Morgunblaðið - 01.04.2020, Side 27

ÍÞRÓTTIR 27
MORGUNBLAÐIÐ MIÐVIKUDAGUR 1. APRÍL 2020
HANDBOLTI
Kristján Jónsson
kris@mbl.is
„Segja má að ástandið sem skapast hefur í þjóð-
félaginu hafi ýtt á okkur að ljúka þessari vinnu.
Nú virðast flestir hafa meiri tíma en áður vegna
kórónuveirunnar,“ sagði Magnús Kári Jónsson,
starfsmaður Handknattleikssambands Íslands,
þegar Morgunblaðið ræddi við hann í gær um
fræðslumálin hjá HSÍ.
Sambandið hefur nú gerbreytt því hvernig
kennsla fer fram á þjálfaranámskeiðum HSÍ. Á
næstunni verða þrjú þjálfaranámskeið haldin,
frá 1. stigi til 3. stigs allt eftir því hvar fólk er
statt á þeim menntavegi, en nú þarf ekki lengur
að mæta í Laugardalinn á völdum dagsetningum
til að eiga möguleika á að ná í þessa menntun.
Námskeiðin voru í formi helgarnámskeiða en
verða hér eftir í fjarnámi yfir nokkurra mánaða
tímabil. Fara þau fram fram í samstarfi við Há-
skólann í Reykjavík og er notast við sama tölvu-
kerfi og HR notar í sinni kennslu.
„Þetta var í raun ákveðið í haust og fyrir ára-
mót voru fyrirlestrarnir búnir til sem eru meðal
annars þess námsefnis sem notað er í kennsl-
unni. Mesta vinnan í kringum þetta var í kring-
um lokaverkefni þeirra sem luku námi í EHF
Mastercoach og útskrifuðust í desember. Loka-
verkefnin fólust í að vinna fyrirlestra fyrir þessi
námskeið. Að eiga slíka fyrirlestra geta verið
verðmæti fyrir íslenskan handbolta næstu árin
og nýtist upprennandi þjálfurum. Gæðin eiga að
vera til staðar þar sem margir af okkar bestu
þjálfurum voru í þessum fyrsta sem tekur Mast-
ercoach-gráðuna hérna heima. Áður voru átta
eða níu með gráðuna en höfðu menntað sig er-
lendis. Í desember útskrifuðust yfir tuttugu
manns og okkur tókst að slá tvær flugur í einu
höggi,“ sagði Magnús sem hafði umsjón með
endurskipulagningunni ásamt Gunnari Magn-
ússyni, íþróttastjóra HSÍ. Við þetta má bæta að
fleiri fyrirlesarar koma að námskeiðunum en
nemarnir í Mastercoach-námskeiðinu.
Menntun þjálfara er grunnur
að framtíð handboltans
HSÍ auglýsti námskeiðin þrjú í gær og er
skráning hafin. Magnús bindur vonir við að
breytt fyrirkomulag geri fólki auðveldara fyrir
að taka námskeiðin.
„Uppistaðan í kennslunni eru fjölbreyttir fyr-
irlestrar og verkefni í kringum það. Aðalatriðið
er að nú þurfa ekki allir að vera á sama stað á
sama tíma. eins og áður. Við fengum ekki alltaf
nógu miklar skráningar á helgarnámskeiðin og
þá var ekki rekstrargrundvöllur fyrir þeim. Nú
er svo gott sem sama vinnan á bak við þetta
burtséð frá þeim fjölda sem skráir sig. Und-
anfarin ár hafa verið teknar skorpur í nám-
skeiðahaldi. Markaðurinn er ekki stór og því
datt námskeiðahaldið niður á milli. Við erum
fljót að metta markaðinn í handboltanum hér-
lendis því við erum ekki það stór. Okkar von er
sú að með þessu getum við haldið þessu betur
uppi. Góð menntun þjálfara er grunnur að
framtíð handboltans og því augljóst hversu
mikilvægt er að halda kennslunni gangandi,“
sagð Magnús Kári í samtali við Morgunblaðið í
gær.
Veiran ýtti frekar á fjarnámið
 HSÍ breytir þjálfaranámskeiðum í fjarnám í stað helgarnámskeiða
Ljósmynd/Sigfús Gunnar
Íþróttastjórinn Gunnar Magnússon hafði umsjón með endurskipulagningunni.
