Morgunblaðið - 01.04.2020, Qupperneq 21

MINNINGAR 21
MORGUNBLAÐIÐ MIÐVIKUDAGUR 1. APRÍL 2020
✝ Jóna Ann Pét-ursdóttir fædd-
ist 20. september
1971. Hún lést á
líknardeild Land-
spítalans 20. mars
2020. Foreldrar
Jónu eru Alda
Breiðfjörð Tómas-
dóttir, f. 29.11.
1951, og Peter
Mulligan, f. 26.10.
1945, d. 4.10. 2018.
Þau skildu.
Jóna giftist eftirlifandi maka
sínum, Magnúsi Þorsteinssyni,
f. 10.12. 1968, hinn 31. desem-
ber árið 2013, en þau höfðu ver-
ið í sambúð síðan 2004. Börn
þeirra eru Þorsteinn Gauti, f.
16.10. 2005, og Nanna Helga, f.
1.10. 2009. Fyrir átti Jóna tvö
börn með Auðuni Má Guð-
mundssyni, f. 17.2. 1971, Pétur
Snæ, f. 1.12. 1997, og Öldu Lín,
skjalaþýðandi úr ensku á ís-
lensku.
Jóna flutti til Bretlands árið
1999 til að stunda nám og að því
loknu bjó hún og starfaði í
London sem kynningarfulltrúi
og tengiliður við fjárfesta hjá
fyrirtækinu Bakkavör. Hún
flutti heim til Íslands árið 2004
en vann áfram hjá fyrirtækinu.
Árin 2007 til 2009 starfaði hún
hjá Sparisjóði Reykjavíkur sem
yfirmaður kynningarmála, auk
þess að sinna verkefnum sem
tengdust samfélagslegri ábyrgð
fyrirtækja. Eftir það vann hún
sjálfstætt sem löggiltur skjala-
þýðandi en tók jafnframt að sér
starf sem yfirmaður þýðinga
hjá Landsbanka Íslands frá
2011 til 2012. Síðustu árin starf-
aði Jóna áfram við þýðingar og
rak sitt eigið fyrirtæki sem hún
kallaði Tungutak.
Jóna og Magnús bjuggu alla
sína samvist í Fossvoginum,
fyrst í Keldulandi en fluttu árið
2006 í Brúnaland þar sem Jóna
bjó til æviloka ásamt maka og
börnum.
Útför hennar fer fram í kyrr-
þey.
f. 25.12. 1999. Jóna
átti tvær hálf-
systur, tvíburana
Karen Hildebrand
og Lindu Mulligan,
f. 23.11. 1979.
Móðir þeirra er
Winnie Mulligan.
Jóna ólst upp
bæði í Skotlandi og
á Íslandi. Lengi vel
bjó hún ásamt móð-
ur sinni hjá afa sín-
um og ömmu í Heiðargerði þar
sem hún gekk í Hvassaleitis-
skóla. Hún útskrifaðist frá
Menntaskólanum við Hamrahlíð
árið 1990 og lauk BA-gráðu í
stjórnmálafræði frá Háskóla Ís-
lands árið 1996. Árið 2001 tók
hún meistaragráðu í stjórn-
málafræði (Political Theory og
Political Science) frá London
School of Economics. Árið 2012
fékk Jóna réttindi sem löggiltur
Litlir fætur lítil skref
valhoppa af gleði
koma tímar koma ráð
er sorg sefar.
Eins og þú sagðir sjálf við mig
þá er okkar ferðalagi lokið. Þessi
tími hefur verið mjög áhugaverð-
ur í öllum skilningi. Lífshlaupi
þínu má líkja við árstíðirnar.
