Morgunblaðið - 01.04.2020, Síða 2

2 FRÉTTIRInnlent
MORGUNBLAÐIÐ MIÐVIKUDAGUR 1. APRÍL 2020
TAUBLEIUBÚÐIN ÞÍN
Kíktu á netverslun okkar
bambus.is
Nýbýlavegi 8 – Portið, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Heilu fjölskyldurnar einangrað sig
 Innflytjendur vilja láta loka skólum líkt og í heimalandinu  Hafa áhyggjur af því að skorta bakland
Kristján H. Johannessen
khj@mbl.is
„Staða þessara barna er mikið
áhyggjuefni. Á sama tíma berast
okkur þau tíðindi að foreldrarnir
hafi einnig lokað sig af. En þeir
segja; ef ég veikist þá höfum við
ekkert bakland hér á landi,“ segir
Helgi Grímsson, sviðsstjóri skóla-
og frístundasviðs Reykjavíkurborg-
ar.
Vísar hann í máli sínu til foreldra
og barna af erlendum uppruna.
Hefur þessi hópur einangrast mjög
undanfarið vegna útbreiðslu
kórónuveiru hér á landi. Er svo
komið að tekið er að fjara undan
tengslum þessara barna við skóla
sína. Hafa skólastjórnendur meðal
annars lýst yfir miklum áhyggjum
vegna þessa í samtölum sínum við
Morgunblaðið síðustu daga.
„Við ætlum að setja á laggirnar
sérstaka vakt í kringum þennan
hóp. Ástandið er ekki að breytast á
næstunni og ljóst að skólahald
verður með takmörkunum eftir
páska. Það skiptir gríðarlega miklu
máli að halda góðum tengslum og
vita hvað þau eru að gera svo fólk
heltist ekki úr lestinni,“ segir
Helgi.
Krefjast harðari aðgerða
Sabine Leskopf, formaður fjöl-
menningarráðs Reykjavíkurborgar,
segir hljóðið í innflytjendum vera
„allt öðruvísi“ en í Íslendingum.
„Þessir foreldrar senda börn sín
síður í skólann, hafa miklar áhyggj-
ur og vilja frekar hafa börnin
heima. Frá sínum heimalöndum fá
þau fréttir af lokuðum skólum og
krefjast þess einnig hér til að
vernda börnin. Annað atriði sem
kann að skýra þetta er mikil
áhersla innflytjenda á börnin. Ís-
lenskt samfélag leggur skiljanlega
áherslu á þá sem eldri eru, en eldri
ættingjar innflytjenda eru aftur á
móti ekki hér,“ segir Sabine.
Þá segir hún einnig vantraust í
garð kerfisins vera fremur ríkjandi
meðal innflytjenda á Íslandi og
kann það að hafa áhrif á ákvörðun
þeirra um að halda börnum sínum
heima.
„Þessi hópur ber oft saman
skólakerfið hér og í heimalandinu
og það er margt öðruvísi. Þetta er
mjög vandmeðfarið og flókið verk-
efni.“
Helgi
Grímsson
Sabine
Leskopf
Vinnumálastofnun gerir ráð fyrir því
að skráð atvinnuleysi hafi verið 7,5
til 8% í nýliðnum mánuði, mars, en
fari hækkandi og verði 12-13% í apríl
en 11-12% í maí. Spáir Vinnumála-
stofnun því að atvinnuleysi verði að
meðaltali 8% á árinu.
Kemur þetta fram í fréttatilkynn-
ingu frá félagsmálaráðuneytinu.
Vinnumálastofnun höfðu við lok
dags í gær borist 25 þúsund umsókn-
ir um atvinnuleysisbætur samhliða
minnkuðu starfshlutfalli, með svo-
kallaðri hlutastarfaleið. Um helm-
ingur umsókna er frá fólki sem starf-
ar við ferðaþjónustu og tengdri
starfsemi, 17% umsókna er frá fólki
sem starfaði við verslun og vöru-
flutninga og 11% frá þeim sem starfa
við iðnað, byggingar, sjávarútveg
eða landbúnað.
Flestar eru umsóknirnar af höf-
uðborgarsvæðinu, tæplega 17 þús-
und, 3 þúsund eru af Suðurnesjum
og 1.750 af Suðurlandi. Haft er eftir
Ásmundi Einari Daðasyni félags-
málaráðherra í tilkynningunni að
þessi fjöldi umsókna sýni að aðgerð-
irnar virki. Boðar hann frekari við-
brögð.
900 manns sagt upp
Í mars tilkynntu 22 fyrirtæki um
hópuppsagnir og missa 900 manns
vinnuna í kjölfar þess. Vinnumála-
stofnun vinnur að greiningu á hóp-
uppsögnunum, að sögn Unnar
Sverrisdóttur forstjóra.
Eitt þeirra fyrirtækja sem til-
kynntu um hópuppsögn er Penninn
ehf. Þar var 90 starfsmönnum af alls
250 sagt upp störfum. Starfshlutfall
annarra starfsmanna hefur verið
skert. Uppsagnirnar ná til allra
deilda en aðallega er um að ræða
starfsfólk sem ekki nær 45% starfs-
hlutfalli og fellur því ekki undir
hlutastarfaúrræði stjórnvalda.
