sendir
til ríkjanna New York, Kali-
forníu og Washington til að
sinna hjálparstarfi.
» Mörgum sagt að halda sig
heima til að hefta útbreiðslu.AFP
Óvenjulegt Fáir voru á ferli á Times Square í New York-borg í gær en vanalega iðar þetta svæði af mannlífi.
Pólsk stjórnvöld skoða nú hvort
leyfa skuli allt að 20 þúsund föngum
að afplána dóm sinn utan fangelsa
landsins vegna mikillar útbreiðslu
kórónuveiru. Er það fréttastofa
Reuters sem greinir frá þessu.
Staðfest tilfelli kórónuveirusmita í
Póllandi voru í gær rétt tæp 700 og
höfðu þá átta manns látist þar vegna
veirunnar. Í Póllandi er nú meðal
annars búið að loka skólum, kvik-
myndahúsum og banna ýmsa opin-
bera viðburði og mannamót. Þá er
einnig búið að banna erlendum ríkis-
borgurum að ferðast til Póllands og
hafa stjórnvöld þar hvatt þegna sína
til að halda kyrru heima fyrir.
Samkvæmt hugmyndum dóms-
málaráðuneytisins verður þeim
föngum sem hlotið hafa allt að 18
mánaða dóm leyft að afplána hann
utan fangelsa en slíkt er nú einungis
í boði fyrir þá sem dæmdir hafa verið
í eins árs fangelsi eða minna.
Til að minnka hættu á smiti í fang-
elsum í Póllandi var ákveðið að
banna allar heimsóknir til fanga og
fella niður nær alla vinnu. Sum fang-
elsi framleiða þó varnarklæðnað og
grímur fyrir heilbrigðisstarfsfólk.
Að sögn Reuters eru nú alls yfir 75
þúsund manns í 172 fangelsum í Pól-
landi. khj@mbl.is
Veiran gæti losað fangelsi
 Um 20 þúsund fangar gætu afplánað utan veggja í Póllandi
Þverholti 5 • Mosfellsbæ • Sími 898 1744 • myndo.is
Við búum til
minningar myndó.isljósmyndastofa
NJÓTUMMINNINGANNA
TAUBLEIUBÚÐIN ÞÍN
Kíktu á netverslun okkar
bambus.is
Nýbýlavegi 8 – Portið, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14