Fréttablaðið - 06.01.2021, Blaðsíða 12

6 . J A N Ú A R 2 0 2 1 M I Ð V I K U D A G U R12 S P O R T ∙ F R É T T A B L A Ð I Ð
SPORT
HANDBOLTI Íslenska handbolta-
landsliðið mætir Portúgal í fyrsta
leik liðanna af þremur á átta dögum
í dag, en leikurinn er hluti af undan-
keppni EM og fer fram ytra. Liðin
mætast á ný á sunnudaginn og að
lokum á fimmtudaginn í næstu viku
í fyrsta leik liðanna í lokakeppni
HM í Egyptalandi. Sjaldgæft er að
lið séu að leika keppnisleiki svona
rétt fyrir mót og þarf þjálfarateymið
því að halda nokkrum boltum á
lofti á sama tíma. Á sama tíma gæti
það reynst liðinu vel að fá leiki til
að hlaupa af sér hornin og skerpa á
réttu hlutunum rétt fyrir HM.
Stærsti höfuðverkur þjálfara-
teymisins verður hvaða aðilar eru
tilbúnir að taka við ábyrgðinni í
sóknarleik Íslands, sem yfirleitt
hvílir á herðum Arons Pálmars-
sonar. Aron sem er fyrirliði Íslands
og einn af bestu handboltamönnum
heims, er fjarverandi vegna meiðsla
og verður ekki með liðinu í Egypta-
landi. Það fellur því öðrum leik-
mönnum í skaut að stýra sókn
Íslands og fær þjálfarateymið hér
kjörið tækifæri til að sjá hver skal
leiða liðið þegar f lautað verður til
leiks í Kaíró.
Ágúst Þór Jóhannson, þjálfari
kvennaliðs Vals og aðstoðarþjálfari
kvennalandsliðsins, tekur undir
að það séu kostir og gallar að fá
keppnisleik sem þennan svo stuttu
fyrir fyrsta leik á HM.
„Þetta er auðvitað mjög sérstök
staða, að mæta feykilega öf lugu
liði Portúgal þrisvar á átta dögum.
Þetta verða erfiðar viðureignir og
það eru tvær hliðar á því hvort að
það séu kostir eða gallar. Ég hallast
frekar að því að það sé kostur fyrir
okkar menn,“ segir Ágúst um undir-
búninginn sem íslenska liðið fær.
„Við erum með frábæran þjálfara
í Guðmundi sem er frábær að leik-
greina andstæðinga sína og sitt lið.
Hann er f ljótur að sjá hvað gengur
vel og við ættum að geta grætt á
þessu þótt að þetta sé snúin staða
og enginn óska undirbúningur.
Liðið fær ekki mikinn tíma saman
en þetta gæti verið góð leið þótt að
það megi ekki gleymast að þetta eru
leikir í undankeppni.“
Ágúst tók undir að þetta gæti
aðstoðað liðið að finna út hvaða
einstaklingar geti tekið við keflinu
af Aroni.
„Það er ekkert leyndarmál að það
er gríðarlegur missir að Aroni enda
einn af bestu handboltamönnum
heims. Það er vonandi að þeir finni
réttu blönduna og þeir geta nýtt
þessa leiki í að skoða það nánar,“
segir Ágúst um leitina að staðgengli
Arons. – kpt
Þjálfarateymið fær generalprufu fyrir keppnina í Egyptalandi
Aukin ábyrgð verður á Ólafi Andrési í fjarveru Arons. FRÉTTABLAÐIÐ/ERNIR
FÓTBOLTI Enska úrvalsdeildin til-
kynnti í gær að næstu vikurnar
yrði skimað eftir kórónaveirunni
hjá öllum félögum tvisvar í viku
eftir að fjörutíu tilfelli greindust í
síðustu viku. Ákvörðunin var tekin
degi eftir að Boris Johnson, forsætis-
ráðherra Bretlands, tilkynnti hertar
aðgerðir, en að atvinnudeildirnar í
knattspyrnu fengju að halda áfram.
Alls greindust 40 einstaklingar
innan ensku úrvalsdeildarinnar
með kórónaveiruna í síðustu viku
en það nær til leikmanna og starfs-
manna félaganna. Það er nýtt met
í reglubundinni skimun ensku
úrvalsdeildarinnar en fyrra metið
var átján tilfelli á einni viku, sem
gerðist viku áður. Yfir jólahátíðirnar
þurfti enska úrvalsdeildin að fresta
þremur leikjum vegna smits innan
leikmannahópa Manchester City og
Fulham. – kpt
Fjörutíu smit 
á einni viku 
Fresta þurfti leik Everton og Man.
City um jólin. FRÉTTABLAÐIÐ/GETTY
HANDBOLTI Ungverska stórveldið
Pick Szeged tilkynnti í gær að félag-
ið hefði komist að samkomulagi við
Stefán Rafn Sigurmannsson horna-
mann um riftun á samningi. Stefán
er eini Íslendingurinn sem leikið
hefur með félaginu og skilaði 392
mörkum fyrir Pick Szeged.
Hafnfirðingurinn samdi við ung-
verska félagið árið 2017 en hefur
lítið komið við sögu síðustu mánuði
vegna meiðsla. Stefán varð ung-
verskur meistari með liðinu á fyrsta
ári sínu og vann bikarmeistara-
titilinn í Ungverjalandi ári síðar, en
erfið meiðsli hafa sett strik í reikn-
inginn undanfarin ár. Hann hefur
áður orðið landsmeistari í Þýska-
landi með Rhein-Neckar Löwen og
danskur meistari með Álaborg.
