Dagblaðið Vísir - DV - 16.10.2020, Blaðsíða 16

16 EYJAN 16 OKTÓBER 2020 DV
Hver eru stóru málin næstu 12 mánuðina og hvaða
stefnu viltu sjá Samfylkinguna taka í þeim?
Hverjir eru þínir helstu kostir og gallar?
Hvers vegna ættu félagsmenn að kjósa
þig fremur en mótherja þinn?
KAPPRÆÐUR
VARAFOR­
MANNSEFNA
Heiða Björg Hilmisdóttir, vara-
formaður Samfylkingarinnar, og
Helga Vala Helgadóttir þingmað-
ur hafa báðar gefið kost á sér
í sæti varaformanns Samfylk-
ingarinnar. Báðar eru þær gífur-
lega öflugar stjórnmálakonur og
ljóst að varaformannsstóladans-
inn verður fjörugur. Eyjan sló á
þráðinn til þeirra og bað þær að
svara þremur spurningum:
HEIÐA BJÖRG HILMISDÓTTIR HELGA VALA HELGADÓTTIR
Heiða segir að stóra málið næstu tólf mánuðina sé að
standa vörð um þjóðina í gegnum COVID-19.
„Stóra vekefnið fram undan er að standa vörð um heil-
brigði og lífskjör fólks í gegnum COVID-faraldurinn og
kreppuna sem honum fylgir. Við þurfum að tryggja að
kreppan leiði ekki til aukins ójöfnuðar eða misskipt-
ingar í samfélaginu eða bakslags í mannréttindum.
Þó óvissan sé mikil þá er stefna Samfylkingarinnar
skýr. Við viljum að Ísland sé velferðarríki þar sem allir
hafa jöfn tækifæri óháð efnahag, kyni, uppruna, aldri,
stétt og stöðu.
Það þarf að ráðast í róttækar aðgerðir til að sporna við
hamfarahlýnun og mengun.
Í uppbyggingu efnahagslífsins þarf að vera áhersla á
græna atvinnusköpun og að flýta stórum framkvæmd-
um og fjárfestingar fyrir sjálfbæra ferðaþjónustu. Við
þurfum fjölbreytt atvinnuskapandi verkefni sem varða
veginn til framtíðar um leið og við upprætum svik á
vinnumarkaði og tryggjum launajafnrétti og tækifæri
fyrir alla til að láta til sín taka.
Eins sjáum við að það mæðir sérstaklega mikið á vel-
ferðarkerfinu og við þurfum að stórefla bæði heil-
brigðis- og félagslega hlutann til að vera í stakk búin
til að aðstoða þá sem á því þurfa að halda. Mörg okkar
eru að ganga í gegnum mjög erfiða tíma, einmanaleika,
heimilisleysi, atvinnumissi, tekjufall, heimilisofbeldi,
flosna upp úr námi og svo framvegis. Okkar sam-
eiginlega samhjálp á að umfaðma alla sem þurfa á
stuðningi að halda í gegnum þennan erfiða tíma, með
fjölbreyttum og einstaklingsmiðuðum hætti.“
Helga Vala segir að stóra málið næstu tólf mánuðina
sé að skapa störf og tryggja velferð þjóðar.
„Stóru málin næstu tólf mánuði eru að skapa störf um
allt land og tryggja velferð almennings. Stjórnarflokk-
arnir hafa því miður ekki haft nægan kjark og skapandi
hugmyndir til að koma fram með skýra stefnu í þeim
efnum og því sjást fá bein störf í þeirra tillögum.
Við í Samfylkingunni kynntum í síðustu viku „Ábyrgu
leiðina“ sem setur áherslu á vinnu, velferð og græna
uppbyggingu. Atvinnuleysiskreppan má ekki vara lengi
og því verður að hugsa stórt og leggja línur strax. Það
eru fjölmörg tækifæri í þessari stöðu til að skapa störf,
hvort tveggja hjá hinu opinbera sem og einkageiranum
en til þess þarf hugrekki og skapandi hugsun. Mæli
eindregið með að fólk kynni sér tillögur okkar því
plássið hér býður ekki upp á ítarlegri umfjöllun.“
„Mínir helstu kostir eru að ég hef gífurlegan áhuga á
samfélaginu og brenn fyrir því að gera það betra og
réttlátara fyrir okkur öll. Það er mikilvægt fyrir mig
sem manneskju að finnast ég ná árangri, þannig fæ ég
drifkraft til að halda áfram og ég tel mig vera á réttum
stað hvað það varðar.
