Fréttablaðið - 22.09.2020, Blaðsíða 36

EINN HANDRITSHÖF-
UNDURINN SAGÐI VIÐ
MIG AÐ MAÐUR SKRIFAÐI EKKI
TEXTA OFAN Í ÓLAF OG BOGA.
Ný tvöföld virkni sem
veitir hraða og langvarandi
vörn gegn tannkuli.
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Komið og skoðið úrvalið
KEBE
Hvíldarstólar
Tegundir: Rest og Fox
Opið virka dag
a
11-18
laugardaga
11-15
Alltaf nóg til af humri hjá Norðanfiski...
STÓRUM HUMRI!!
Norðanfiskur ehf. sérhæfir sig í framleiðslu á
úrvals sjávarfangi til veitinga- og stóreldhúsa.
Einnig má finna vörur Norðanfisks í
neytendapakkningum í verslunum
Bónus um land allt.
Hafið samband á nordanfiskur@nordanfiskur.is eða í síma 430 1700
Kosninganátthrafn-arnir Ólafur Þ. Harð-arson og Bogi Ágústs-s on vor u bý s n a öruggir þegar þeir léku sjálfa sig á kosn-
inganótt í fyrsta þætti Ráðherrans
sem RÚV sýndi á sunnudagskvöld.
„Við erum náttúrlega sjóaðir
í þessu og síðan náttúrlega bara
kemst maður í stuð,“ segir Ólafur og
bætir við að það hafi verið alveg sér-
stök ánægja að vinna með Nönnu
Kristínu Magnúsdóttur leikstjóra
og öllu því einvala liði sem var á
kosninganætursettinu. „Þá kemst
maður náttúrlega í svo gott skap og
vill reyna að gera þetta þannig að
það gagnist þeim eitthvað,“ segir
prófessorinn og hlær.
„Ég er alveg rosalega ánægður
með þennan þátt. Þetta er náttúr-
lega slíkt einvala lið leikara og
handritshöfundarnir eru náttúr-
lega mjög f linkir. Síðan finnst mér
þetta mjög sniðug hugmynd að vera
með bi-polar ráðherra og bara mjög
vel skrifað. Þannig að þetta var bara
mjög skemmtilegt.“
Spuni á heimavelli
„Tökurnar voru bara í einn dag og
eins og venjulega í stúdíóinu þar
sem kosningasjónvarpið er í Efsta-
leitinu og við spunnum þetta bara
sjálfir,“ segir Ólafur sem var eins og
fleiri vel meðvitaður að hann væri á
heimavelli. „Ég var nú reyndar mjög
ánægður þegar einn handritshöf-
undurinn sagði við mig að maður
skrifaði ekki texta ofan í Ólaf og
Boga,“ segir Ólafur og hlær.
„Við fengum bara eina eða tvær
síður úr handritinu og vorum bara
settir inn í söguþráðinn,“ heldur
Ólafur áfram og segir þá félaga lítið
hafa vitað annað en að Benedikt,
sem Ólafur Darri leikur, hafi sett
90% kjörsókn sem skilyrði fyrir að
flokkur hans tæki þátt í ríkisstjórn
og að hann hefði þarna unnið stór-
sigur og gæti mjög auðveldlega
myndað stjórn. „Og síðan var bara
keyrt í þetta og við lékum þetta allt
af fingrum fram þannig að það var
ekkert handrit.“
Fullt af aukaefni
„Þetta var náttúrlega allt of mikið
sem við gerðum til þess að það væri
allt notað,“ segir Ólafur og útilokar
ekki að áhugasamir muni fá tæki-
færi til þess að kafa dýpra ofan í
kosningasjónvarpsspuna hans og
Boga.
„Hins vegar var nú verið að hafa
samband við mig frá Sagafilm til
þess að spyrja hvort mér væri ekki
sama þótt allt kosningasjónvarpið,
sem var tekið upp þennan dag, yrði
sett á vefinn. Þannig að ég held að
þeir ætli að gera það sem er bara
skemmtilegt ef einhverjir hafa
gaman af.“
Ólafur og Bogi eru ekki alltaf í
mynd þegar þeir velta stöðunni
fyrir sér á kosninganótt og sam-
ræður þeirra hljóma á köflum í bak-
grunninum. Meðal annars undir lok
þáttar.
„Þegar svona er gert þá náttúr-
lega kemst ekki allt til skila og
þátturinn endar til dæmis á því
að ég er í bakgrunninum að segja
eitthvað á þá leið að allir raunsæir
stjórnmálamenn myndu auðvitað
svíkja kosningaloforð Benedikts og
mynda ríkisstjórn.
Þarna hafði ég náttúrlega sett á
langa og lærða ræðu um það að nú
væri þetta mjög snúin staða fyrir
Benedikt því það væri alveg sama
hvort hann myndaði ríkisstjórn eða
myndaði ekki ríkisstjórn þá væri
hann að svíkja kjósendur. Öll þessi
útlistun er í aukaefninu sem mun
væntanlega koma á vefinn,“ segir
Ólafur hlæjandi. „En þetta náttúr-
lega kom ekki úr neinu handriti og
er bara spunnið á staðnum eins og
allt annað,“ segir stjórnmálafræði-
prófessorinn Ólafur Þ. Harðarson
sem þó missti næstum af þessu
gullna tækifæri til að leika Ólaf Þ.
Harðarson prófessor í stjórnmála-
fræði.
Segir ekki nei við Ólafi Darra
„Þegar við vorum beðnir um að gera
þetta þá fannst mér þetta bara mjög
skemmtileg hugmynd og sjálfsagt
að gera þetta en svo kom upp smá
vandamál vegna þess að það kom
svo í ljós að tökurnar áttu að fara
fram á meðan ég var á rannsóknar-
misseri í París í tvo mánuði. Ég er
náttúrlega orðinn svo gamall að
mín fyrstu viðbrögð voru bara að
ég yrði að sleppa þessu.
En ég ræddi þetta aðeins við
dætur mínar og þær sögðu að ég
yrði sko að átta mig á því að nú til
dags er ekkert mál að skjótast heim
frá París og þegar manni er boðið
að leika í alþjóðlegri sjónvarps seríu
með Ólafi Darra þá segir maður
ekki nei. Þannig að ég ákvað bara
að gera þetta eins og þær sögðu og
kom sem sagt heim fyrir tökurnar.“
toti@frettabladid.is
Ólafur lék sjálfan sig
án Ráðherrahandrits
„Við spunnum þetta bara sjálfir,“ segir Ólafur Þ. Harðarson sem
lék sjálfan sig í fyrsta þætti Ráðherrans en handritshöfundarnir
kunnu ekki við að leggja honum og Boga Ágústssyni orð í munn.
Bogi og Ólafur töluðu slík ósköp án handrits að talsverður afgangur er til.
Ólafur Þ. Harðarson þykir hafa staðið sig býsna vel í hlutverki Ólafs Þ. Harðarsonar í fyrsta þætti Ráðherrans.
2 2 . S E P T E M B E R 2 0 2 0 Þ R I Ð J U D A G U R20 L Í F I Ð ∙ F R É T T A B L A Ð I Ð
LÍFIÐ