Víkurfréttir - 16.12.2020, Blaðsíða 26

BURBERRY
Glæsilegar
jólagjafir!
Skoðaðu úrvalið
á opticalstudio.is
KEFLAVÍK
Snjóþotunni
pakkað inn í
svartan poka
því pappírinn
var búinn
Lára María Ingimundardóttir er starfsmaður í
Njarðvíkurskóla. Hún hefur verið í veikindaleyfi frá
störfum núna undanfarið en hefur þrátt fyrir það sótt
ýmis námskeið hjá Miðstöð símenntunar á Suðurnesjum og
stundað boccia með íþróttafélaginu Nes. „Ég hef líka verið
dugleg að fara út að ganga og svo finnst mér gaman að
prjóna og teikna myndir í tölvunni. Verst finnst mér að komast
ekki á körfuboltaleiki,“ segir Lára María í samtali við Víkurfréttir
sem fengu hana til að svara nokkrum jólatengdum spurningum.
– Fyrstu jólaminningarnar?
„Fyrsta jólaminningin mín var þegar pabbi og
mamma voru að skreyta jólatréð og fannst það
rosastórt, vá. Hef verið u.þ.b. sex ára.“
– Jólahefðir hjá þér?
„Við erum saman nærfjölskyldan á aðfanga-
dagskvöld og hlustum á jólamessuna, líka á
jóladag. Ég óska öllum vinum mínum gleði-
legra jóla á fésbókinni núna, er hætt að senda
jólakort. Ég fæ líka mikið af gleðilegum jóla-
óskum frá þeim.“
– Ertu dugleg í eldhúsinu yfir hátíðarnar?
„Já, ég hjálpa til í eldhúsinu með ýmislegt. Svo
hef ég bakað smákökur sem er partur af jóla-
matnum.“
– Uppáhaldsjólamyndin?
„Uppáhaldsjólamyndin er „Christmas Vaca-
tion“ með Chevy Chase.“
– Uppáhaldsjólatónlistin?
„Uppáhaldsjólatónlistin mín er „I’m walking
in the air“, held það heiti á íslensku „Himin-
ganga“ úr jólateiknimyndinni „The Snowman“.
Ég horfi bara á þessa mynd á jólunum og þess
vegna er þetta fyrir mér jólalag.“
– Hvar verslarðu jólagjafirnar?
„Verslaði heima þetta árið enda nóg úrval hér.“
– Gefurðu margar jólagjafir?
„Já, ég gef nokkrar. Öllum í nærfjölskyldunni
og nokkrum vinkonum mínum, u.þ.b. svona
tíu gjafir.“
– Ertu vanaföst um jólin, eitt-
hvað sem þú gerir alltaf?
„Já, það eru ýmsir siðir sem ég vil alltaf halda
eins og t.d. fara í messu klukkan sex, þó það
verði víst ekki raunin þetta árið út af þessari
leiðindapest. Í jólamatinn vil ég bæði hangikjöt
og hamborgarhrygg sinn hvorn daginn með
sínu fíneríi. Svo fer ég alltaf með skreytingar
á leiði fjölskyldu minnar í kirkjugarðinum í
Njarðvík.“
– Besta jólagjöf sem þú hefur fengið?
„Einu sinni um jólin, þegar ég var tólf ára, voru
pabbi og bróðir minn að reyna að pakka jóla-
gjöfinni minni en mamma var búin að klára
allan jólapappírinn. Þetta endaði með því að
þeir þurftu að nota svartan ruslapoka utan
um jólagjöfina. Ég var frekar hissa hvað væri
eiginlega í þessum stóra ruslapoka en svo kom
í ljós að þetta var snjóþota og hefur verið eftir-
minnilegasta jólagjöfin mín.“
– Hvað langar þig í jólagjöf?
„Mig langar að geta lifað hraustlegu lífi.“
– Hvað er í matinn á aðfangadag?
„Það verður hangikjöt og fíneríi meðlæti.“
– Eftirminnilegustu jólin?
„Þegar mamma mín var hjá okkur síðustu jólin
hennar árið 1988.“
Hangikjötið
og jólakonfekt
er ómissandi
Hörður Baldursson Olsen
er hættur vinnu en fæst
við áhugaljósmyndun og
lestur bóka ásamt göngu-
ferðum. Hann ætlar að
verja jólunum á Spáni og
setur því ekki upp jólaljós
að þessu sinni.
– Ertu mikið jólabarn?
„Það er nú það. Jú, ætli maður sé það
ekki ennþá inn við beinið.“
– Skreytir þú heimilið mikið?
„Jólaljósin fara ekki upp í ár, enda
eyðum við þessum jólum á Spáni – en þau
fara vanalega upp fyrir fyrsta sunnudag
í aðventu.“
– Áttu einhverja sérstaka minningu frá
jólum?
„Man þegar yngri stjúpdóttir reif frá mér
diskinn þegar að gaffallinn fór í síðasta
bitann. Það þurfti að drífa af frágang til
að komast í pakkana.“
– Hvað er ómissandi á jólum?
„Hangikjötið og jólakonfekt er ómiss-
andi.“
– Hvað finnst þér skemmtilegast um
jólahátíðina?
„Skemmtilegast um jólahátíðina, borða
góðan mat og slaka á og njóta há-
tíðarinnar.“
– Bakar þú fyrir jólin og hvað þá helst?
„Bakstur fyrir jól. Hjá mér aðallega þá
vandræði, læt konuna um það en er dug-
legur í smakkinu. Hálfmánar, súkkulaði-
bita- og kókoskökur og lagtertan brúna
sú besta.“
– Hvenær klárar þú að kaupa jóla-
gjafirnar?
„Yfirleitt búinn fyrir miðjan nóvember
nema með konuna.“
– Hvenær setjið þið upp jólatré?
„Jólatré er sett upp nú orðið fyrsta
sunnudag í aðventa, gaman að njóta alla
aðventuna.“
– Eftirminnilegasta jólagjöfin?
„SAS flugvél sem ég fékk frá ömmu og
afa í Noregi þegar að ég var barn.“
– Hvenær eru jólin komin fyrir þér?
„Svona í kringum fyrsta sunnudag í að-
ventu.“
– Hefurðu sótt messu um jólahátíðirnar í
gegnum tíðina?
„Hef farið að a.m.k. einu sinni í mið-
næturmessu á aðfangadagskvöldi í
Útskálakirkju
26 // vÍkurFrÉttir á suðurNesJuM Í 40 ár