Fréttablaðið - 04.09.2020, Síða 16

Andervel heitir fullu nafni José Luis Andervel en tón-listina hans á Spotify má
finna undir því nafni, hann segist
þó oftast vera kallaður Andervel.
Hann á að baki langa tónlistar-
menntun en hann byrjaði að spila
á gítar tólf ára gamall og samdi
fyrstu lögin sín fyrir þréttán árum,
þá fjórtán ára gamall.
„Ég byrjaði á að flytja hefð-
bundna tónlist með hljómsveit í
heimabænum mínum Querétaro í
Mexíkó en þar söng ég sem ungur
einsöngvari. Ég hélt svo áfram
formlegri tónlistarmenntun og
útskrifaðist með bachelor-gráðu í
söng,“ segir Andervel.
Hann kom svo til Íslands árið
2018 til að fara í mastersnám í tón-
listardeild Listaháskóla Íslands en
hann lauk námi þaðan nýlega.
„Satt að segja þá langaði mig
að skipta um andrúmsloft. Ég var
orðin þreyttur á hraðanum og
streitunni í daglegu lífi í Mexíkó.
Allt í einu fannst mér ég vera að
kafna af að vinna allan daginn.
Ég þurfti að finna stað þar sem ég
hefði pláss til að þróa sköpun mína
og finna innblástur upp á nýtt.
Ísland virtist rétti staðurinn til
þess,“ útskýrir Andervel.
Heillaður af snjókomu
Andervel segir að tónlistin hans
sé afleiðing persónulegrar reynslu
sinnar tilfinningaveru. Hún er leið
til að lifa af og læknast og einfald-
lega til að tjá eitthvað sem hann
vill fá útrás fyrir.
„Það er margt sem veitir mér
innblástur. Í fyrsta lagi er það allt
sem umlykur mig. Ég reyni að
veita athygli þessum litlu töfrandi
hlutum sem gerast á hverjum
degi. Ég get eytt mörgum klukku-
tímum sitjandi við eldhúsborðið
að horfa út um gluggann á garðinn
minn. Bara að horfa á trén bærast
í vindinum eða snjókomuna. Ég er
sérstaklega heillaður af snjókomu.
Hún er svo falleg og ljóðræn.
Kannski af því ég kem frá ólíkum
stað, í Mexíkó er sums staðar snjór
en ég hafði aldrei séð borg þakta
snjó fyrr en ég kom hingað.“
Andervel segir að leikhús og að
teikna veiti honum líka innblástur
og auðvitað aðrir listamenn líka.
„Nýjasta verkið mitt, væntanleg
EP-plata, er undir miklum áhrifum
frá hefðbundinni mexíkóskri tón-
list og hljómsveitarverkum, þar
er hluti af bakgrunni mínum og
hefur mótað það hvernig ég byggi
upp laglínurnar og dýnamíkina í
verkunum,“ útskýrir hann.
„Ég fæ samt mestan innblástur
frá Íslandi og tíma mínum hér.
Landslaginu, menningarsjokkinu,
vetrinum, snjónum. Ég vil ímynda
Það er margt sem veitir Andervel innblástur. Hann reynir að veita athygli litlu hversdagslegu hlutunum í umhverfinu. FRÉTTABLAÐIÐ/SIGTRYGGUR ARI
EP-platan heitir Noche sem þýðir nótt á spænsku. MYND/PATRIK ONTKOVIC
Sandra Guðrún
Guðmundsdóttir
sandragudrun@frettabladid.is
mér að ég sé að byggja brú milli
þessara tveggja fallegu landa,
beggja heimila minna. Ég er mexí-
kóskur listamaður, ég ber með mér
hina miklu menningu míns lands
auk þess sem Ísland hefur gefið
mér svo mikið á þeim tíma sem ég
hef verið hér. Það er mér náttúru-
legt að blanda þessum tveimur
heimum saman, eða þannig upplifi
ég það.“
Andervel lýsir tónlist sinni sem
persónulegum, mjög hreinskilnum
og einlægum verkum, mjög ríkum
af tilfinningum.
