Harmonikublaðið - 01.12.2017, Blaðsíða 2

Ágæti harmonikuunnandi
Starfsár stjórnar var með hefðbundnum hætti
þetta árið, þó svo að landsmót á Isafirði hafi
verið það helsta, sem stjórn sambandsins vann
að með stjórn Harmonikufélags Vestfjarða.
Aðalfundur sambandsins var haldinn að Hótel
Seli við Mjfvatn í lok september. Það var
Harmonikufélag Þingeyinga sem bar hitann
og þungann af þessum fundi og vil ég nota
tækifærið og þakka öllu því góða fólki er kom
að undirbúningi og framkvæmd fundarins
fyrir frábærar móttökur og hvernig að öllu var
staðið varðandi fundinn. Aðalfundurinn var
í alla staði góður og málefnalegur. Ekki voru
í raun mörg mál sem lágu fyrir fundinum
önnur en venjuleg aðalfundarstörf. I upphafi
fundar var minnst látinna félaga frá því á
síðasta aðalfundi. Síðan hófst fundurinn
samkvæmt dagskrá í lögum sambandsins.
Formaður flutti skýrslu stjórnar og að henni
lokinni lagði gjaldkeri fram endurskoðaða
reikninga sambandsins. Einnig flutti Friðjón
Hallgrímsson skýrslu sína varðandi
Harmonikublaðið og lagðir voru fram
reikningar blaðsins til samþykktar. Eftir
nokkarar umræður og fyrirspurnir var skýrsla
stjórnar og reikningar samþykkt samhljóða.
Við stjórnarkjör lá það fyrir að varaformaður,
Jónas Þór Jóhannsson og gjaldkeri, Melkorka
Benediktsdóttir gáfu ekki kost á sér til
endurkjörs og var Haraldur Konráðsson
kjörinn varaformaður og Filippía
Sigurjónsdóttir gjaldkeri. Bæði Haraldur og
Filippía voru fyrir í stjórn sem meðstjórnandi
og varamaður og var því Pétur Bjarnason
kjörinn meðstjórnandi og varamenn í stjórn
sambandsins voru kjörin þau Sigurður
Olafsson og Sólveig Inga Friðriksdóttir. Ég vil
þakka Melkorku og Jónasi Þór fyrir gott starf
fyrir sambandið í gegnum árin og vonandi
fáum við að njóta krafta þeirra aftur áður en
langt um líður. Nýtt fólk býð ég velkomið í
stjórn sambandsins og hlakka ég til að vinna
með þessu góða fólki á nýju starfsári.
Á fundinum, undir liðnum Önnur mál, urðu
nokkrar umræður um tímasetningu
aðalfundar og voru fundarmenn sammála
um að sá tímarammi sem settur er í lögum
sambandsins um hvenær aðalfundur skuli
haldinn er ekki góður í ljósi þess hvað
ferðamannatíminn hefur lengst á
undanförnum árum og þess vegna erfiðleikum
bundið að semja við hótel um ásættanlegt
verð fyrir gistingu og fundarsal fyrir
aðalfundinn. Var því lagt til að þessi tíma-
rammi yrði færður til 15. nóvember ár hvert
í stað lok september. Stjórn sambandsins
hefur brugðist við þessu og sent öllum
formönnum fyrirspurn varðandi málið og
óskað eftir samþykki allra aðildarfélaga um
að þessi nýju tímamörk verði færð aftur og
lagabreyting vegna þessa máls lögð fram á
næsta aðalfundi sambandsins til samþykktar.
Einnig var nokkuð rætt um Harmonikuþættina
á sjónvarpsstöðinni fNN og voru fundarmenn
almennt ánægðir með þetta framtak og töldu
allir þeir er tjáðu sig um málið að þetta væru
einstakar heimildir um þá fjölmörgu er fram
hafa komið fram í
þessum þáttum og
harmonikunni til
framdráttar. Nú hefur
það komið fram í
fréttum að sjónvarps-
stöðin ÍNN hefur
hætt útsendingum og
á þessari stundu óvíst
hvað verður um þessa þætti á þessum
tímapunkti. Stjórn sambandsins mun ræða
þetta mál á næsta stjórnarfundi sínum.
Nú liggur það fyrir að næsti aðalfundur
sambandsins verður í boði Félags harm-
onikuunnenda við Eyjafjörð og vil ég hér með
þakka formanni F.H.U.E. fyrir skjót viðbrögð
og við hljótum öll að fagna því að hittast
næsta haust í Eyjafirði. Ég veit að vetrarstarf
harmonikufélaganna í landinu er komið á
fulla ferð og er það von mín að það starf verði
öflugt eins og alltaf. Harmonikan verður að
fá að hljóma sem víðast og sem oftast um
land allt.
Senn gengur jólahátíðin í garð og síðan
fögnum við nýju ári. Ég vil þakka öllum
stjórnarmönnum, formönnum aðildarfélaga
sambandsins og harmonikuunnendum um
land allt fyrir samstarfið á árinu sem er að
líða og er það von mín að árið 2018 verði
okkur öllum gæfuríkt og gott harmonikuár.
Gleðilega jólahátíð
Gunnar Kvaran, formaður
Sagnabankinn
Aðþessu sinni er Sagnabankinnfenginn að láni
úr þeirri stórskemmtilegu bók „Með lífið í
lúkunum ", sem eru endurminningar Rögnvaldar
Sigurjónssonarþíanóleikara, ritaðar afGuðrúnu
Egilson. Birt með góðfúslegu leyfi Þórs
Rögnvaldssonar.
Ég var í manndrápsskapi þegar ég skálmaði
inn á senu hálftíma of seint og troðfullur salur
beið eftir mér. Ég byrjaði á Bach og tók svo til
við H-moll sónötuna eftir Liszt, en þegar ég
var kominn vel af stað og út í fúgatóið, rak
mig svo heiftarlega í vörðurnar, að ég komst
ekkert áfram. Ég byrjaði aftur og allt fór á sömu
leið. Ég var viti mínu fjær af illsku út í allt og
alla, spratt á lappir, æddi bak við senu og velti
nærri því um koll Tamöru og kynninum á
konsertinum, sem stóðu bara og blöðruðu og
vissu ekkert hvað var á seiði. Síðan greip ég
töskuna mína, náði þar í nóturnar af sónötunni,
hentist aftur inn á senu, fletti upp á fúgatóinu
og byrjaði aftur. Ég leit ekki aftur á blaðið, en
spilaði verkið til enda svona nokkurn veginn
eins og ég var vanur. Aheyrendur tóku þessu
mjög vel, enda þótt þetta væri sjálfsagt
óvenjuleg uppákoma á konsertum. Mér var
innilega fagnað í lokin og svo virtist sem þessir
tónleikar hafi lengi verið í minnum hafðir í
Kasan. Fyrir nokkrum árum hitti Anna Áslaug
Ragnarsdóttir Rússa nokkurn úti í London,
sem kvaðst hafa hlustað á íslenskan píanóleikara
fyrir óralöngu. Hefði hann gert sér lítið fyrir
og sótt nóturnar, þegar hann rak í vörðurnar
og þótti Rússanum mikið til um þetta áræði
og ráðkænsku.
Harmonikusafn
Ásgeirs S. Sigurðssonar
býður öldruðum harmonikum farsælt ævikvöld á
Byggðasafni Vestfjarða.
Sími: 456 3485 og 844 0172.
Nctfang: assígu@intcrnct.is Veffang: www.nedsti.is
Byggðasahi
2