Fréttablaðið - 06.01.2021, Blaðsíða 11

Í stjórnarsáttmála núverandi ríkis-stjórnar segir: „Fjármagnstekju-skattur verður hækkaður í 22
prósent í upphafi kjörtímabils í því
markmiði að gera skattkerfið réttlát-
ara óháð uppruna tekna. Samhliða
verður skattstofn fjármagnstekju-
skatts tekinn til endurskoðunar.“
Starfshópur fékk það verkefni að
endurskoða skattstofn fjármagns-
tekjuskatts „með tilliti til verðbólgu
þar sem hún hefur áhrif á skatt-
byrði fjármagnstekna“ eins og segir í
greinargerð með frumvarpinu þegar
það var lagt fyrir Alþingi (Þingskjal
466 – 374. mál). Í frumvarpinu var
söluhagnaður af frístundahúsnæði,
sem hefur verið í eigu manna í fimm
ár eða lengur, undanþeginn tekju-
skatti af fjármagnstekjum (fjár-
magnstekjuskatti). Það er löngu
tímabært réttlætismál. Í afgreiðslu
Alþingis var lágmark eignarhalds
hins vegar lengt í sjö ár. Þá var því
bætt við að hafi menn slysast til þess
að hafa leigutekjur af húsnæðinu
sitja þeir áfram í súpunni. Þeir, sem
átt hafa frístundahúsnæði sitt skem-
ur, geta einnig enn átt það á hættu að
helming söluverðsins þurfi að telja
fram sem stofn til útreiknings á fjár-
magnstekjuskatti eigi þeir ekki gott
bókhald og gögn yfir byggingar-
kostnaðinn.
Frumvarpið var engan veginn
almenn endurskoðun á skattstofni
fjármagnstekjuskatts og það gerði
enga tilraun til þess að leiðrétta áhrif
verðbólgu á skattlagningu verðmæta
svo sem hagnað af sölu fasteigna í
atvinnurekstri. Hér skal tekið ein-
faldað dæmi.
Í nóvember árið 2000 var stofnað
hlutafélag um skrifstofuhúsnæði
sem keypt var gegn staðgreiðslu
fyrir fjárhæð sem samsvaraði fast-
eignamati eignarinnar. Það var þá
sex milljónir króna. Hlutaféð nam
sömu fjárhæð.
Í nóvember síðastliðnum bauðst
hlutafélaginu að selja annað hvort
fasteignina eða félagið á núverandi
fasteignamati en það nemur nú
18 milljónum króna. Kaupverð
fasteignarinnar hefur aldrei verið
afskrifað þannig að munur boðins
kaupverðs og upphaflegs kaupverðs,
kr. tólf milljónir, telst hagnaður í
bókum félagsins.
Hluthafar félagsins spurðu endur-
skoðanda félagsins hvora leiðina
þeir ættu að fara. Hann tjáði þeim
að félaginu bæri að greiða 20%
tekjuskatt af „söluhagnaðinum“ og
færi svo að eftirstöðvarnar umfram
hlutaféð yrðu greiddar út sem arður
og félagið leyst upp, bæri hluthöf-
unum að greiða 22% fjármagns-
tekjuskatt af 9,6 milljónum, eða kr.
2.112.000. Samtals fengi skattheimt-
an þannig kr. 4.512.000 í sinn hlut af
þessum viðskiptum.
En þá var spurt: Hvernig kæmi
þetta út ef við seldum félagið? Í því
tilviki væri söluhagnaður hluta-
bréfanna 12 milljónir og 22% fjár-
magnstekjuskattur af þeirri fjárhæð
kr. 2.640.000.
En hagnast hluthafarnir sem
þessu nemur? Svo er ekki. Verðgildi
krónunnar hefur rýrnað til jafnaðar
um 4,5% árlega á þessu tímabili. Ef
upphaflegt kaupverð væri fært til
núverandi verðlags er fjárhæðin
14,5 milljónir. Raunverulegur sölu-
hagnaður er því mun minni eða kr.
3,5 milljónir. Hlutfall fjármagns-
tekjuskattsins verður þannig í reynd
rúmlega 75% og nær 130% í dæminu
þegar báðir tekjuskattarnir leggjast
saman.
En hagnast hluthafarnir sem
þessu nemur? Svo er ekki.
Verðgildi krónunnar hefur
rýrnað til jafnaðar um 4,5%
árlega á þessu tímabili.
Skattheimtan græðir á verðbólgunni
Árni Árnason
rekstrarhag-
fræðingur
Þekkingarfyrirtæki í byggingariðnaði frá 1986Eykt ehf. / Stórhöfða 34–40 / 110 Reykjavík / Sími 595 4400 / eykt.is
Eykt ehf. leitar eftir reyndum verkefnastjórum til að stjórna framkvæmdum
á vegum félagsins. Verkefnastjóri er hluti af stjórnendateymi Eyktar.
Helstu verkefni:
• Samningagerð við undirverktaka og birgja og stjórn innkaupa vegna
þeirra verka sem hann stjórnar
• Gerð og eftirfylgni verk- og kostnaðaráætlana
• Reikningagerð og uppgjör verka
• Tilboðsgerð
Menntunar- og hæfniskröfur:
• Byggingaverkfræðingur/byggingatæknifræðingur/byggingafræðingur
• Hæfni í notkun helstu stjórntækja við áætlanagerð
• Samstarfsfærni innan fyrirtækis og útávið
Tekið er við umsóknum með upplýsingum um menntun
og starfsreynslu á skrifstofu Eyktar á Stórhöfða 34–40
eða með tölvupósti á palld@eykt.is. Upplýsingar um
starfið veitir Páll Daníel Sigurðsson, framkvæmdastjóri,
á skrifstofu Eyktar.
Verkefnastjórar
óskast
Hlutverk Eyktar er að byggja vönduð mannvirki
sem umgjörð um daglegt líf og atvinnurekstur.
S K O Ð U N ∙ F R É T T A B L A Ð I Ð 11M I Ð V I K U D A G U R 6 . J A N Ú A R 2 0 2 1