„Ég vil nýta tilfinninguna bak
við tónlistina til hins ýtrasta, Ég
leik mér gjarnan með dýnamík og
andstæður til að byggja upp hug-
myndina. Yfirleitt byrja ég á ein-
hverju einföldu, gítar eða píanói
og eigin rödd. Síðan bæti ég utan
á hana til að ná fram ákveðnum
tilfinningum.
Upplifði söknuð til Mexíkó
Andervel gaf út sína fyrstu breið-
skífu árið 2016 en er núna að vinna
að tveimur plötum. Áðurnefndri
EP-plötu á spænsku, sem kallast
Noche sem þýðir Nótt og svo að
breiðskífu en hún verður á ensku.
EP-platan kemur út 21. október
en breiðskífan kemur að öllum
líkindum út á næsta ári.
„Síðasta vetur þegar ég var að
vinna að breiðskífunni upp-
lifði ég mikinn söknuð þegar ég
hugsaði heim til Mexíkó. Mig fór
að dreyma liti landsins, lyktina,
fólkið þar, fjölskylduna mína og
svo framvegis. Ég varð að tengjast
menningunni minni aftur. Ég fann
að ég fór að leita aftur í þá tónlist
sem ég var vanur að spila og syngja
áður. Eftir mexíkósk tónskáld eins
og Manuel M. Ponce, Agustin Lara
og Maria Grever. Ég fór þess vegna
að einbeita mér meira að því að
skrifa EP-plötuna en að klára að
gera breiðskífuna,“ segir Andervel.
„Aðalviðfangsefni Noche er,
eins og nafnið gefur til kynna
nóttin, en fjögur lög urðu til út frá
henni. Ég hef þegar gefið út tvö
lög af plötunni, Muñequita og það
nýjasta No sé. Platan í heild kemur
út í næsta mánuði en núna er ég
aftur byrjaður að vinna að breið-
skífunni.“
Þakklátur fyrir tækifærin
sem hann fær
Andervel segir að Ísland hafi ýtt
undir sköpunargáfu sína. Hér hafi
hann fundið tíma til að þróast
þrátt fyrir að finnast erfitt að fást
við allt umstangið sem fylgir því
að vera innflytjandi hér.
„Þar sem ég er ekki evrópskur
ríkisborgari upplifi ég mig svolítið
mitt á milli. Ég er hér en ég er ekki
alveg frjáls. Ég bý hér en á sama
tíma er ég eins konar gestur. Aftur
á móti er sannleikurinn sá að
Ísland er heimili mitt núna alveg
til jafns við Mexíkó. Þó að ég sé
ekki fæddur hér þá er líf mitt hér
núna.“
Hann segir að það að Ísland sé
lítið samfélag hafi sína kosti og
galla.
„Tónlistarsenan hérna er
dásamleg, hér er hæfileikaríkt fólk
með mjög góðar hugmyndir. Ég hef
verið mjög heppinn að hitta gott
fólk á þeim tíma sem ég hef verið
hér. Hæfileikaríkt listafólk og vini
sem hafa hjálpað mér og kennt mér
margt. Það er aftur á móti enn þá
mjög margt sem mig langar að gera
hér, margt fólk sem mér myndi
langa að vinna með og tónleikar
sem ég myndi vilja spila á, eins og
Iceland Airwaves til dæmis. Sem
erlendur listamaður er ég mjög
þakklátur fyrir þau tækifæri sem
ég fæ til að kynna tónlistina mína.“
Andervel segist vonast til að geta
fylgt Noche eftir með tónleikum í
október. Platan átti upprunalega
að koma út í ágúst. Búið var að
vinna ötullega að því að útsetja
lögin fyrir f leiri hljóðfæri, meðal
annars strengjasveit, og tónleikar
voru bókaðir í ágúst. En COVID
setti strik í reikninginn.
„Við urðum því miður að fresta
tónleikunum og núna er ég bara
að bíða eftir nýjum reglum um
samkomutakmarkanir til að geta
endurmetið möguleikann á tón-
leikum og ákveðið dagsetningu.“
Ég get eytt mörg-
um klukkutímum
sitjandi við eldhús-
borðið að horfa út um
gluggann á garðinn
minn.
2 KYNNINGARBLAÐ FÓLK 4 . S E P T E M B E R 2 0 2 0 F Ö S T U DAG U R