Almennt er ég skipulögð og hef vilja til að leita allra
leiða til að skilja ólík sjónarhorn og hef lært að það
kemur manni vel í pólitík. Mér finnst gaman að takast
á við ólíkar skoðanir, ræða saman og komast að niður-
stöðu sem hópur.
Hins vegar hvað galla varðar hef ég oft mikinn áhuga á
mörgum hlutum og því fljótt að hlaðast á dagskrána og
þá þarf að skera niður sem getur verið flókið.“
„Mínir helstu kostir eru réttsýni, dugnaður og hug-
rekki. Ég er óhrædd við að taka slaginn þar sem það
þarf, er eldheit baráttukona fyrir hvers kyns réttlæti
og jöfnuði og svo er ég tilfinningabúnt sem ég held að
sé bara ágætis kostur í pólitíkinni. Það er alltof algengt
að fólk verði flatt og vélrænt í þessu starfi og ég vona
að það muni ekki henda mig. Þetta eru líkast til einnig
gallar mínir, a.m.k. fyrir andstæðinga mína í pólitík.“
Ég hef mikla þekkingu á sveitarstjórnarstiginu sem borgarfull-
trúi og varaformaður Sambands íslenskra sveitarfélaga, en stór
hluti kjörinna fulltrúa Samfylkingarinnar starfar einmitt á þeim
vettvangi. Síðast, en ekki síst, stend ég auðvitað fyrir þeim mál-
efnum sem hafa verið drifkraftur í öllu mínu stjórnmálastarfi –
kvenfrelsi, velferð og að samfélagið sé sannarlega fyrir okkur öll.
Þær áherslur þurfa að mínu mati að hafa sterka rödd í forystu
Samfylkingarinnar.“
„Ég hef verið varaformaður í þrjú ár og Samfylkingar-
fólk þekkir mín störf. Mikil eindrægni og samstaða
hefur ríkt í flokksstarfinu og saman höfum við á
þessum tíma endurreist flokkinn, nánast frá grunni,
bæði hvað varðar innra starf og fylgi kjósenda. Öll
finnum við að Samfylkingin er á réttri leið. Þá tel
ég það skipta máli að í forystu flokksins sé ákveðin
breidd.
„Kosningaveturinn er hafinn og fram undan eru gríðar-
lega mikilvægar alþingiskosningar sem Samfylkingin
ætlar sér að stóra hluti í. Ég gef flokkssystkinum
mínum val með framboði mínu. Þau fá með því að
velja þann persónuleika sem þau telja gagnast Sam-
fylkingunni best í forystunni á næstu misserum. Það er
alltof algengt að fólk blandi persónulegum tilfinningum
sínum inn í svona stólaval en ég lít alls ekki svo á.
Að starfa í stjórnmálum er hópverkefni þar sem við
skiptumst á eftir því hver verkefnin eru og hver mót-
herjinn er. Ég hef áður sinnt málefnastarfi, bakað vöffl-
ur og hellt upp á kaffi, hringt í kjósendur í aðdraganda
kosninga og borið út rósir og bæklinga. Núna er ég í
þeirri stöðu að vera á sviðinu, úti á vellinum, og býð
fram krafta mína í forystu flokksins til að láta heyrast
betur í okkur í Samfylkingunni um allt land, hvort sem
er í fjölmiðlum eða á fundum.
Það þarf kraft í þessa vinnu sem og áhuga á því sem
er að gerast hjá fólki um allt land. Aðildarfélögin þurfa
að vera öflugri til að bera út okkar áherslur á kosninga-
vetri og þar getur forystan lagt ríka hönd á plóg til að
styðja við þau.
Ég hef baráttugleðina fyrir komandi kosningar sem ég
held að verði ótrúlega spennandi og skemmtilegar. Það
er lykilatriði í mínum huga fyrir almenning í landinu að
hugsjónin um jöfnuð og jöfn tækifæri allra, sem við í
Samfylkingunni berjumst fyrir, verði ráðandi í stjórnar-
ráðinu og verði miðlað þaðan út um allt samfélagið.“
MYND/AÐSEND MYND/ANTON BRINK