Stefán hefur lítið komið við sögu
með íslenska landsliðinu undan-
farin ár vegna meiðslanna, en hann
fór síðast á Evrópumótið 2018. – kpt
Riftu samningi
Stefáns Rafns
FÓTBOLTI „Það er ótrúlegt og mjög
skemmtilegt. Þetta eru frábærar
fréttir fyrir okkur í aðdraganda
stórmótsins á næsta ári. Landsliðs-
þjálfarar hafa lengi bent á að það
væri gott að hafa f leiri leikmenn
á þessu atvinnumannastigi með
meiri samkeppni,“ segir Helena
Ólafsdóttir, fyrrverandi landsliðs-
kona og landsliðsþjálfari kvenna-
landsliðsins í knattspyrnu, aðspurð
út í staðreyndina að Ísland eigi nú
fjóra leikmenn í sterkustu deild
heims samkvæmt styrkleikalista
UEFA.
Síðastliðið mánudagskvöld var
það staðfest að landsliðskonan
Svava Rós Guðmundsdóttir væri
búin að semja við Bordeaux til átján
mánaða. Um leið varð Svava fjórði
Íslendingurinn í frönsku deildinni
þar sem fyrir voru Sara Björk Gunn-
arsdóttir hjá Lyon og Anna Björk
Kristjánsdóttir og Berglind Björg
Þorvaldsdóttir hjá Le Havre.
Samkvæmt styrkleikalista UEFA
er franska deildin sú sterkasta í
Evrópu þar sem einokun Lyon í
Meistaradeild Evrópu spilar stóra
rullu, á undan þeirri þýsku. Svava
kemur til Bordeaux sem er í harðri
baráttu um þriðja sæti deildarinnar
sem veitir þátttökurétt í Meistara-
deild Evrópu í fyrsta sinn í vor eftir
að hafa tekið þátt í því að koma
Kristianstads í Svíþjóð í undan-
keppni Meistaradeildar Evrópu í
fyrsta sinn í sögu félagsins á nýaf-
stöðnu tímabili í Svíþjóð.
Svava er ein af nokkrum lands-
liðskonum sem hafa verið að semja
við erlend lið að undanförnu. Ekki
er ár liðið síðan Sara varð annar
Íslendingurinn til að semja við
franskt lið á eftir Fanndísi Friðriks-
dóttur sem samdi við Marseille árið
2017. Þegar líða tók á haustið sömdu
Anna Björk og Berglind Björg við Le
Havre sem er að berjast fyrir lífi sínu
í deildinni en í vetur hafa landsliðs-
konurnar Arna Sif Ásgrímsdóttir,
Guðný Árnadóttir, Sveindís Jane
Jónsdóttir, Hlín Eiríksdóttir og
Hallbera Guðný Gísladóttir allar
samið við lið erlendis.
„Ég held að leikmennirnir séu
klárlega með það í huga að það
sé stórmót á næsta ári. Ég man að
Freyr, þáverandi landsliðsþjálfari,
talaði um það eftir síðasta EM að
það vantaði f leiri leikmenn út í
atvinnumennsku. Það vantaði
aðeins upp á tempóið. Þetta eykur
á bjartsýnina hjá manni að sjá alla
þessa leikmenn fara út Í atvinnu-
mennsku.“
Helena tekur undir að það sé
jákvætt skref að sjá leikmenn fara
víðar í Evrópu en þegar hún var
leikmaður horfðu leikmenn helst
til Norðurlandanna.
„Þær eru að opna f leiri tækifæri
fyrir íslenska leikmenn. Mín kyn-
slóð var yfirleitt að horfa til Sví-
þjóðar og Noregs með möguleika
á því að tengja þetta námi. Það
skal þó ekki gleyma því að sænski
boltinn hefur hentað íslenskum
leikmönnum vel. Sveindís samdi
í Þýskalandi en fær að taka af sér
mesta skrekkinn í Svíþjóð fyrst.
Margrét Lára kom inn á í þáttunum
í sumar að Sviþjóð sé góður skóli í
atvinnumennskunni,“ segir Hel-
ena en hún stýrir Pepsi Max mörk-
unum, umfjöllunarþætti um efstu
deild kvennaboltans á Íslandi.
Helena tekur undir að það sé
hvetjandi fyrir aðra leikmenn að
sjá stórlið eins og Wolfsburg kaupa
leikmann beint frá Íslandi í Svein-
dísi Jane.
„Það er ótrúlegt og vonandi mikil
hvatning fyrir unga leikmenn. Að
sjá skrefin sem hún er að taka eru
svo gríðarlega stór eftir aðeins tvö
ár í efstu deild. Þetta gefur öðrum
leikmönnum heilmikið og þar að
auki er Sveindís svo mikil fyrir-
mynd. Hún setur gott fordæmi með
viðhorfi sínu og einbeitingu.“
kristinnpall@frettabladid.is
Eykur bjartsýnina að sjá fleiri
leikmenn fara í sterkari deildir
Svava Rós Guðmundsdóttir varð í vikunni fjórði Íslendingurinn til að semja við franskt félag á stuttum
tíma. Deildin er sú sterkasta í Evrópu samkvæmt styrkleikalista UEFA. Helena Ólafsdóttir sem stýrði
landsliði Íslands á árum áður segir jákvætt að sjá leikmenn streyma út í atvinnumennsku fyrir EM.
Svava sem á að baki 24 leiki fyrir Ísland varð fjórði Íslendingurinn til að semja við franskt lið. FRÉTTABLAÐIÐ/ERNIR
Ég held að leik-
mennirnir séu
klárlega með það í huga að
það sé stórmót á næsta ári.
Helena Ólafsdóttir