Harmonikublaðið - 01.12.2017, Blaðsíða 17

Fyrsta harmonikumótið sem FHUR stóð fyrir
má segja að hafi verið í Laugarási um
verslunarmannahelgina 2003, en í þrjú ár þar
á undan hafði Snæbjörn Magnússon
staðarhaldari haldið harmonikumót, þar sem
sérstaklega var höfðað til félaga í FHUR.
Forveri þessa móts má segja að hafi verið mótin
sem þeir Hilmar Hjartarson og Þorsteinn R.
Þorsteinsson héldu ásamt eiginkonum sínum
undir nafni blaðsins Harmonikunnar. Fyrstu
árin í Galtalækjarskógi, en síðustu fimm árin
fór mótið fram í Þrastarskógi. FHUR hefúr
haldið sín harmonikumót síðan 2004, fyrst í
Arnesi, síðan að Varmalandi í Borgarfirði og
nú síðast að Borg í Grímsnesi. Ekki er vafi að
þessi mót hafa orðið félaginu mikil lyftistöng,
ekki hvað síst félagslega. Þau hafa laðað fólk
að víðsvegar af landinu og mörg vináttu-
sambönd orðið til, ekki síður en á öðrum
harmonikumótum. Félagið hefur oftar en ekki
fengið erlenda gesti til að lífga upp á mótin.
Má þar nefna harmonikuleikara á borð við
Lars Ek, Emil Johansen, Mogens Bækgárd,
Sören Brix, Ottar Johansen og Magnus
Jonsson. Þá fékk félagið góða heimsókn 2014,
þegar Bröndöysund trekkspilsklubb frá
Noregi sótti okkur heim.
Arið 1990 fékk félagið heimsókn frá Noregi,
þegar Sigmund Dehli kom og lék fyrir
árshátíðargesti félagsins, en þá var Hilmar
Hjartarson formaður skemmtinefndarinnar.
Þetta var upphaf að mörgum fleiri heim-
sóknum. Má þar nefna Thormod Vasaasen
mikinn snilling á tvöfalda harmoniku, Danina
Lelo Nika, Anders Trabjerg og Kim Nielsen,
Anders Larson, Aniku Andersson, og Nya
Bröderna Fárm frá Svíþjóð.
Þegar félög eru annars vegar, geta áhersluatriði
félaganna skarast. Félag harmonikunnenda í
Reykjavík hefur ekki farið varhluta af þessu.
Vorið 1986 urðu óánægjuraddir svo sterkar
innan félagsins að ekki varð hjá því komist að
hluti félagsmanna gengi út og til varð
Harmonikufélag Reykjavíkur. Þetta olli
miklum titringi innan félagsins en jafnaði sig
að mestu leyd þegar frá leið. Það var svo 1993
að nokkrir félagar stofnuðu Harmonikufélagið
Létta tóna. Það félag varð ekki langlíft og
starfaði nánast sem hjáleiga í FHUR en kom
þó fram á tveimur landsmótunum.
Félagi harmonikunnenda í Reykjavík hefur
tekist að mestu að fylgja eftir þeim hug-
myndum, sem lagt var upp með í upphafi, og
jafnvel aukið við hugmyndir frumherjanna.
Það var til dæmis hvergi á stefnuskrá að gefa
hljóðfæri í tónlistarskólana á Reykjavíkur-
svæðinu, en félagið hefur gefið fimm
harmonikur nú þegar.
Endurnýjun hefur löngum verið keppikefli
harmonikufélaganna, Um aldamótin var
stofnuð ungliðadeild félagsins. Uppistaðan var
hópur ungra nemenda Guðmundar Samúels-
sonar, sem hélt utanum hópinn af mikilli
kostgæfni. 1 nokkur ár kom hópur undir hans
stjórn fram á landsmótum. Tveir úr þessum
hópi, Jónas Ásgeir og Flemming Viðar eru nú
við framhaldsnám í Kaupmannahöfn og ekki
útilokað að sá þriðji bætist í hópinn bráðlega.
Eins og í upphafi kom fram, var Bjarni
Marteinsson kjörinn fyrsti formaður félagsins
og stjómaði því fyrstu sjö árin, en þá tók Jón
Ingi Júlíusson við. Yngvi Jóhannsson var síðan
formaður frá 1990 til 1993, svo tók Hilmar
Hjartarson við. Hann sat síðan til 1996 að
Friðjón Hallgrímsson tók við keflinu. Síðustu
15 árin hafa þau Jón Ingi Júlíuson Gunnar
Kvaran, Elísabet H. Einarsdóttir, Páll Elíasson
og Steinþóra Agústsdóttir gegnt formennsku
í FHUR.
Núverandi stjórn FHUR er skipuð eftirfarandi.
Steinþóra Agústsdóttir formaður, Hilmar
Hjartarson varaformaður, Gyða Guðmunds-
dóttir ritari, Haukur Ingibergsson gjaldkeri
ogÁsgerður Jónsdóttir meðstjórnandi. Til vara
Harpa Ágústsdóttir og Hreinn Vilhjálmsson.
Formaður skemmtinefndar er Friðjón
Hallgrímsson, en aðrir í nefndinni Valmundur
Ingi Pálsson, Páll Elíasson, Steinþóra Agústs-
dóttir og Sigurður Harðarson. Til vara Elísabet
H. Einarsdóttir og Erlingur Helgason.
Friðjón Hallgrímsson með stuðningi greina í
Harmonikunni 1987 og 1997.
Kveðjur og þakkir frá
Harmonikufélagi Vestfjarða
Harmonikufélag Vestfjarða sendir
harmonikuunnendum um land allt sínar
bestu jóla- og nýárskveðjur með þökkum
fyrir síðastliðið sumar. Sérstakar þakkir
til þeirra sem komu að framkvæmd
Landsmóts SIHU á Isafirði í sumar og
ekki síst þeirra fjölmörgu sem sóttu
okkur heim, jafnt flytjendur og aðrir
mótsgestir. Með ykkar stuðningi varð
þetta landsmót einstaklega eftirminnilegt
og fyrir það erum við afar þakklát. Við
vonum að þið hafið farið með góðar
minningar héðan úr faðmi fjalla blárra
og að harmonikustarfið á landinu megi
dafna um langa framtíð.
F.b. Harmonikufélags Vestjjarða
Karitas Pdlsdóttir
Myndir: Sigurður Harðarson
ÞaS var fjölmennt viS gamla sjúkrahúsiS á landsmótinu
Frá setningu landsmótsins FóstbraSurnir og gleSigjafarnir Baldur Geirmunds og Villi Valli á lokaballinu
17