Fréttablaðið - 02.09.2020, Blaðsíða 23

Ferðalagið er langt
en það snýst bara
um að taka mörg snögg lítil
skref í rétta átt.
Helgi Andri Jónsson, fram-kvæmdastjóri SalesCloud, er metnaðarfullur varðandi
framtíðaráform f y rirtækisins.
Markmiðið er að tvöfalda tekj-
urnar ár frá ári næstu fimm árin.
Á næstu tíu árum er horft til þess
að skrá fyrirtækið í Kauphöll og
að vörurnar verði notaðar um alla
Evrópu og Norður-Ameríku.
Hver eru þín helstu áhugamál?
Eðlisfræði og heimspeki. Ég pæli
í stærstu ráðgátum lífsins á hverj-
um degi. Eðlisfræði kennir okkur
að við getum hvorki skapað né eytt
orku og aðeins umbreytt henni en
að sama skapi veit enginn almenni-
lega hvaðan hún kom eða hvað
meirihluti orku alheims í raun og
veru er.
Hvaða bók hefur haft mest áhrif
á þig?
The Universe in a Nutshell eftir
Stephen Hawking kveikti áhugann
á heimsfræði og eðlisfræði.
Hver hafa verið mest krefjandi
verkefnin á undanförnum miss-
erum?
Að byggja upp teymi og fyrir-
tækið, SalesCloud. Það er eitt að
þróa og forrita vöruna, það er allt
annað að skapa fyrirtækið sem
heldur utan um vöruna og tekur
hana langt áfram.
Mest krefjandi var þróun eTags,
snertilausu sjálfsafgreiðslunar. Það
tók tvö ár að forrita hana og allt
varð að smella á réttum tíma.
Hvaða á skoranir e r u f ram
undan?
Tekjur fyrirtækisins hafa tvö-
faldast á milli ára undanfarin tvö
ár. Mesta áskorunin nú er að ljúka
við þróun á vörum sem við teljum
tvöfalda tekjurnar ár frá ári næstu
tvö til þrjú ár. Ein af þessum vörum
lítur dagsins ljós þegar Bíó Paradís
verður opnað aftur en meira get ég
ekki sagt að svo stöddu.
Ég er með hugmyndir um hvað
gæti fært okkur frekari vöxt á
næstu fimm árum en ætla að bíða
og sjá hvernig lifnaðarhættir okkar
þróast á næstunni.
Stóra verkefnið er að tvöfalda
vöxtinn ár frá ári næstu fimm ár
og skrá svo fyrirtækið í Kauphöll.
Ferðalagið er langt en það snýst
bara um að taka mörg snögg lítil
skref í rétta átt.
Hv e r n i g s é r ð u f y r i r t æ k i ð
SalesCloud þróast á næst u t íu
árum?
Ég sé fyrir mér að SalesCloud
verði skráð fyrirtæki í Kauphöll
og vörurnar verði í notkun um
alla Evrópu og Norður-Ameríku.
Jafnframt sé ég fyrir mér að við
höfum þar með opnað fyrir mörg
ný íslensk tæknifyrirtæki að selja
og markaðssetja sína tækni til við-
skiptavina okkar á heimsvísu. Von-
andi náum við að standa þétt við
frumkvöðla og hjálpa þeim að ná
árangri með einum smelli.
Ef þú þyrft ir að velja annan
starfsframa, hvað yrði fyrir valinu?
Mig dreymdi um að verða eðlis-
fræðingur þegar ég var unglingur
og vinna verðlaun fyrir að finna
svör við erfiðum spurningum eins
og hvað þyngdaraf l sé í skammta-
fræði. Enginn veit svarið nákvæm-
lega eins og er en ég bíð spenntur
eftir fréttum þess efnis.
Vilja tvöfalda tekjur ár frá ári
Nám:
Ég vildi sannarlega að ég gæti sagt
að ég hefði lokið stúdentsprófi
og háskólanámi en svo er ekki því
miður. Ég byrjaði að læra forritun
tólf ára gamall og hef ekki hætt
síðan.
Störf:
Ég hef í raun bara unnið sjálfstætt
og þá mest við forritun síðastliðin
8 ár. Framkvæmdastjóri Sales­
Cloud frá árinu 2012.
Fjölskylduhagir:
Kærastan mín Kolbrún Ýr Odd­
geirsdóttir er flugumferðarstjóri.
Við búum saman með sjö ára
prinsessu.
Svipmynd
Helgi Andri Jónsson
Af öllum þeim slæmu áhrifum sem COVID-19 faraldurinn hefur á efnahagslíf landsins
er vaxandi atvinnuleysi, líklega, þau
verstu. Í júlí síðastliðnum, mánuði
þegar atvinnuleysi er vanalega
einna minnst, voru 21.435 manns
á atvinnuleysiskrá eða á hlutabóta-
leiðinni og samkvæmt nýbirtri
spá Seðlabankans verður atvinnu-
leysi mikið, allavega til ársins 2022.