Vorið kom með þér. Þú varst
mikill gleðigjafi og stóðst undir
öllum þeim væntingum sem dótt-
ir. Skólinn varð að sumri og
hvert verkefni er þú fékkst upp í
hendurnar leystir þú vel, hvort
sem það sneri að menntun þinni,
uppeldi barna þinna, sambúðum
eða vinnu. En haustið fór fram
hjá og veturinn kom ei. Það var
þér líkt að tala um kveðjustund-
ina á svona fallegan hátt. Þú
hafðir mikið til brunns að bera,
greind, kjark, kraft og styrk og
þú hafðir strax skilning á því er
þú greindist með krabbamein 42
ára gömul hvert stefndi. Það
skilur enginn þessa raun nema
sá er reynir. Öllum er gefinn
ákveðinn tími í lífinu og við ráð-
um engu. Við erum búnar vera
saman á þessu ferðalagi í ca. 48
ár og síðustu sjö árin hefur þú
staðið af þér marga þrekraunina
á þann hátt að við sem stóðum
þér næst erum afar stolt. Kjark-
ur þinn og hinn mikli innri styrk-
ur kom bersýnilega í ljós og sá
kraftur sem þér var gefinn og
þrek hefur fleytt þér í gegnum
þessa tæplega sjö ára löngu bar-
áttu er fáir vissu um. Þú barst
þig mjög vel á mannamótum og
vildir enga vorkunn. Ótal skurð-
aðgerðir á tæpum 7 árum og þær
margar mjög stórar ásamt
geisla- og lyfjameðferðum er
ekki lítið fyrir eina manneskju.
Þjáningar þínar hafa verið svo
miklar að það er þyngra en tár-
um taki. Að mæta örlögum sin-
um með þvílíkri reisn og æðru-
leysi er til marks um þinn sterka
persónuleika.
Minningar streyma fram er þú
kláraðir hvert verkefnið af öðru
og slóst ekkert af, samheldni
ykkar Magnúsar var einstök að
halda heimilinu og fjölskyldunni
saman, vera til staðar fyrir börn-
in sem voru þér allt og fjórir
gimsteinar er þú skilur eftir. Við
sem stöndum þér næst erum í
miðjum storminum en við vitum
að hann mun lægja um síðir. Þín
verður sárt saknað.
Gjöfin er líf
gjaldið er stórt
Er kallið kemur.
Þín
mamma.
Jóna Ann Pétursdóttir færði
mikla hamingju í líf Magnúsar
sonar míns – og hann í hennar.
Þetta varð okkur ljóst þegar við
kynntumst Jónu, fíngerðri konu
með fagurrautt hár og freknur,
smitandi hlátur og skarpa
hugsun. Saman byggðu þau sér
nýja tilveru, komin á miðjan fer-
tugsaldur, bjuggu sér fallegar
vistarverur, eignuðust tvö börn
sem staðfestu hamingjuna enn
frekar og bættust við þau tvö
sem Jóna átti úr fyrra sambandi.
Þau nutu líka félagsskapar í
stórum vinahópi. Jóna og Magn-
ús voru ólík um margt, með ólíka
reynslu að baki en þau auðguðu
lífið saman með hæfileikum sín-
um, viðmóti og ástúð.
Jóna var hlédræg en með
sterkan vilja og sjálfstæð. Svo
sjálfstæð að nokkurn tíma tók að
sannfæra hana um að það væri
enginn átroðningur að biðja um
aðstoð. Til hins síðasta reyndi
hún að leysa öll mál með allra
nánustu fjölskyldu sína í kring-
um sig, tók forystuna um flest og
vissi hvað hún vildi.
Það var ekki komið að tómum
kofunum hjá Jónu þegar sest var
niður með kaffibolla sem Magn-
ús reiddi fram og byrjað að ræða
um þjóðmálin. Hún hafði mikinn
áhuga á stjórnmálum enda hafði
hún lagt þau fyrir sig í námi sínu.
Og það sem hún hafði áhuga á
kynnti hún sér í þaula, fann
óvænt sjónarhorn og gat fundið
spaugilegar hliðar á alvarlegum
málum.
