Morgunblaðið - 30.04.2020, Blaðsíða 24

Mikil umsvif hafa verið á hafnar-
svæðinu á Dalvík á síðustu árum og
var nýr hafnargarður, Austurgarð-
ur, formlega vígður í nóvember, en
hann er ofarlega hægra megin á
myndinni. Efnisflutningaskipið Pét-
ur mikli og gröfupamminn Reynir
frá Björgun hf. hafa undanfarið verið
við dýpkun við Austurgarð og við-
haldsdýpkun við Norðurgarð.
Reiknað er með að þeirri vinnu ljúki í
dag.
Framkvæmdir við Austurgarð hóf-
ust 2017 og var fyrsta verkefnið að
breyta og færa grjótgarðinn, efst
hægra megin á myndinni. Dýpka
þurfti í höfninni og síðan var stálþil
rekið niður og fyllingin látin síga áður
en þekjan var steypt. Á hafnarsvæð-
inu hafa m.a. risið masturshús og
spennistöð, sem var tengd við varð-
skipið Þór þegar rafmagnslaust varð í
Dalvíkurbyggð í nokkra daga eftir
mikið óveður 10. desember í fyrra.
Vinnubúðir frá verktakafyrirtæk-
inu Munck eru á Austurgarði, en
verða á næstunni fluttar til Græn-
lands.
Nýtt og fullkomið fiskiðjuver
Samherja hefur á síðustu mánuðum
risið við Austurgarð, þar sem tveir
togarar eiga að geta athafnað sig
samtímis. Eldra frystihús Samherja
er fyrir ofan verbúðir, sem standa á
fjörukambinum vinstra megin ofan
við miðja mynd
Næst á myndinni til hægri er
Suðurgarður og til vinstri eru smá-
bátabryggjur. Sjá má hvalaskoðun-
arbátana Mána og Draum og fjær er
Grímseyjarferjan Sæfari við ferju-
bryggjuna. aij@mbl.is
Dýpkun að ljúka á Dalvík
Morgunblaðið/Þorgeir Baldursson
Uppbygging Talsverð umsvif eru í Dalvíkurhöfn allan ársins hring og ný mannvirki bæta aðstöðuna.
 Mikil umsvif hafa verið á hafnarsvæðinu síðustu ár
24 FRÉTTIRInnlent
MORGUNBLAÐIÐ FIMMTUDAGUR 30. APRÍL 2020
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646
Boltaæfingar Vestmanneyingurinn Sigurður Grétar Benónýsson er meðal
nýrra leikmanna Vestra og ætlar sér eflaust að skora grimmt í sumar.
Ágúst Ingi Jónsson
aij@mbl.is
Það er ekki nýtt að íþróttamenn
leiti allra ráða til að geta æft íþrótt
sína. Þannig voru ekki margir kost-
ir til æfinga á erfiðum og snjóþung-
um vetri fyrir knattspyrnumenn
Vestra á Ísafirði og í Bolungarvík.
Besta lausnin var
sandræma á
Stórasandi í fjör-
unni í Bolung-
arvík, þar sem
sandurinn var yf-
irleitt sléttur og
þægilegur á fjör-
unni.
„Maður byrjaði
á því á morgnana
að fara inn á
samgongustofa.is
og þaðan inn á siglingar. Smellti
síðan á veður og sjólag og kíkti á
öldu- og veðurspá. Þaðan var farið í
sjávarfallastöðu í höfnum og staðan
í Bolungarvík skoðuð. Í framhaldi af
þessu gátum við gefið út þann tíma
sem best var talið að æfa, en aldrei
máttu fleiri en fjórir vera á sama
tíma í fjörunni,“ segir Bjarni Jó-
hannsson, hinn margreyndi knatt-
spyrnuþjálfari, sem nú þjálfar
Vestra. Liðið varð í öðru sæti í 2.
deild í fyrra og leikur því í næst-
efstu deild í sumar.