Knattspyrnumaðurinn Andri Rafn
Yeoman mun leika með Breiðabliki
frá upphafi komandi tímabils. Þetta
kom fram í hlaðvarpsþættinum Dr.
Football. Óvíst var um þátttöku
hans í Íslandsmótinu í sumar en
Andri hefur stundað nám í verk-
fræði á Ítalíu í vetur. Hann er hins
vegar kominn til landsins og er nú í
sóttkví. Andri Rafn er fæddur árið
1992 og er hann leikjahæsti leik-
maður Breiðabliks í efstu deild frá
upphafi. Þar á hann að baki 210
leiki í deildinni þar sem hann hefur
skorað 14 mörk.
Andri Rafn með
frá upphafi
Morgunblaðið/Arnþór Birkisson
Kópavogsvöllur Andri Rafn Yeom-
an er kominn heim í Kópavoginn.
Borche Ilievski skrifaði í gær undir
nýjan samning við körfuknattleiks-
deild ÍR og mun hann þjálfa meist-
araflokk karla hjá félaginu til árs-
ins 2023. Borche hefur stýrt ÍR frá
2015 og náð eftirtektarverðum ár-
angri með liðinu. ÍR hefur komist í
úrslitakeppnina síðustu fjögur ár
og fór það alla leið í úrslit um Ís-
landsmeistaratitilinn í fyrra, en
tapaði að lokum fyrir KR í odda-
leik. ÍR var í sjöunda sæti Dominos-
deildarinnar og búið að tryggja sér
sæti í úrslitakeppninni þegar tíma-
bilinu var aflýst í síðasta mánuði.
Borche áfram
í Breiðholtinu
Þórir Tryggvason
Þjálfari Borche Ilievski þjálfar ÍR-
inga í Breiðholti næstu þrjú árin.
allan ferilinn og hafði mikil áhrif. Witt
þykir sjarmerandi persóna og Müller
mun hafa hjálpað henni að draga það
fram á ísnum.
Fyrsti sigur Witt á stórmóti kom á
Evrópumótinu árið 1983 og hún
fylgdi því eftir með frábærum ár-
angri árið eftir sem fyrr segir. Witt
varð raunar Evrópumeistari sex ár í
röð, frá 1983 – 1988, og jafnaði þar af-
rek Sonju Henie frá Noregi. Sex sigr-
ar í röð á EM er enn met en Irina
Slutskaya frá Rússlandi sló þeim við í
fjölda titla og vann EM sjö sinnum.
Witt varð einnig heimsmeistari ár-
ið 1985 og 1987 þegar hún end-
urheimti titilinn. Debi Thomas hafn-
aði í 2. sæti á HM á 1987 á
bandarískri grundu en mótið fór fram
í Cincinatti. Ýtti þetta frekar undir
þær vangaveltur um að baráttan um
gullið í Calgary myndi standa á milli
þeirra. Í Calgary hafði Witt betur og
kom sér endanlega þægilega fyrir í
sögubókunum. Ekki að ástæðulausu
því hún vann tólf af þrettán stórmót-
um á árunum 1983-1988. Thomas
tókst ekki að framkvæma æfingar
sínar nægilega vel í Calgary og varð
að gera sér bronsið að góðu. Ef til vill
hafði reynslan nokkuð að segja því
Witt sigldi í gegnum sínar æfingar án
mikilla vandræða en Thomas þótti
reyna erfiðari æfingar sem gengu
ekki fullkomlega upp.
Vakti athygli á stríðinu
Witt hætti keppni árið 1988 en hún
hafði náð að afreka það að vinna ól-
ympíugull á tvennum leikum í röð.
Hún hafði þá keppt í ellefu ár. Raun-
ar hafði Witt ætlað sér að láta staðar
numið árið 1986 en sigur Thomas á
HM 1986 breytti þeim áformum. Witt
vildi ekki hætta á þeim nótum.
Witt kom geysilega á óvart þegar
hún tilkynnti fimm árum síðar að hún
hefði sett stefnuna á að vera með á
ÓL í Lillehammer. Var því haldið
fram í fjölmiðlum að um ein-
hvers konar brellu væri að
ræða til að vekja á sér at-
hygli. Witt myndi draga sig
úr keppni áður en að leikunum kæmi.
