Skessuhorn - 12.02.2020, Qupperneq 22

MIÐVIKUDAGUR 12. FEBRúAR 202022
Gamamyndin „Hvernig á að vera
klassa drusla“ eftir Ólöfu Birnu
Torfadóttur verður frumsýnd
3. apríl í Smárabíói í Kópavogi.
Þetta er fyrsta kvikmynd Ólafar í
fullri lengd en áður hefur hún gert
skemmtilegar stuttmyndir. Kvik-
myndin er tekin upp í Hvalfjarð-
arsveit og á Akranesi og fjallar um
tvær vinkonur sem ákveða að fara
að vinna á sveitabæ yfir sumarið.
Önnur vinkonan er þrælvön sveita-
stelpa en hin er algjört borgarbarn
sem varla hefur farið út fyrir höfuð-
borgina. Borgarbarnið veit lítið um
sveitastörfin og þegar hún hefur
fengið nóg af því að vera aðhláturs-
efnið í sveitinni biður hún vinkon-
una um að kenna sér að vera frakk-
ari og láta álit annarra ekki hafa
áhrif á sig. Það hefur í för með sér
spaugilegar afleiðingar.
Langt ferli að skrifa
„Hugmyndin kviknaði árið 2015
og eiginlega bara út frá sjálfri mér.
Oft vill maður vera á ákveðin hátt
en endar svo á að vera allt öðru-
vísi. Maður ímyndar sér kannski að
maður sé töffari en er kannski bara
rosalega vandræðalegur í rauninni.
Þannig var hugmyndin að þessum
persónum,“ útskýrir Ólöf Birna sem
byrjaði um leið að skrifa niður hug-
myndir og atriði fyrir kvikmynd-
ina. „Sumt í myndinni er byggt á
því sem ég veit að hefur gerst en
annað er bara algjör skáldskapur,“
segir hún. En hvernig er ferlið við
að skrifa svona kvikmynd? „Þetta er
frekar langt ferli. Fyrst skrifaði ég
svona fyrstu hugmyndina og hvíldi
svo verkið í nokkra mánuði og las
það svo aftur yfir og gerði breyting-
ar. Svona var ferlið í raun þar til ég
var alveg sátt og taldi mig geta gert
bíómynd úr því,“ svarar Ólöf Birna
í samtali við blaðamann.
Nafn myndarinnar
Aðspurð segir Ólöf Birna nafn
myndarinnar tengjast henni
sjálfri frekar persónulega. „Þetta
orð „drusla“ var oft notað um mig
þegar ég var krakki, þá í þeirri
merkingu að ég var oft drusluleg.
Ég var kannski nýkomin úr fjós-
inu á leið í jólaboð og það fannst
smá fjósalykt af mér og þá var ég
kölluð lítil drusla af frændfólki.
Svo er þetta orð oft notað á nei-
kvæðan hátt um konur. Þessi tit-
ill gefur þessum neikvæðu merk-
ingum eiginlega bara puttann,“
segir Ólöf Birna og hlær. „Mér
finnst líka smá yfirlýsing í því að
setja orðið „klassa“ fyrir framan,
þá verður þetta bara jákvætt og
töff, að vera klassa drusla,“ út-
skýrir hún.
Stækkandi
kvikmyndasamfélag
Ólöf Birna ólst upp á Vestfjörðum
en flutti ásamt Orra, manninum
sínum, á Akranes árið 2017. „Við
bjuggum í bænum á meðan ég var
að klára nám í Kvikmyndaskólan-
um en ég var á handrits- og leik-
stjórnarbraut,“ segir Ólöf Birna.
Eftir námið voru þau að leita að
íbúð og ákváðu að skoða húsnæði
á Akranesi. „Það er mikið ódýrara
að búa hér og svo þegar maður
kemur hingað hættir maður alveg
að sækja í bæinn. Það er allt hér
sem maður þarf og samfélagið hér
er mjög gott. Ég á líka marga vini
hér úr kvikmyndagerðinni en það
er stækkandi kvikmyndasamfélag
á Skaganum,“ segir Ólöf Birna.
En hver eru fyrstu skrefin að gerð
kvikmyndar eftir að handritið er
klárt? „Ég var heppin að ég fór að
vinna við að keyra fyrir Íslands-
póst á bæina í Hvalfjarðarsveit og
nýtti tækifærið til að horfa eft-
ir góðum tökustöðum í leiðinni,“
segir Ólöf Birna og brosir. „Svo
bara fór ég að hafa samband við
fólk og fékk með mér rosalega
góðan hóp fólks. Þeir sem koma
að myndini eru margir að taka sín
fyrstu skref í kvikmyndagerð eins
og ég.“
Þakklát
„Ég sá alla myndina mjög mynd-
rænt í hausnum á mér áður en við
byrjuðum tökur. Svo það var mik-
il áskorun að framkvæma þetta
eins og ég sá fyrir mér. En allir
þeir sem komu að þessu voru frá-
bærir og myndin kom í raun mik-
ið betur út en ég hafði séð fyrir
mér,“ segir hún og bætir því við
að hún sé þakklát hversu vel var
tekið á móti kvikmyndahópnum
í sveitinni. „Fólkið hér í sveit-
inni á þakkir skildar, en alls stað-
ar var tekið rosalega vel á móti
okkur. Það voru engin vandamál
og allir svo spenntir og tilbúnir
að taka þátt og aðstoða. Það var
eiginlega alveg sama hvað maður
bað um, það voru allir tilbúnir að
taka hjálpa. Eitt skipti vorum við
að leita að heyvagni fyrir tökur og
þá var bara spurt; „hvaða lit vil-
ið þið“. Það var bara öllu redd-
að og ég er ótrúlega þakklát öll-
um sem komu að þessari mynd og
lögðu okkur lið,“ segir Ólöf Birna
að endingu.
arg / Ljósm. arg og aðsendar.
Ólöf Birna fékk með sér góðan hóp fólks til að vinna að gerð myndarinnar.
Myndin „Hvernig á að vera klassa drusla“
frumsýnd í byrjun apríl
Fyrsta kvikmynd í fullri lengd eftir Ólöfu Birnu er væntanleg í kvikmyndahús í apríl. Ljósm. arg.
Við tökur á myndinni „Hvernig
á að vera klassa drusla“.
Í bíómyndinni eru bæði vanir leikarar og þeir sem eru
að taka sín fyrstu skref.
Mynd Ólafar Birnu er tekin upp í Hvalfjarðarsveit og á Akranesi.
Ólöf Birna skrifaði handrit myndar­
innar og sá um leikstjórn.
Myndin fjallar um vinkonur sem
fara að vinna í sveit.