Fréttablaðið - 22.09.2020, Blaðsíða 8

Okkur var ekki
tilkynnt um að
fallið hefði verið frá því að
halda útboð og augljóslega
eitthvert samtal í gangi sem
við vissum ekki af.
Baldvina Karen Gísladóttir,
rekstraraðili líkamsræktarstöðvar
VESTFIRÐIR Forsvarsmenn Þrúð-
heima, sem rekið hafa líkams-
ræktarstöð á Ísafirði í tvö og hálft
ár, eru nú að skoða réttarstöðu sína
vegna málsmeðferðar sem leiddi til
þess að bærinn mun styrkja annan
rekstraraðila, Ísófit.
Í vor kallaði bæjarstjórn eftir
lausnum til að halda uppi líkams-
rækt í bænum og báðir aðilarnir skil-
uðu inn umsóknum. Rekstrargrund-
völlur hefur ekki verið til staðar án
aðkomu bæjarins og uppbyggingar
er þörf hvað varðar húsnæði. Í júní
var kallað eftir skammtímalausn og
í júlí gerði bærinn tveggja mánaða
samning við Þrúðheima sem fengu
þau skilaboð frá sviðsstjóra skóla og
tómstundasviðs að það ætti að fara í
útboð um haustið.
Um miðjan ágúst var hins vegar
samningur við Ísófit kominn á
borðið sem var síðan samþykktur
með lækkaðri fjárhæð í bæjarstjórn
í síðustu viku. Fór þá upphæðin
undir útboðsmörkin en Ísafjarðar-
bær mun greiða 420 þúsund krónur
á mánuði með stöðinni næstu þrjú
árin. Bæjarfulltrúar minnihluta
Í-lista kusu hins vegar gegn samn-
ingnum og töluðu um „stjórnsýslu-
klúður“.
„Þetta kom eins og þruma úr
heiðskíru lofti. Okkur var ekki
tilkynnt um að fallið hefði verið
frá því að halda útboð og augljós-
lega eitthvert samtal í gangi sem
við vissum ekki af,“ segir Baldvina
Karen Gísladóttir sem rekur Þrúð-
heima ásamt eiginmanni sínum.
„Við höfum ekkert við Ísófit að
sakast en málsmeðferð bæjarins
hefur verið mjög ábótavant,“ segir
Baldvina. „Okkur hefur verið haldið
í myrkrinu og við höfum ekki fengið
tækifæri til þess að koma aftur að
borðinu.“ Aðspurð um samskipti
við bæinn undanfarin tvö og hálft
ár segir hún þau frekar lítil og án
nokkurra átaka.
Eftir samtal við lögmann köll-
uðu Baldvina og maður hennar
eftir gögnum frá bænum þann 20.
ágúst en hafa ekki fengið nein svör.
Heldur ekki við því hvenær ætlast sé
til að þau loki stöðinni. „Lögmaður
okkar er að vinna í erindi til bæjar-
ins og við munum halda áfram að
fylgja þessu áfram til að athuga hver
réttur okkar er,“ segir hún.
Málið hefur valdið nokkrum titr-
ingi í bæjarpólitíkinni og aðsendar
greinar hafa verið skrifaðar í hinn
vestfirska vefmiðil Bæjarins besta.
Ekki náðist í Daníel Jakobsson, for-
mann bæjarráðs, en hann skrifaði
grein um málið fyrr í mánuðinum.
„Vissulegar eru hlutir sem hefðu
betur mátt fara í þessu ferli. Sérstak-
lega hefði það mátt taka skemmri
tíma og skilgreina hefði mátt betur
þær hugmyndir sem við höfðum en
þær þróuðust eftir sem tímanum
vatt fram og málið var rætt í bæjar-
ráði í fullri sátt að því er virtist,“
segir Daníel í greininni. Enn frem-
ur: „Farið var í nýtt ferli þar sem að
þeim og öðrum var boðið að kynna
sínar hugmyndir. Niðurstaðan úr
því ferli liggur nú fyrir. Aðrir aðilar
voru metnir með bestu hugmynd-
ina og þá er lagt til að samið verði
við þá.“ kristinnhaukur@frettabladid.is
Ósætti vegna
líkamsræktar
Deilt um líkamsræktarstöð á Ísafirði eftir að bæjar-
stjórn samdi við nýjan aðila. Vantar að skýra hvers
vegna hætt var við útboð að sögn forsvarsmanns.
