Fréttablaðið - 03.11.2020, Page 33

Auðvelt er að nota hleðsluna en kapall fyrir bæði AC-hleðslu og heimainn-
stungu fylgir bílnum. MYNDIR/TRYGGVI ÞORMÓÐSSON
Bíllinn er frekar snubbóttur að framan enda engin þörf á öðrum búnaði þar
en áfyllingu fyrir rúðu- og hemlavökva ásamt loftkælingu.
BÍLAR 7 3 . N ÓV E M B E R 2 0 2 0 ÞRIÐJUDAGUR
fram undan og hagar akstrinum
samkvæmt því. Til dæmis hægir
hann sjálfur á bílnum ef ekið er
fram á merki sem sýnir lækkaðan
hámarkshraða ef að ökumaður er
ekki lengur með fótinn á gjöfinni.
Mjög gott aðgengi
Það er nóg pláss frammi í ID.3 og
gildir þá einu hvort um höfuð-
rými eða innstig sé að ræða.
Sama má segja um hólf í fram-
sætum en nóg pláss er fyrir alla
hluti. Sætin eru frekar stór og
þægileg en mættu veita meiri
hliðarstuðning þegar bílnum er
hent í beygjurnar. Auðvelt er að
stilla sætin í kjörstöðu en það
hefði mátt hafa hæðarstillingu
á öryggisbelti svo notkun þess
væri þægilegri. Flest í mælaborði
er vel staðsett fyrir utan takka-
borð vinstra megin sem stýrir
þáttum eins og ljósum og hita í
fram- eða afturrúðu. Það þarf að
teygja sig vel í það sem er óþægi-
legt við akstur. Eins hefði mátt
hafa opnun á hurðalæsingu inni
í bílnum því það er bagalegt að
þurfa að hleypa farþega inn með
því að taka í hurðarhúninn.
Útsýni úr bílnum er frekar
gott þrátt fyrir tvöfalda bita
við framrúðu og útsýni er gott
aftur. Höfuðrými er líka gott í
aftursætum og fótarými er alveg
þokkalegt. Kostur er að f lötu gólfi
sem að miðjusætisfarþeginn mun
kunna að meta. Farangursrými er
í betra lagi og þótt aðeins sé hægt
að fella sæti 60/40 er einnig svo-
kölluð skíðalúga fyrir lengri hluti.
Hægt er að stilla hæðina á gólfinu
sem gerir lestun þægilegri. Í stuttu
máli fær bíllinn góðan plús fyrir
aðgengi.
Hljóðlátur og þýður
Þrátt fyrir sín tæplega 1.800
kíló er þægilegt að keyra bílinn.
Hann er sérstaklega hljóðlátur og
þýður og frekar snöggur af stað
án þess að það sé með of miklu
togi í byrjun. Að vísu er hann
ekki eins snöggur að taka við sér
þegar hann er á ferðinni og Tesla
Model 3 en af lið er nægilegt og vel
viðunandi. Þó að blaðamaður hafi
haft bílinn í fjóra til fimm daga
og notað hann talsvert, meira
að setja í eina sumarbústaðar-
ferð, þurfti ekki að hlaða bílinn
á meðan reynsluakstrinum stóð.
Reyndar voru aðeins 26 kíló-
metrar eftir af drægi bílsins en
mælirinn er nákvæmur og óhætt
að treysta vel á hann.
Fjöðrun bílsins er nokkuð góð
miðað við raf bíl. Hún er frekar
stinn eins og búast mátti við
fyrir svona þungan bíl en samt að
mestu laus við dynki. Auðvitað
er fjöðrunin betri í VW Golf til
að mynda en hún ræður samt vel
við allan borgarakstur og leggur
bíllinn ekki mikið til hliðanna í
beygjum.
Samkeppnishæfur í verði
Óhætt er að fullyrða að meira að
segja í grunnútfærslu fái maður
vel búinn bíl í ID.3. Nægir að
nefna 18 tommu álfelgur, lykla-
laust aðgengi, díóðulýsingu,
díóðuljós, stæðaaðstoð, raddstýr-
ingu og sjálfvirka miðstöð með
loftkælingu.
Nissan Leaf kostar frá 4.890.000
kr. í sinni ódýrustu útfærslu en
segja má að N-Connecta sé nær
honum í búnaði en hann kostar
frá 5.090.000 kr. Sama er uppi á
teningnum í Kia Niro sem kostar
frá 4.890.777 kr. Til að hann nái
ID.3 í grunnbúnaði þarf að velja
Style útfærsluna sem kostar frá
5.290.777 kr. Ekki verður hjá því
komist að taka Tesla Model 3 inn í
þennan samanburð þótt um öðru-
vísi bíl sé að ræða. Grunnútfærsla
hans kostar frá 6.363.000 kr.,
reyndar þá með aldrifi. Það er því
sanngjarnt að segja að Volkswag-
en ID.3 sé vel samkeppnishæfur
í verði miðað við helstu keppi-
nauta.
Það er nóg pláss
frammí ID.3 og
gildir þá einu hvort um
höfuðrými eða innstig sé
að ræða.
Vönduð amerísk jeppadekk sem henta
frábærlega fyrir íslenskar aðstæður.
Stærðir 29 - 44”.
JEPPADEKK
DEKKJAÞJÓNUSTA TÍMAPANTANIR Í SÍMA 540 4900
Arctic Trucks Ísland ehf Kletthálsi 3 110 Reykjavík Sími: 540 4900 Netfang: info@arctictrucks.is www.arctictrucks.is
KANNAÐU ÚRVALIÐ! VERSLUN.ARCTICTRUCKS.IS