Fréttablaðið - 02.12.2020, Page 12

Collagen skin með
íslenskum þörungum
Collagen liðamót
Öflug blanda fyrir liði
og betri líðan
Kröftug virkni Nýtt frá
ICEHERBS
Fæst í öllum helstu matvöruverslunum,
apótekum og heilsuvöruverslunum.
120 HYLKI FÆÐUBÓTAREFNI
Fyrir liðina
+ túrmerik, magnesíum
& C-vítamín
collagen liðam
120 HYLKI FÆÐUBÓTAREFNI
collagen skin
Fyrir húðina
með íslenskum þörungum
+ C-vítamín
2 . D E S E M B E R 2 0 2 0 M I Ð V I K U D A G U R12 S P O R T ∙ F R É T T A B L A Ð I Ð
Í hópi bestu liða Evrópu á EM á ný
Íslenska kvennalandsliðið í knattspyrnu mun taka þátt í lokakeppni Evrópumótsins sem haldið verður í Englandi sumarið 2022.
Þetta varð ljóst eftir sigur Íslands gegn Ungverjalandi og úrslit í öðrum leikjum í undankeppni mótsins sem leiknir voru í gær.
SPORT
Fimm af sex mörkum
Eyjameyjarinnar Berglindar
Bjargar fyrir íslenska
kvennalandsliðið hafa
komið á útivelli.
FÓTBOLTI „Við vorum að ljúka und­
ankeppni sem við erum afar ánægð
með, að ljúka þessu með nítján stig
er frábært. Það hefur verið mikill
stígandi í spilamennskunni alla
undankeppnina og við náum að
klára þetta á sex stigum á útivelli
sem er frábært,“ sagði glaðbeittur
Jón Þór Hauksson, þjálfari kvenna­
landsliðsins, þegar Fréttablaðið
spjallaði við hann eftir leikinn í gær.
Örlögin voru þó ekki alveg í þeirra
höndum lengur og fylgdist liðið því
spennt með leikjum gærkvöldsins á
hótelinu.
„Við munum fylgjumst með
leikjunum. Það er auðvitað spenna
í hópnum en við erum búin að gera
allt sem í okkar valdi stendur til
að komast á EM. Við ætlum því að
reyna að njóta þess að vera saman
og fagna lokum þessarar undan­
keppni. Þetta er síðasta verkefni
ársins og það er löng undankeppni
að baki.“
Aðspurður hvernig hugarfar leik­
manna hefði verið í aðdraganda
leiksins hrósaði Jón Þór leikmönn­
um sínum.
„Hugarfarið hefur verið til fyrir­
myndar. Það hefur gengið á ýmsu í
aðdraganda þessara leikja og þetta
hefur verið erfitt. Skipulagið var
ekki eins og við höfum vanist en
leikmennirnir náðu að leysa þau
vandamál eins og í sögu. Eins og í
öðrum góðum liðum þá virðist mót­
læti styrkja þetta lið,“ sagði Jón Þór
og hélt áfram:
„Við erum að spila seinni leikinn
í desember sem ekki ákjósanlegur
tími. Ég hreinlega efast um Ísland
hafi spilað marga leiki í desember í
sögunni.“
Það tók tíma að brjóta niður varn­
armúr Ungverjanna í gær en Jón Þór
segir að það hafi ekkert farið um
þjálfarateymið þegar staðan var enn
markalaus á sextugustu mínútu.
„Ég myndi ekki segja að það hafi
farið um mig því ég var alltaf viss
um að við myndum vinna leikinn.
Við töluðum um það í hálfleik að
það hafi vantað herslumuninn til að
skapa góð færi í fyrri hálfleik en við
vorum að spila á móti mjög öguðu
liði,“ sagði Jón Þór og hrósaði Berg­
lindi fyrir markið sem skildi liðin að.
„Það þurfti stórkostlegt ein­
staklingsframtak frá Berglindi til
að brjóta þær niður. Þetta var stór­
kostlegt mark sem Berglind skorar
og sýnir hvaða einstaklingsgæði við
erum með í þessu liðið“ – kpt
Mótlæti eflir þetta lið
Jón Þór fagnar með leikmönnum sínum í leikslok. FRÉTTABLAÐIÐ/MLSZ.HU
FÓTBOLTI Berglind Björg Þorvalds­
dóttir tryggði Íslandi 1­0 sigur þegar
liðið sótti Ungverjaland heim í loka­
umferðinni í F­riðli í undankeppni
EM 2022 í knattspyrnu kvenna til
Búdapest í gær. Þessi sigur tryggði
íslenska liðinu sæti á lokakeppni
Evrópumótsins en liðið mun þar
af leiðandi leika á þeim vettvangi í
fjórða sinn í sögunni.
Sigurmark Berglindar Bjargar var
það sjötta í landsliðsbúningnum
en hún skoraði einnig markið sem
kom íslenska liðinu á bragðið í sigr­
inum gegn Slóvakíu í leiknum þar
á undan. Berglind kann augljós­
lega betur við sig á útivöllum en á
Laugardalsvellinum en fimm af
sex mörkum hennar hafa komið á
erlendri grundu.
Ísland fékk 19 stig í riðli sínum en
ljóst var fyrir leikinn að liðið myndi
hafna í öðru sæti riðilsins. Eftir að
leikmenn íslenska liðsins höfðu
klárað sitt dagsverk hófst bið eftir
því að fá úr því skorið hvort úrslit í
leikjum annarra riðla myndu fleyta
liðinu beint í lokakeppni mótsins.
Úrslit þeirra leikja sem skiptu
máli voru íslenska liðinu í hag og
forráðamenn KSÍ geta farið að bóka
farseðlana til Englands og hefja
undirbúning fyrir fjórða Evrópu­
mótið í röð hjá liðinu.
Eins og staðan er núna er Ísland í
efsta sæti yfir þau lið sem sitja í öðru
sæti riðlanna níu í undankeppninni
en þrjú efstu liðin fara beint í loka­
keppnina. Ísland getur ekki hafnað
neðar en í efstu þremur sætunum
óháð því hvernig lokaleikir undan­
keppninnar sem spilaðir verða í
febrúar fara.
Sara Björk Gunnarsdóttir og
Sandra Sigurðardóttir sem léku
allan leikinn fyrir íslenska liðið
gegn Ungverjalandi í gær voru í
leikmannahópi liðsins sem fór á
EM 2009 og Rakel Hönnudóttir
sem kom inn á sem varamaður í
leiknum var einnig í þeim hópi.
Hólmfríður Magnúsdóttir sem
kom aftur inn í íslenska lands­
liðið í tapinu gegn Svíþjóð fyrr í
þessari undankeppni var sömu­
leiðis í hópnum á EM 2009 sem og
Sif Atladóttir og Fanndís Friðriks­
dóttir sem leikið hafa með íslenska
liðinu í þessari undankeppni en
eru í barneignarleyfi og Guðbjörg
Gunnarsdóttir sem er nýfarin að
spila aftur með félagsliði sínu eftir
að hafa eignast tvíbura.
Góð blanda er í leikmannahópi
íslenska liðsins þessa stundina
hvað aldur varðar en inn í hópinn
í þessari undankeppni hafa komið
ungir leikmenn á borð við Alex­
öndru Jóhannsdóttur, Karólínu
Leu Vilhjálmsdóttur og Sveindísi
Jane Jónsdóttur og fengið stórt
hlutverk í liðinu.
hjorvaro@frettabladid.isMiðvarðarparið Ingibjörg og Glódís Perla fagnar í leikslok. MYND/MLSZ.HU