Fjölrit RALA - 06.06.1998, Side 47

37
Landgræðsla 1997
Erfðavistfræði íslenskra belgjurta (132-9224)
Markmiðið er að kanna, hvort unnt sé að nýta íslenskar belgjurtategundir til landgræðslu og
jafnvel í landbúnaði (sjá nánar Jarðræktarrannsóknir 1993, bls 42).
Allar tilraunir, frá 1994 og 1996, voru metnar þrisvar sumarið 1997. Matið fór fram
með sama hætti og árið 1996 (sjá nánar Jarðræktarrannsóknir 1996, bls 39). Tilraunimar verða
metnar í síðasta sinn sumarið 1998 og fer lokaúrvinnsla verkefnisins fram veturinn 98/99.
Almennt má segja að tilraunir í melajarðvegi og sandi líti vel út. Afföll hafa aftur á
móti orðið þó nokkur þar sem plantað var í gömul tún og er um að kenna mikilli frostlyftingu
og illgresi. Tilraun frá 1994 í gömlu túni í Gunnarsholti var aflögð vegna mikils illgresis. í
tilraunum frá 1994 var í sumar mikil blómgun hjá mörgum tegundum og var fræi safnað í
tilraunum á Korpu og á Geitasandi. Áður hefur fræi verið safnað úr tilraun á Geitasandi
haustið 1996.
Niðurstöður úr söfnun íslensku belgjurtanna árin 1992-1994 hafa birst í Búvísindum
11,1997:9-27.
Nýjar aðferðir við uppgræðslu (132-1139)
Lúpína og dúnmelur
Markmiðið er annars vegar að kanna hvemig þessum tegundum reiðir af á landi sem er mikið
á hreyfingu og hins vegar að rækta af þeim fræ (sjá nánar Jarðræktarrannsóknir 1996, bls 39).
Borið var á melinn í Sandgili í vor, 10 g af Græði 6 á hverja plöntu. Melurinn dafnar
vel og verður áfram fylgst með honum.
Vegna mikilla affalla á lúpínunni í Sandgili var plantað út á ný vorið 1996 á efri
Geitasandi og á Hólasandi í S-Þingeyjarsýslu. Plöntumar hafa dafnað vel á báðum stöðum.
Þó nokkrar plöntur bám blómstöngul í sumar og þroskuðu fræ í haust. Það virtist nokkuð
algengara á Hólasandi en á Geitasandi. Ekki tókst að ná fræi í haust.
Erlendar belgjurtir
Undanfarin ár hafa staðið yfir prófanir á erlendum belgjurtum með það að markmiði að finna
belgjurtir, sem gætu lifað hér og myndað fræ til þess að nota í landgræðslu. Ur þessum
prófunum vom valdir vænlegir stofnar og þeir settir í frærækt. í júlí 1996 var plantað um 250
plöntum af skriðlu og 2000 af fjallalykkju á neðri Geitasandi.
Plöntumar komu vel undan vetri, en þó hafði nokkuð drepist af skriðlunni (Galega
orientalis). Borið var á 15 kg/ha af P í vor. Blómgun var góð hjá fjallalykkjunni (Hedysarum
alpinum) og var fræi safnað af henni í haust.
Eftirverkun áburðar
Eins og undanfarin 9 ár var eftirverkun nokkurra áburðargerða svo og áhrifin af mismunandi
útburðaraðferðum mæld í tveimur tilraunum í nágrenni Gunnarsholts.
Melgresi (132-1174)
Línum af dúnmel er haldið við og einnig tveimur línum af melgresi. Önnur þeirra er melgresi
með stutt strá og góða fræsetu. Þessar línur hafa verið notaðar í kynbótaverkefni.