Þessi löngun eftir vitneskju
kom einnig fram þegar „meistari
allra meina“ knúði dyra fyrir
nærfellt sjö árum. Hún vildi allt
vita, finna hverja færa og jafnvel
ófæra leið til að vinna bug á vá-
gestinum eða vinna að minnsta
kosti tíma. Og með vitneskjunni
og lífsviljanum vann hún einnig
verðmætan tíma, ekki síst fyrir
börnin sem jafnan voru í fyrir-
rúmi.
Jóna fékk of stuttan tíma í
þessu jarðlífi, þau Magnús of
naumt skammtaðar samvistir og
börnin nutu móður sinnar í allt of
skamman tíma. Þetta er okkar
sterka tilfinning og okkur finnst
ekkert réttlæti í tilverunni. En
smám saman kemur að því að við
getum fyllt hugann og hjartað af
þakklæti yfir því sem hún gaf
sínum nánustu, vinunum og sam-
félaginu og návist hennar mun
halda áfram að búa innra með
okkur, styrkja móður hennar,
Magnús og börnin þegar þau
fóta sig í nýrri tilveru.
Þorsteinn Helgason.
Jóna Ann var akkerið í okkar
vinkonuhópi. Hún var þessi
trausta, víðsýna, gáfaða og hóg-
væra vinkona sem við allar bár-
um mikla virðingu fyrir og hlust-
uðum á af athygli. Sumar okkar
hafa þekkt Jónu frá sex ára aldri
eða frá því að við hófum skóla-
göngu í Hvassaleitisskóla. Þá
bjuggu Jóna og Alda móðir
hennar í Heiðargerði, ásamt for-
eldrum Öldu. Aðrar okkar komu
inn í líf Jónu á menntaskólaárun-
um í MH.
Í gegnum okkar vinskap
stendur upp úr hve hláturmild og
skemmtileg Jóna var en hún gat
alltaf fundið spaugilegu hliðina á
hlutunum. Hún brosti með öllu
andlitinu og augun pírðust svo
innilega, yfir háu og fallegu
freknóttu kinnbeinunum. Í
kringum andlitið liðaðist svo
þetta einstaklega fallega þykka
rauða hár sem vakti athygli
hvert sem hún fór.
Jóna var ákveðin og fylgin sér
og var óhrædd við að koma skoð-
unum sínum á framfæri en var á
sama tíma alltaf tilbúin að vega
og meta sjónarmið annarra. Hún
fylgdist mjög vel með stjórnmál-
um og samfélagsumræðu. Það
gerðist iðulega í partíum þar sem
stjórnmál voru til umræðu að
hún, á sinn yfirvegaða hátt, setti
mál sem efst voru á baugi í rétt
samhengi þannig að þeir sem
vildu tala meira og hærra lögðu
við hlustir. Jóna var mjög vel les-
in og náði þekking hennar langt
út fyrir stjórnmálafræðina. Það
kom vel í ljós á spilakvöldum
vinahópsins. Þau sem drógust í
lið með Jónu í spurningaspilum
voru yfirleitt lánsöm og líkleg til
að vera í vinningsliði.
Jóna var vinur vina sinna og
fjölskyldan var henni allt. Þótt
Jóna hafi verið grallari að vissu
leyti sem barn var hún alltaf
þessi góða prúða stúlka, enda vel
upp alin, það sást langar leiðir.
Hún bar virðingu fyrir öllum og
talaði aldrei illa um nokkurn
mann. Hún var einnig nærgætin
og umhyggjusöm og spurði ávallt
um líðan annarra þrátt fyrir að
vera orðin mjög veik sjálf.
Menntaskólaárin okkar voru
skemmtileg, virkilega dýrmætur
tími og svo margs að minnast.
Svo valdi hver og ein okkar sitt
háskólanám, en aldrei skildi leið-
ir. Við hittumst reglulega, héld-
um saman upp á afmæli, fórum í
útilegur, sumarbústaðaferðir,
ferðir erlendis og hvaðeina sem
einkennir góðan vinkonuhóp.
