Fjölrit RALA - 10.09.1992, Page 12

4
Mynd 1. Framleiðslumagn og spá fyrir 1983-1991. Samkvæmt skýrslum sláturleyfishafa.
Framleiðslumagn.tonn Mismunur, %
HHI Framleiðsluspó \Zs21 Framleiðsla —Mismunur,%
Af töflu 1 sést að mesti mismunur á framleiðsluspá og framleiðslu samkvæmt
skýrslum er á árunum 1985-1986 og á árinu 1991. Því meiri munur sem er á
framleiðslu og framleiðsluspá því meiri framfarir hafa orðið í svínaræktinni viðkomandi
ár. Ein meginástæða þessara miklu framfara sem hafa orðið í íslenskri svínarækt allt
frá árinu 1985 eru án efa niðurstöður eftirfarandi afkvæmarannsókna en þær sýna að
með skipulögðum kynbótum er hægt að lækka framleiðslukostnað á svínakjöti og
samtímis að koma til móts við óskir neytenda um fítulítið, bragðgott svínakjöt á
viðráðanlegu verði.
1. Afkvæmarannsókn á svínabúinu Hamri 1980-1983, alls 7393 grísir.
2. Afkvæmarannsókn 1989 á 4 svínabúum, alls 413 grísir.
3. Afkvæmarannsókn á Þórustöðum 1990, alls 1060 grísir.
4. Afkvæmarannsókn 1991 (Brautarholt, Bjarnastaðir, Ormsstaðir og Hraukbær),
alls 1860 grísir.
Konráð Konráðsson dýralæknir var ráðinn í starf 1. september 1991 sem dýralæknir
í svínasjúkdómum. Nú þegar hefur starf hans skilað miklum árangri einkum hvað
varðar sjúkdóma í fráfæru- og eldisgrísum. Komið hefur í ljós að ýmis konar
sjúkdómar í fráfæru- og eldisgrísum t.d. blóðskita og lungnasjúkdómar hafa verið
landlægir hér á landi án þess að nokkuð væri gert til þess að útiloka þessa sjúkdóma
með skipulögðum hætti. Niðurstöður afkvæmarannsókna hafa sýnt að vaxtarhraði
mikils hluta grísa hefur verið óvenju lítill eftir fráfærur. Sennileg skýring á litlum
vaxtarhraða þessara grísa er að þeir hafi verið þjáðir af ýmis konar sjúkdómum. Nú
þegar er búið að útiloka þessa áðurnefndu sjúkdóma í 2-3 svínabúum, sem
afkvæmarannsóknir hafa verið gerðar á og að sögn viðkomandi svínabænda hefur