Ísafjarðarbær mun greiða 420 þúsund krónur á mánuði í þrjú ár. MYND/PJETUR
Í tilefni af útgáfu skýrslu OECD um
innleiðingu heimsmarkmiða Sameinuðu
þjóðanna í Kópavogi er boðað til opins
arfundar sem streymt verður
miðvikudaginn 23. sept. kl. 14:00.
Heimsmarkmiðin í Kópavogi
Dagskrá fundarins:
Ávarp bæjarstjóra
Kynning OECD
Aziza Akhmouch, Head of the Cities, Urban
Policies and Sustainable Development Division
in the CFE at the OECD.
Kynning á verkefni Markaðsstofu Kópavogs
um innleiðingu heimsmarkmiðanna hjá
fyrirtækjum í Kópavogi og undirritun
viljayfirlýsinga fyrirtækja um þátttöku
Björn Jónsson, framkvæmdastjóri
Markaðsstofu Kópavogs.
Óskað er eftir því að áhugasamir skrái þátttöku á
kopavogur.is og verður þeim send slóð fundarins.
Frekari upplýsingar má finna á kopavogur.is.
Afmælisverð:
Uppþvottavél,
iQ300
Fullt verð: 129.900 kr.
SN 436W01NS
99.900 kr.
14 manna. Sex kerfi, þar á meðal
hraðkerfi á 65° C (klukkustund). Þrjú
sérkerfi, meðal annars tímastytting og
kraftþvottur á neðri grind. Hljóð: 44 dB.
Hnífaparaskúffa. „aquaStop“-flæðivörn.
Orkuflokkur
Afmælistilboð
Afmælistilboð gilda út september 2020 eða á meðan birgðir endast.
Þvottavél,
iQ500
Fullt verð: 169.900 kr.
Afmælisverð: WM 14T7P9DN
134.900 kr.
Vindur upp í 1400 sn./mín. Kolalaus,
hljóðlátur og sparneytinn mótor. Eitt
kerfið heitir sensoFresh og virkar eins
og þurrhreinsun. Notar hvorki vatn
né sápu. Fjarlægir lykt úr viðkvæmum
fatnaði. Mjög stutt kerfi (15 mín.).
Orkuflokkur
10 ára
ábyrgð á
iQdrive
mótornum.
Tekur mest
9
NORÐURSLÓÐIR Bandaríkjamenn
kvarta undan sóðaskap Rússa við
Beringssund og að plastrusl f ljóti í
stórum stíl yfir til Alaska.
Rússar taka við leiðtogasætinu
í Norðurskautsráðinu á næsta ári.
Umhverfismál hafa verið í brenni-
depli. Meðal annars hafa Rússar
heitið því að fjarlægja grotnandi
kjarnorkukaf báta Sovéttímans af
botni Norður-Íshafsins.
„Það er rusl alls staðar,“ segir
Austin Ahmasuk, lögmaður frum-
byggjasamtakanna Kawerak við
The Washington Post. Samtökin
starfa í borginni Nome á vestur-
strönd Alaska. Samtökin hafi unnið
að strandhreinsun í áratugi en mikil
aukning hafi orðið á rússnesku rusli
í sumar. Ekki er aðeins um plast að
ræða heldur einnig olíutunnur,
málmbrúsa og hreinlætisvöruum-
búðir af ýmsum toga.
Peter Murphy, hjá Hafrannsókna-
stofnun Bandaríkjanna, segir ekki
útilokað að þetta magn rusls tengist
hernaði. Í ágúst héldu Rússar eina
stærstu f lotaæfingu síðan í kalda
stríðinu, á Beringssundi. – khg
Rusl flæðir í Beringssund
Það er rusl alls
staðar.
Austin Ahmasuk, lögmaður
frumbyggjasamtaka
2 2 . S E P T E M B E R 2 0 2 0 Þ R I Ð J U D A G U R8 F R É T T I R ∙ F R É T T A B L A Ð I Ð