Hún vann sig hins vegar inn á leik-
ana og keppti þar en Witt langaði
meðal annars að keppa fyrir sam-
einað Þýskaland. Áratugur var liðinn
frá því hún vann gullið í Sarajevo.
Hún minnti á að nú geisaði þér
grimmileg borgarastyrjöld og fram-
kvæmdi æfingar sínar við lagið
Where have all the flowers gone.
Hafnaði hún í 7. sæti í Lillehammer. Reuters
 Króatíski knattspyrnumaðurinn Dej-
an Lovren mun að öllum líkindum yf-
irgefa Liverpool í sumar eftir sex ár á
Anfield. Arsenal og Tottenham eru bæði
sögð áhugasöm um miðvörðinn sem er
þrítugur að árum. Hann gekk til liðs við
Liverpool frá Southampton árið 2014.
Lovren hefur færst aftar í goggunarröð-
ina upp á síðkastið en þeir Virgil van
Dijk, Joe Gomez og Joel Matip eru allir
á undan honum í goggunarröðinni. Þá
hefur Króatinn einnig verið mikið
meiddur, undanfarin tvö tímabil, og því
hefur honum gengið illa að vinna sér
inn fast sæti í byrjunarliðinu.
 Akureyringurinn Haraldur Ingólfs-
son hefur ákveðið að hlaupa 310 kíló-
metra í aprílmánuði til styrktar úrvals-
deildarliði Þórs/KA og liði Hamranna
sem leikur í 2. deildinni í fótbolta. Fólki
mun gefast tækifæri til þess að heita á
Harald í þeim tilgangi að styrkja knatt-
spyrnustarf stelpnanna á Akureyri sem
hefur verið afar öflugt í gegnum tíðina.
 Enska knattspyrnufélagið Liverpool
hefur engan áhuga á því að fá Philippe
Coutinho aftur á Anfield en hann hefur
verið orðaður við endurkomu til félags-
ins að undanförnu. Er hann er sem
stendur lánsmaður hjá Þýskalands-
meisturum Bayern München. Coutinho
gekk til liðs við Barcelona frá Liverpool
í janúar 2018 en spænska félagið borg-
aði 142 milljónir evra fyrir brasilíska
miðjumanninn. Coutinho hefur engan
vegin náð sér á strik á Spáni og
spænska liðið vill nú losna við bras-
ilíska miðjumanninn. Þrátt fyrir að hafa
spilað vel í Þýskalandi á tímabilinu ætl-
ar Bayern ekki að nýta sér forkaupsrétt
sinn á leikmanninum.
 Markvörðurinn Pepe Reina, sem er
sem stendur lánsmaður hjá enska
knattspyrnufélaginu Aston Villa frá AC
Mílan greindist með kórónuveiruna á
dögunum en er nú óðum að jafna sig.
Reina upplifði miklar kvalir á meðan
hann barðist við veiruna en hann átti
erfitt með andardrátt á köflum og ótt-
aðist um líf sitt.
 Rangt var farið með titla hjá körfu-
knattleiksliði Íþróttafélags Stúdenta,
ÍS, í dálkinum „Á þessum degi“ í
blaðinu í gær. Auk þess að verða bik-
armeistari 1978 varð karlalið félagsins
Íslandsmeistari árið 1959.
 Slóvakíska knattspyrnufélagið Zilina
er á leið í gjaldþrot vegna kórónuveiruf-
araldsins og er fyrsta atvinnumanna-
félagið, sem vitað er um, til þess að
lýsa yfir gjaldþroti vegna faraldursins.
 Cristiano Ronaldo, leikmaður Juven-
tus á Ítalíu, gæti verið seldur frá félag-
inu í sumar vegna kórónuveiru-
faraldursins sem nú geisar en það eru
ítalskir fjölmiðlar
sem greina frá
þessu. Mikill sam-
dráttur hefur
verið í knatt-
spyrnu-
heiminum
enda öll-
um deild-
arkeppnum Evrópu
verið frestað um
óákveðinn tíma
nema í Hvíta-
Rússlandi. Ronaldo
er launahæsti leik-
maður Juventus og
gæti félagið neyðst
til að selja sína helstu
stjörnu.
Eitt
ogannað
Calgary Katarina Witt
með verðlaunin um
hálsinn á ÓL1988.