Afleiðingin er að fólk fær ekki tæki-
færi til að sýna hvað í því býr og sjá
fyrir sér og sínum. Það sem meira er,
þá getur langvarandi atvinnuleysi
haft neikvæð áhrif á heilsu, atvinnu-
möguleika og félagsleg tengsl.
Lækningar – ekki plástra
Ómarkviss aukning ríkisútgjalda
og hækkun bóta, sem hefur mikið
komið til tals í umræðunni, munu
því miður ekki leysa grundvallar-
vandamálið, en munu í besta falli
milda höggið tímabundið. Við þurf-
um ekki bara plástra, heldur þurfa
bæði stjórnvöld og atvinnulífið að
gera allt sem í þeirra valdi stendur
til að skapa viðspyrnu, svo draga
megi sem hraðast og sem mest úr
atvinnuleysinu. Því þarf sérstak-
lega að vanda til verka og tryggja
grundvöll verðmætasköpunar til
lengri tíma. Aðeins með það að
leiðarljósi getur efnahagslífið náð
vopnum sínum.
Beinskeytt aðgerð
að góðu markmiði
Til að landið rísi á ný þurfa með
öðrum orðum að vera forsendur
fyrir því að fyrirtæki ráði inn fólk
og auki verðmætasköpun, sem
aftur myndi sporna gegn skaðlegu
langtímaatvinnuleysi. Í því ljósi
hlýtur að koma til greina að skapa
fyrirtækjum einhvers konar aukinn
hvata, t.d. með skattaívilnunum, til
þess að ráða fólk til starfa. Hægt er
að nota fyrirmynd frá Danmörku
þar sem ríkið greiðir tímabundið
og í sumum tilfellum 50% launa
starfsmanna, sem eru að koma úr
langtímaatvinnuleysi. Rannsóknir
hafa bent til þess að þetta hækki
atvinnustig til lengri tíma. Sam-
bærilegum úrræðum hefur verið
beitt víðar, til dæmis í Sviss og í
Frakklandi, með góðum árangri.
Fleiri störf þegar
þörfin er sem mest
Útfærslan skiptir vitanlega máli,
en hvernig þetta getur haft góðar
af leiðingar hér á landi er auðvelt
að gera sér í hugarlund. Launa-
kostnaður fyrirtækja, í hlutfalli við
verðmætasköpun þeirra, jókst um
26% á árunum 2014-2019. Nú þegar
COVID-19 faraldurinn stoppar að
mestu ferðaþjónustuna og veldur
vandræðum víðar í hagkerfinu,
eru fá fyrirtæki sem hafa mikið
bolmagn til sóknar og ráðninga.
Með ráðningarhvötum myndu þeir
möguleikar aukast og hjálpa fyrir-
tækjum að vaxa og dafna hraðar en
ella. Það skiptir hér máli að það er
yfirleitt nokkur kostnaður við það
að ráða starfsmann, einkum því
fólk þarf þjálfun og að aðlagast nýju
starfi. Að komast yfir þann hjalla
verður eðli málsins samkvæmt mun
kostnaðarminna með ráðningar-
hvötum.
Á hinni hliðinni skapast með
þessu aukin tækifæri fyrir þá sem
hafa verið án vinnu til að komast
aftur inn á vinnumarkaðinn. Nei-
kvæðar af leiðingar atvinnuleysis
aukast eftir því sem tími þess lengist
og því væri ráðningarhvati mikil-
vægt innlegg til að sporna gegn því.
Rúsínan í pylsuendanum
Fátt í heiminum er ókeypis, en vel
útfærðir hvatar geta einnig verið
ábatasamir fyrir ríkissjóð, ekki bara
atvinnulausa og fyrirtæki. Bóta-
þegum myndi fækka, sem dregur
úr ríkisútgjöldum, en á hinn bóginn
myndu skatttekjur aukast. Þannig
má létta á þeim þunga sem COVID-
19 faraldurinn leggur á ríkissjóð, á
sama tíma og atvinnulífið verður
betur í stakk búið fyrir viðspyrn-
una.
Leið út úr atvinnuleysinu 
Ari Fenger
formaður
Viðskiptaráðs
Íslands
Hægt er að nota
fyrirmynd frá
Danmörku þar sem ríkið
greiðir tímabundið og í
sumum tilfellum 50% launa
starfsmanna, sem eru að
koma úr langtímaatvinnu-
leysi. Rannsóknir hafa bent
til þess að þetta hækki
atvinnustig til lengri tíma.
Helga dreymdi um að verða eðlisfræðingur þegar hann var ungur og vinna verðlaun fyrir að finna svör við erfiðum spurningum. FRÉTTABLAÐIÐ/SIGTRYGGUR ARI
9M I Ð V I K U D A G U R 2 . S E P T E M B E R 2 0 2 0 MARKAÐURINN