Harmonikublaðið - 01.12.2018, Blaðsíða 13

Þorvaldur og Valgerður Alda Heiðarsdóttir taka lagið
Á laugardagskvöldið var svo dansleikur frá kl.
21-01, það var Sveinn Sigurjónsson og hljóm-
sveit sem sá um að allir skemmtu sér vel eins
og undanfarin ár. Dansinn dunaði og gólfið
fullt af dansunnendum í miklu stuði. Þegar
ballið var hálfnað var tekið hefðbundið hlé til
að draga í happdrættinu, en þar var eins og
alltaf fjöldi góðra vinninga. Friðjón sá um
dráttinn og gæxti jafnræðis í útdeilingu
vinningsmiða. Þegar lukkulegir vinningshafar
voru búnir að sækja happafenginn til
Melkorku og Önnu hófst ballið aftur og nú
kom Aðalsteinn ísfjörð til liðs við
hljómsveitina. Dansað var af lífi og sál þar til
að Svenni endaði skemmtunina og frábært
ball með fjöldasöng, gestir mynduðu hring á
dansgólfinu og sungu saman af hjartans lyst
Hvað er svo glatt...
Þetta samstarf Húnvetninga og Nikkólínu
hefur gengið afskaplega vel og Sólveig
formaður HUH tilkynnti svo í lok hátíðar að
búið væri að ákveða harmonikuhátíðina í
Ásbyrgi á sama tíma að ári. Og þá er bara að
taka frá helgina og skemmta sér með okkur,
allir velkomnir og hittumst hress og kát að
vanda! SBH
Og svona í lokin. Jón Helgi Jóhannsson
Þingeyingur og góðvinur Friðriks mæltist til
þess við skáldið að hann fengi nú vísu. Þegar
sunnudagsmorgunn reis án þess að bólaði á
nokkru, fór Jón að hafa orð á því hvort
Þorvaldur, Sigurður Ingvi og Sigurður Helgi hressir og kátir
Mývetningurinn væri orðinn geldur. Fékk
hann þá þetta:
Jónka síst ég svíkja md,
segja mun þó lítið.
En hann verður víst aðfá,
vísu karlhelvítið.
Myndir með greininni: Siggi Harðar
• • •••••• • •••
• • •
Fréttir að vestan
Þó harmonikufélögin á landinu standi ekki fyrir dansleikjum í sama
mæli og var áður, er ekki þar með sagt að þeir sem þar eru séu hættir
að leika á böllum, öðru nær. Við höfum mýmörg dæmi um að dansað
sé við undirleik þeirra á hinum ýmsu stöðum um land allt. Á eldri
borgara heimilum, hjúkrunarheimilum og víðar. Rauði Krossinn á
Isafjarðarsvæðinu stóð fyrir harmonikuballi sunnudaginn 18.
nóvember sl. frá 14:00- 16:00 í Edinborgarhúsinu álsafirði og var
þetta fyrsta ballið í vetur. Þeir sem spiluðu á dansleiknum voru Baldur
Geirmundsson, Vilberg Vilbergsson (Villi Valli) á harmonikur og
Magnús Reynir á bassa. Gert var hlé á dansleiknum um þrjú leytið
þega boðið var upp á stórveislu með heimabökuðum tertum, kleinum
og kaffi. Þessum veitingum voru gerð mjög góð skil. Dansinum var
fram haldið eftir kaffið og var mikið fjör og vel mætt. Sá siður hefur
mótast að allir dansgestirnir mynda stóran hring og syngja saman
Vísur íslendinga „Hvað er svo glatt sem góðra vina fundur".
Fyrirhugað er að halda annan dansleik fyrir jólin vegna fjölda
áskorana, fólkinu finnst gaman að koma saman til að dansa og
gleðjast.
Bestu kveðjur, Kaja
Myndir: Kristinn H Gunnarsson, Bœjarins hesta
Hjónin á Mýrum hafa lengi stigið lífdansinn saman
Huggulegir eldri borgarar á Isafirði
Sumir hlustuðu og nutu tónlistarinnar
13