Harmonikublaðið - 01.12.2018, Blaðsíða 16

Haustið 2018 hjá Félagi
harmonikuunnenda í Reykjavík
Stjórn félagsins hefur haldið fundi mánaðarlega
og er skemmtinefndarformaðurinn alltaf
kallaður til. Við höfum formlega tekið að
okkur næsta landsmót sem verður haldið í
Stykkishólmi í byrjun júlí 2020. Elísabet,
Haukur og Friðjón voru valin í fram-
kvæmdastjórn mótsins og við styðjumst við
minnislistana frá fyrri landsmótum og bætum
í eftir þörfum. Karítas Páls, Jón Helgi og
Sigurður á Sandi eru ávallt tilbúin að aðstoða
og fleiri hafa gefið góðar ábendingar.
Stjórnarmenn FHUR tóku þátt í aðalfundi
SIHU, sem haldinn var í Kjarnalundi í umsjón
FHUE. Mörg málefni voru rædd að vanda
m.a. hvernig við getum virkjað unga
harmonikufólkið okkar til þátttöku. Nokkur
sjónarmið komu fram og gagnlegar umræður,
en væntanlega verður þeirra getið annars
staðar í blaðinu.
Formanni FHUR og ritstjóra Harmoniku-
blaðsins var boðið í afmælishóf Harmo-
nikufélags Þingeyinga á Breiðamýri. Við
ætluðum að fara ásamt mökum í byrjun
nóvember en þá varð veðrið vitlaust og gul
viðvörun fyrir norðan og hátíðinni frestað um
viku. En þá helgi var einnig dansleikur hér
syðra í umsjón Friðjóns H. og formaður
kominn til útlanda.
Hljómsveitarstarfið hófst í byrjun október.
Við fengum til liðs við okkur nýjan hljóm-
sveitarstjóra, reyndan tónlistarmann, Hannes
Baldursson. Hann hefur stjórnað mörgum
kórum og hljómsveitum meðal annarra
Harmonikuhljómsveit Vesturlands og
Nikkolínu í Dölunum. Eg hafði samband við
nokkur ungmenni til að fá þau til liðs við
hljómsveitina en það var ýmislegt í vegi fyrir
því t.d. ánægjulegar barneignir og aðrar annir.
Æfingahúsnæði okkar er enn sem fyrr í
Arskógum og alltaf er kaffi á könnunni.
Mæting hefur verið nokkuð góð. Við tókum
Mœting var dgæt miðað við jýrsta sinn
16
Allir samtaka nú d opinni xfingu
Og svo var dansinn stiginn
upp þá nýbreytni að hafa opna æfingu með
söng og dansi, svipað og Eyfirðingar og
Norðfirðingar hafa gert. Þetta var ákaflega
vinsælt og fullt hús. Fólk vildi gjarnan að
þetta væri einu sinni í mánuði. Væntanlega
verður framhald á næsta ári. Við gerum hlé á
hljómsveitaræfingum í desember enda margir
að spila jólalögin hér og þar.
Dansleikirnir voru í Breiðfirðingabúð með
hressilegu harmonikuspili frábærra félaga og
í umsjón skemmtinefndar með Friðjón
Hallgrímsson í forsvari. Félagar í FHUR taka
þátt í góðri samfélags- og sjálfboðaliðaþjónustu
með því að spila á hjúkrunar- og dvalar-
heimilum á höfuðborgarsvæðinu. Oft er það
hálfsmánaðarlega og stundum í samvinnu við
sjálfboðaliða RKI eða aðra. Þessar heimsóknir
eru ákaflega gefandi og heimilisfólk er afar
þakklátt og tekur virkan þátt í söng og dansi.
Nokkrir dansarar fara með sumum harmoniku-
spilurunum.
Enn er óskað eftir harmonikuleik í leikskólum
og við Sigurður Alfonsson höfum sinnt þeim,
vegna sérstakra óska viðkomandi skóla. Eg
veit að leikskólar hafa haft samband við
Guðrúnu og Hjálmar og þau láta ekki sitt
eftir liggja. Við Sigurður heimsóttum
leikskólann Jörfa þann 16. nóvember, þarsem
haldið var afa- og ömmukaffi með kleinum
og tilheyrandi. Við höfum spilað þar
undanfarin ár en núna var óvenju góð mæting
og fullt hús og undirtektirnar eftir því,
heilmikil gleði og beðið um óskalög til
viðbótar við lagalistann okkar. Þarna er okkar
vinna svo sannarlega metin að verðleikum.
Með harmonikukveðju,
Elísabet H Einarsdóttir formaður FHUR