Erfiður vetur fyrir vestan
Bjarni segir að veturinn hafi ver-
ið erfiður á margan háttt fyrir vest-
an, vond veður og mikill snjór. Síð-
an kórónufaraldurinn sem lagst hafi
þungt á fólk í Bolungarvík og á Ísa-
firði, en vonandi sé að rætast úr.
„Æfingavöllurinn í Bolungarvík
sem við æfum á á vorin og sumrin
er enn á kafi í snjó. Gervigrasvöll-
urinn, sem er reyndar ónýtur, fór
undir snjó í lok nóvember og kom
undan snjó einum degi fyrir sam-
komubannið um miðjan mars.
Snjórinn var svo mikill að tæpast
var hægt að hlaupa á göngustíg-
unum og þess vegna var þessi sand-
ræma í fjörunni í Bolungarvík okk-
ar eini möguleiki til þess að hlaupa
og jafnvel rekja bolta. Á góðum
degi er þetta frábær aðstaða og við
erum engan veginn fyrsta fótbolta-
liðið á Íslandi sem æfir í fjöru-
sandi,“ segir Bjarni.
Þess má geta að til hefur staðið
að byggja upp íþróttamannvirki á
Torfnesi á Ísafirði. Fyrir nokkru
var bygging fjölnota húss á Torfnesi
boðin út, en ekkert tilboð barst í
verkefnið.
Bjarni starfar sem íþróttakennari
í Borgarholtsskóla, en fer oft vestur
að vetrinum og er á leiðinni þangað
í vikulok. Hann segir að lið sumars-
ins sé nokkuð mótað, en þó eru tveir
leikmenn ókomnir frá útlöndum og
nokkur óvissa um komu þeirra
vegna kórónuveikifaraldursins.
Fara beint í sóttkví
„Við eigum von á leikmanni frá
Serbíu og öðrum frá Brasilíu, sem
báðir voru með okkur í fyrra, og er-
um að vona að þeir komi fyrir miðj-
an maímánuð. Við erum ekki búnir
að finna flug fyrir þá, en um leið og
slaknar á ferðatakmörkunum um
allan heim gætu opnast möguleikar
á að koma þeim til landsins. Ef allt
gengur upp ættu þeir að vera klárir
í bikarleiki í byrjun júní eftir
tveggja vikna sóttkví,“ segir Bjarni.
Ljósmyndir/Heiðar Birnir Torleifsson
Á Stórasandi Daniel Badu dregur hvergi af sér á sprettinum, en hann hefur í mörg ár keppt með liðum að vestan.
Skoðaði sjólag
og sjávarföll
fyrir æfingar
 Erfiðar aðstæður  Fjaran lausnin
Bjarni
Jóhannsson
Samgönguráðherra hefur falið
Vegagerðinni að leiða vinnu starfs-
hóps til að endurmeta og skoða tvo
fýsilega kosti um legu Sundabrautar
og gera tillögu að framtíðarlausn
sem fest yrði í skipulagi. Í hópnum
munu sitja fulltrúar Reykjavíkur-
borgar, SSH og Faxaflóahafnar auk
Vegagerðarinnar.
Skv. upplýsingum ráðuneytisins á
að endurmeta þá tvo kosti sem
starfshópur um Sundabraut á vegum
ríkisins og Samtaka sveitarfélaga á
höfuðborgarsvæðinu (SSH) taldi
fýsilegasta í skýrslu sinni sem kynnt
var í júlí í fyrra; jarðgöng yfir í Gufu-
nes og lágbrú sem þverar hafnar-
svæðið við Kleppsvík. Hópurinn á að
endurmeta hönnun og legu Sunda-
brautar og gera nýtt kostnaðarmat
fyrir báða valkostina. Skila á niður-
stöðum fyrir 31. ágúst nk.
Hópur meti tvo
kosti Sundabrautar
Morgunblaðið/Hallur Már
Holtagarðar Tveir kostir um legu
Sundabrautar verða skoðaðir.