Fjölrit RALA - 06.12.1991, Síða 7

IInngangur
Sumarið 1990 var gerð úttekt á ástandi og gróðurfari túna á Austurlandi. Það var gert í framhaldi
af því að tilraunastöðin á Skriðuklaustri var lögð niður. Tilraunastöðin á Reykhólum var lögð
niður um svipað leyti og var ákveðið að gera hliðstæða úttekt á Vestfjörðum og Vesturlandi
sumarið 1991. Tilgangurinn var að fá mynd af ástandi túna á svæðinu, gróðurfari og vandamálum
sem tengjast ræktun þar.
Úttektinni má skipta í tvo hluta. Sá viðameiri er vettvangskönnun sem gerð var sumarið 1991.
Svæðinu var skipt í átta hluta eftir landfræðilegri legu og nokkrir bæir heimsóttir í hverjum hluta.
Túnin voru gróðurgreind og upplýsingum um aldur, ræktun og meðferð safnað. f öðru lagi var
unnið yfirlit yfir áburðar-, stofna- og meðferðartilraunir sem gerðar hafa verið á Reykhólum frá
upphafi.
í Austurlandsskýrslunni er getið um helstu rannsóknir á þessu sviði hérlendis (Guðni
Þorvaldsson, 1990) og verða þær því ekki tíundaðar hér. í viðauka í þessu riti er tafla sem sýnir
hlut helstu grastegunda á einstökum bæjum á Austurlandi en sú tafla er ekki með í ritinu um
túnin á Austurlandi.