Harmonikublaðið - 01.12.2018, Blaðsíða 21

Baldur Geirmundsson
Lagið að þessu sinni er Jólalag, eftir harmoniku-
leikarann góðkunna Baldur Geirmundsson. Hann
hefur áður átt lag í blaðinu, en blaðið tók við svona
góðu lagi af mestu ánægju.
Baldur fæddist að Látrum í Aðalvík árið 1937, en
flutti til Hnífsdals með foreldrum og systkinum
þegar hann var 11 ára. Hann kynntist tónlist lítillega
í æsku, þó ekki væri mikið um hljóðfæri í Aðalvík.
Tónlistargyðjan hafði hins vegar mikið dálæti á Baldri
og hann var ekki gamall þegar hann fór að leika á
harmoniku sem eldri bróðir hans átti. Það tók hann
ekki langan tíma að ná tökum á hljóðfærinu og fyrr
en varði var hann farinn að leika fyrir dansi í
heimabyggðinni. Það hefur trúlega ekki skemmt
fyrir að á Isafirði var stofnaður tónlistarskóli árið
sem Baldur flutti úr Aðalvík, en skólinn hefur frá
upphafi verið traustur grunnur að öflugu tónlistarlífi
á Isafirði. Baldur starfrækti hljómsveitina BG um
árabil en hún varð landskunn á sínum tíma. Eftir
Baldur liggja fjölmörg lög og þar á meðal
Landsmótspolki 2002 og Isafjarðarpolki 2017, bæði
samin í tilefni af landsmótum SIHU, sem haldin
voru á Isafirði. Þessir polkar eru víða leiknir á
dansleikjum. Þau hjón Baldur og Karítas Pálsdóttir
hafa um árabil verið aufúsugestir á aðalfundum
SIHU, þar sem Baldur hefur glatt gesti með spilagleði
sinni og Kaja með skörulegum málflutningi. Það er
ástæða til að hvetja áskrifendur til að setjast við
hljóðfærið og syngja Jólalagið eftir Baldur Geir-
mundsson með fjölskyldunni.
A dansskónum í Breiðfirðingabúð
Eftir að hafa tekið gott frí eftir Borg í Grímsnesi
um verslunarmannahelgina blés FHUR til
dansleiks að nýju í Breiðfirðingabúð 13.
október klukkan 20:00. Undanfarin ár hafa
dansleikirnir byrjað hálf níu, en ákveðið var í
haust að færa þá aðeins fram. Þá riðu á vaðið
þeir Þorleifur Finnsson og Páll Elíasson.
Erlingur Helgason leysti þá síðan af og lék þar
til Svenni Sigurjóns tók við og lauk ballinu
um miðnættið. Eins og oft áður stóðu þeir
taktvaktina Guðmundur Steingrímsson,
Hreinn Vilhjálmsson og Haukur Ingibergsson.
Ekki var aðsókn samkvæmt væntingum og fer
nú að verða þungt undir fæti, þegar tap er á
fjáröflun. Næst var blásið til dansleikjar þann
10. nóvember og varð aðsókn svipuð og í
október. Þá hóf leikinn Gunnar Kvaran og
fékk fljótlega aðstoð frá Friðjóni. Ovænt
uppákoma varð þegar ungur Bandaríkjamaður
frá Pittsburgh, Kevin Solecki tók við af þeim
og lék í góðan hálftíma. Þar kvað við dálitið
annan tón, en hann átti ekki í erfiðleikum að
skemmta harmonikuunnendum í Reykjavík,
enda þaulvanur af heimaslóðum. Það er von
á honum til landsins næsta sumar til að leika
á Harmonikuhátíðinni í Árbæ um miðjan júlí.
Þegar hann lauk leik stigu á svið þeir Grétar
Geirsson og Guðmundur Samúelsson. Þeir
héldu uppi miklu fjöri þar til Hilmar
Hjartarson tók við ásamt Lindu Guðmunds-
dóttur. Linda gladdi okkur á síðasta þorrablóti,
sem ein af Gleðikonunum, sem þar léku og
sungu. Ekki minnkaði stemningin við þetta
og hún hélst til miðnættis, þegar ballinu lauk.
Hreinn Vilhjálmsson og Guðmundur
Steingrímsson sáu um undirleikinn sem oftar
en auk þeirra var Fróði Oddsson á gítar í
forföllum Hauks Ingibergssonar. Næst á
dagskrá er áramótaballið þann 12. janúar og
síðan þorrablótið 2. febrúar. Vonandi verðum
við heppnari með veður en í ár því þá þurftu
margir af landsbyggðinni að hætta við á síðustu
stundu. Þrátt fyrir það var fullt hús.
Friðjón Hallgrímsson
Myndir: Reynir Elíesersson og Siggi Harðar
Hljómsveitþeirrafélaga Grétars Geirssonar og Guðmurídar Samúelssonarsló ekki „feilpústa
Léttur í lundu ég lagði afstað.
£
1 ~ r 1 jílíJMLi ijö1* í’l. 'iv*
Kevin Solecki með bros á vör naut þess að spila. Meðleikararnir virtust hafa œft með Allir í hringdans
honum í marga daga
21