Fyrirtækið hefur þurft að loka versl-
unum vegna ástandsins. helgi@mbl.is
Spá 12-13% atvinnuleysi
 25 þúsund
manns minnka
starfshlutfall
Morgunblaðið/Skapti Hallgrímsson
Verslun Penninn hefur þurft að loka
verslunum og skerða afgreiðslutíma.
Kalt verður í
veðri næstu daga
og fram eftir
morgni í dag,
miðvikudag,
verður hraglandi
af norðri víða um
landið norðan- og
austanvert. Á
láglendi verður
vægt frost en
kaldara inn til
landsins. Nokkurn snjó gæti sett
niður og færð á hæstu fjallvegum
spillst.
„Þetta skot stendur ekki lengi og
snjóinn tekur fljótt upp aftur,“ seg-
ir Einar Sveinbjörnsson veðurfræð-
ingur. „Páskanir eru oft þessa
fyrstu daga í apríl, en fáeinum dög-
um síðar nú. Við getum því nefnt
þetta páskahret,“ segir Einar í
samtali við Morgunblaðið.
Skírdagur er á fimmtudag í
næstu viku og veðrátta nyrðra
helst brokkgeng fram á páskahelg-
ina. Veður verður þó skárra sunn-
anlands en nyrðra. „Upp úr pásk-
um gera langtímahorfur ráð fyrir
að veður fari hlýnandi. Lágum loft-
þrýstingi á Grænlandshafi fylgir
væntanlega sunnanátt sem opnar
fyrir hlýja strauma sunnan úr Atl-
antshafi og og því ætti að fylgja
betri tíð. Allt er þetta byggt á spá-
reikningum og þegar þeir gilda
nokkra daga fram í tímann eru þeir
spá og ekki annað,“ segir Einar.
sbs@mbl.is
Hraglandi
og kuldi
Einar
Sveinbjörnsson
 Hret nyrðra  Suð-
læg átt eftir páska
Sigurður Bogi Sævarsson
sbs@mbl.is
Vegna kórónuveirunnar er ferðatíðni
Air Iceland Connect í dag nú aðeins
10-15% af því sem uppsett áætlun
fyrirtækisins gerði ráð fyrir. Far-
þegar eru sömuleiðis mun færri en
áður. Á vegum félagsins eru nú
flognar tvær ferðir á dag til Ak-
ureyrar þrjá til fjóra daga vikunnar,
þá í kringum helgar. Annars er ein
ferð á dag milli Reykjavíkur og Ak-
ureyrar og eins Egilsstaða. Til Ísa-
fjarðar er flogið aðeins þrisvar í viku.
Flug til Grænlands sem hefur verið
stór þáttur í starfsemi félagsins ligg-
ur niðri, utan
leiguferðir með
frakt.
„Samkomu-
bannið hefur gert
að verkum að ým-
is mannamót; ráð-
stefnur, tónleikar,
íþróttamót og
fleira slíkt hefur
dottið út og fólk
er því minna á
ferðinni. Fækkunin er mjög mikil,“
sagði Árni Gunnarsson, fráfarandi
framkvæmdastjóri Air Iceland Con-
nect, í samtali við Morgunblaðið í
gær. Ekki hafi verið annar valkostur
í stöðunni en að fækka ferðum, enda
þurfi í flugrekstri jafnan að bregðast
fljótt við síbreytilegum aðstæðum. –
Ekki hefur komið til uppsagna
starfsfólks en starfshlutföll hafa ver-
ið lækkuð – í mótleik við ráðstafanir
ríkisins.
Í ferðirnar sem nú eru flognar á
vegum Air Iceland Connect eru not-
aðar vélar af minni gerðinni í flota fé-
lagsins, Bombardier Q 200. Þær taka
39 farþega en í hverri ferð nú eru
þeir aðeins um 30, vegna reglna um
fjarlægðir með tilliti til smithættu.
Í gær var tilkynnt að samþætta
ætti rekstur Air Iceland Connect,
sem áður hét Flugfélag Íslands, og
móðurfélagsins Icelandair. Félögin
verða þó áfram með sitthvort flug-
rekstrarleyfið og áhafnir Air Iceland
Connect verða áfram starfsmenn
þess félags – en rekstrarsvið og upp-
lýsingatækni verða sameinuð. Þessu
fylgir að Árni Gunnarsson hættir hjá
Air Iceland Connect og tekur við
sem framkvæmdastjóri Iceland Tra-
vel á næstu vikum. „Í því ástandi sem
nú ríkir erum við að leita allra leiða
til hagræðingar í rekstri Icelandair
Group og teljum við mikil tækifæri í
því að samþætta flugrekstur okkar
enn frekar,“ segir Bogi Nils Boga-
son, forstjóri Icelandair Group, í til-
kynningu sem gefin var út í gær.
Ferðir Air Iceland Connect
nú aðeins 10-15% af áætlun
 1-2 Akureyrarferðir á dag  Móðurfélagið Icelandair yfirtekur reksturinn
Morgunblaðið/Árni Sæberg
Flug Flugvélar Air Iceland Connect á Reykjavíkurvelli. Blásarar með barka dæla heitu lofti inn í vélarnar sem eru varðar fyrir skemmdum með þessu móti.
Árni
Gunnarsson
Skannaðu kóðann
til að lesa lengri
útgáfu á mbl.is