Öll börnin hennar Jónu hafa
sterk karaktereinkenni frá henni.
Mikið sem Jóna má vera stolt af
þeim og mun hún fylgja þeim án
efa áfram í gegnum lífið. Jóna
tæki aldrei annað í mál. Öll börn-
in standa sig svo einstaklega vel í
skóla, starfi og leik, rétt eins og
Jóna, sem gerði allt vel sem hún
tók sér fyrir hendur.
Eftir að Jóna greindist með
krabbamein haustið 2013 sýndi
hún mikinn baráttuvilja og dáð-
umst við vinkonurnar að vilja-
styrknum. Hún lét ekkert stoppa
sig og tókst á við veikindi sín af
miklu æðruleysi.
Skarðið í vinkvennahópnum er
stórt við fráfall Jónu en missir
fjölskyldu hennar er mestur.
Hugur okkar er stöðugt hjá
Magga, Öldu móður hennar og
krökkunum, sem hafa staðið við
hlið hennar og stutt hana með
aðdáunarverðum hætti í veikind-
unum. Við óskum þess að minn-
ingarnar um elsku Jónu okkar
muni styðja þau og styrkja.
Minningar um yndislega vin-
konu munu lifa áfram í hjörtum
okkar.
Anna, Björk, Guðrún
Gerður, Gúa, Sif,
Sigrún og Svanhvít.
Nú ertu leidd, mín ljúfa,
lystigarð Drottins í,
þar áttu hvíld að hafa
hörmunga og rauna frí,
við Guð þú mátt nú mæla,
miklu fegri en sól
unan og eilíf sæla
er þín hjá lambsins stól.
Dóttir, í dýrðar hendi
Drottins, mín, sofðu vært,
hann, sem þér huggun sendi,
hann elskar þig svo kært.
Þú lifðir góðum Guði,
í Guði sofnaðir þú,
í eilífum andarfriði
ætíð sæl lifðu nú.
(Hallgrímur Pétursson)
Nú er komið að kveðjustund,
elsku Jóna Ann okkar.
Hlýja þín, rólyndi, fallega
rauða hárið þitt, húmorinn þinn,
fallega brosið þitt og hláturinn
þinn er minning sem mun lifa
áfram með okkur öllum.
Ákveðni þín, seigla þín og
æðruleysi í erfiðum veikindum er
í okkar augum einstök og
ógleymanleg. Sama má segja um
stuðning þinna nánustu. Magnús,
yndislegu börnin þín og Alda,
gáfu ávallt allt sem þau áttu til að
styðja þig og styrkja.
Elsku Alda, Magnús, Pétur
Snær, Alda Lín, Þorsteinn Gauti
og Nanna Helga. Við sendum
ykkur okkar innilegustu sam-
úðarkveðjur. Við vildum óska
þess að við gætum faðmað ykkur
og hughreyst á þessum erfiðu
tímum, elsku vinir. Við biðjum
þess að góður Guð veiti ykkur
styrk í sorginni.
Einar og Elísabet,
Tómas, Þuríður og börn,
Hörður, Sigrún og börn
Einar Ólafur, Svava og
börn.
Jóna Ann
Pétursdóttir
Elsku pabbi
minn, mikið er
ósanngjarnt að þú
sért farinn frá mér
alltof fljótt.
Við vorum miklir vinir. Sam-
bandið okkar var einstakt og
einkenndist af knúsiríi, hlýju og
umhyggju. Hann var af gamla
skólanum, þrautseigjan og
vinnusemin ólýsanleg fram á
síðasta dag en jafnframt svo
innilega hlýr. Ég leit mikið upp
til hans, hann kunni lag á öllu
og var með réttu svörin við
flestu. Hann kenndi mér fljótt
að tileinka mér vinnusemi og
samviskusemi og ég hef alltaf
vitað að leti sé orð sem á helst
ekki að vera til í orðabókinni og
að maður klárar það sem mað-
ur byrjar á. Hann sá reyndar
fljótt að hann myndi seint ná að
kenna mér þolinmæði og vand-
Bjarni Jón
Matthíasson
✝ Bjarni JónMatthíasson
fæddist 1. apríl
1953. Hann lést 26.
febrúar 2020.
Útför Bjarna var
gerð 14. mars 2020.
virkni, litlu æðib-
ununni, en mér var
fyrirgefið það.
Hann var alltaf
tilbúinn að rétta
fram hjálparhönd.
Hvort sem það
þurfti að keyra á
æfingar, kenna
stærðfræði, tengja
rafmagn, sinna
hesti, ketti eða
kanínu, lagfæra
bílinn, setja saman húsgögn-
alltaf var hann tilbúinn að að-
stoða mig, ég gat alltaf leitað
til hans, í hans hlýja faðm og
viðmót.
Ég á eftir að sakna þess að
getað ekki leitað til hans öllum
stundum. En mest á ég eftir að
sakna þess að liggja uppi í sófa
með honum, haus í haus að
horfa á fréttir, veður, kastljós,
Stuðmannamyndina Í takt við
tímann, sem við kunnum utan
að, eða eitthvað hundleiðinlegt,
að hans mati.
Elsku pabbi minn. Ég trúi
því að þú sért kominn á góðan
stað og þar hittumst við aftur.
Guðrún Heiða Bjarnadóttir.
Hjartans þakkir til allra þeirra sem sýndu
samúð og vinarhug við andlát og útför
okkar ástkæra bróður og frænda,
JÓNS INGA SIGURJÓNSSONAR,
Jonna,
frá Norðurkoti á Eyrarbakka.
Sérstakar þakkir færum við starfsfólki á
deild B2 Landspítala Fossvogi fyrir hlýhug
og einstaka umönnun.
Guð blessi ykkur öll.
Systkini, frænkur og systkinabörn hins látna
Þökkum af alhug auðsýnda samúð og
vinarhug vegna andláts og útfarar okkar
ástkæra
BJARNA JÓNS MATTHÍASSONAR,
Sandlæk, Skeiða- og Gnúpverjahreppi,
áður Kirkjubæjarklaustri.
Sérstakar þakkir fær starfslið blóðlækningadeildar (11G) og
dagdeildar (11B) á LSH við Hringbraut fyrir einstaka alúð,
umhyggju og öryggi í samskiptum síðustu 8 árin.
Elín Erlingsdóttir
Ester Elín, Björgvin og börn
Guðrún Heiða og Andri
Helgi Haukur, Helga Margrét og börn
systurnar Sigríður og Sigurjóna og fjölskyldur
Samkomubann og óvenjulegar aðstæður í þjóðfélaginu
hafa leitt til þess að útfarir eru nú með breyttu sniði.
Morgunblaðið hefur brugðist við með því að rýmka reglur
um birtingu á minningargreinum.
Minningargreinasíður blaðsins standa opnar öllum þeim
sem vilja minnast ástvina eða sýna aðstandendum samúð
og samhug.
Í ljósi aðstæðna hefur verið slakað á fyrri verklagsreglum
hvað varðar útfarir í kyrrþey. Ekkert er því til fyrirstöðu að
birta minningargreinar sama dag og útför einstaklings er
gerð hvort sem hún er háð fjöldatakmörkunum eða gerð í
kyrrþey.
Starfsfólk greinadeildar Morgunblaðsins er boðið og búið
að aðstoða þá sem hafa spurningar um ritun minningar-
greina eða hvernig skuli senda þær til blaðsins.
Ekkert gjald er tekið fyrir birtingu minningagreina.
Þær eru einnig birtar á www.mbl.is/minningar.
Birting minningargreina