Skessuhorn - 02.09.2020, Qupperneq 20

MIÐVIKUDAGUR 2. SEptEMBER 202020
Í byrjun árs 2019 ákvað Katarína
Stefánsdóttir frá Akranesi að breyta
til og flytja til fjölskyldu sinnar sem
var þá nýflutt til Svíþjóðar þar sem
að bróðir hennar Oliver fór í at-
vinnumennsku í fótbolta. Hana
hafði lengi langað að flyta til baka
þangað, en fjölskyldan átti heima
í Svíþjóð þegar Katarína var lítil.
Hún fór að vinna á kaffihúsi þegar
hún kom til Svíþjóðar en fann fljótt
að hún saknaði þess að vinna með
höndunum.
Vildi vinna eitthvað
höndunum
„Á þessum tíma var ég á fullu að
koma mér upp andlega eftir að haf-
að klárað mig algerlega og hugsaði í
raun bara um að gera hluti sem létu
mér líða betur og byggðu mig upp.
Mig langaði alltaf að verða arkitekt
eða innanhússarkitekt eins og ég
talaði um þarna í viðtalinu við mig
í Skessuhorni 2018. En eftir nokkra
mánuði af því að vinna á kaffihúsi
og vinna í sjálfri mér fann ég hvað
ég saknaði tilfinningarinnar að hafa
eitthvað í höndunum sem ég gerði
sjálf frá grunni, og ferlisins frá því
að fá hugmynd, í að smíða hana sjálf
og að sjá þannig hvernig hugmynd-
in verður að veruleika,“ segir Kat-
arína. „Ég fór því að skoða allskon-
ar nám hérna í Svíþjóð sem tengd-
ist einhvers konar handavinnu og
rakst þá á þetta nám í silfursmíði í
Leksand.“
Húsgagnasmíðin hjálpar
En Katarína var ein af sex sem kom-
ust inn í námið og hóf hún nám í
silfursmíði í lýðháskóla í Dölunum
í Svíþjóð haustið 2019. „Skólinn er
staðsettur aðeins fyrir utan Leks-
and, úti í skógi við vatn, og um leið
og ég kom þangað féll ég alveg fyr-
ir umhverfinu og skólanum,“ seg-
ir Katarína og brosir. „Um leið og
námið byrjaði svo fann ég strax að
þetta væri það sem ég vildi gera og
vinna við. Á vissan hátt er þetta al-
veg líkt húsgangasmíðinni nema ég
er bara búin að skala aðeins niður
stærðina,“ segir Katarína og hlær.
„Ég finn alveg hvað það hjálpar
mér mikið að hafa lært húsgagna-
smíði fyrst, það er svo margt sem
ég lærði þar sem nýtist mér hérna,“
segir hún.
Skartið í sölu á Akranesi
Katarína hefur nú stofnað fyrirtæki
undir nafninu Katarína Stefáns-
dóttir Silfursmíði, og er hún farin
að selja silfurskart í gegnum netið
og í tveimur verslunum í Svíþjóð.
Þá ætlar Dýrfinna torfadóttir gull-
smiður að taka skartið hennar í sölu
í versluninni hjá sér við Merkigerði
18 á Akranesi frá og með morgun-
deginum, 3. september. Hægt er að
finna Katarínu á Instagram undir
nafninu katarinastefansjewelry þar
sem hægt er að skoða þá skartgripi
sem hún gerir og panta. „Eins og er
tek ég bara pantanir í skilaboðum á
Instagram og Facebook. Á meðan
ég er ekki gersamlega að drukkna í
pöntunum finnst mér skemmtilegra
að hafa þetta í gegnum skilaboð þar
sem að þá eru samskiptin öll pers-
ónulegri. Kannski ef ég fer að selja
mikið meira verð ég að færa mig
yfir á sölusíðu,“ segir Katarína.
Að elska líkamann sinn
Eitt af því sem hún hefur gert tölu-
vert af eru falleg hálsmen með
kvenlíkamann, en hvaðan kemur sú
hugmynd? „Sko, ég gerði fyrst háls-
men með líkama af óléttri konu.
Sú hugmynd kom frá svona gifs-
formum sem konur gera stundum
af bumbunni sinni þegar þær verða
óléttar því mér þykir það svo fallegt
og ég vildi því gera mína útgáfu af
því. Svo fór ég að fá fyrirspurnir frá
konum sem spurðu hvort ég væri
líka að gera konu kroppa sem væru
ekki óléttir. Þá datt mér í hug að
gera línu af hálsmenum með mis-
munandi ófullkomnum konukropp-
um sem myndu þá verða áminn-
ing fyrir þann sem ber hálsmenið
að elska líkamann sinn alveg eins
og hann er. Að horfa í spegilinn og
telja upp allt sem er fallegt við lík-
amann sinn. Að sjá alla gallana sína
og elska þá því að það eru þeir sem
gera mann öðruvísi og áhugaverð-
an. Að elska líkamann sinn því að
hann segir þína sögu hvort sem að
það er að koma barni í heiminn,
koma þér í gegnum vanlíðan eða
erfiði eða hvað sem það er. Að þeg-
ar þú getur horft á þetta hálsmen
og hugsað; „vá hvað þetta háls-
men er fallegt“ þá getur þú horft
á þig og líkamann þinn og hugsað:
„Vá hvað þessi líkami er fallegur.“
Ég gerði þrjá mismunandi líkama
þannig að allir gætu séð einhvern
hluta af sjálfri sér í einhverjum af
þeim,“ segir Katarína.
Draumur að vera með
búð og verkstæði
Skartgripirnir hennar Katarínu eru
allir úr silfri og lausir við nikkel.
En ætlar hún að vinna með gull-
ið í framtíðinni? „Mig langar að
halda áfram í námi og verða gull-
smiður. Ég er að fara sem lærlingur
í nokkurs konar starfsnám til gull-
smiða í haust, fer fyrst til Stokk-
hólms og verð hjá einum gull-
smið í allavega tvær vikur. Svo er
ég að fara að tala við tvo gullsmiði
í Norrköping í næstu viku sem eru
vonandi tilbúnir að taka á móti mér
seinna í haust. Við fáum stundum
gestakennara í skólann og er þetta
í rauninni bara eins og að fá gesta-
kennara nema að ég sæki um að
fá að fara til ákveðinna gullsmiða
sem ég vil fara til. Þar sem ég verð
þá eini nemandinn læri ég miklu
meira en ef þau myndu koma og
kenna öllum bekknum,“ segir Kat-
arína og bætir við að hún stefni á
að læra gullsmíðina sem lærlingur.
„Eins og staðan er í dag hallast ég
meira að því að læra gullsmíðina í
gegnum að vera lærlingur hjá ein-
hverjum gullsmiði frekar en að fara
í háskólanám, en þú gætir spurt mig
á morgun og ég búin að breyta um
svar,“ segir Katarína og hlær. „Ef
ég fer í skóla snýst námið meira
um að leika á línunni milli lista-
verks og skartgrips, að gera lista-
verk sem er hægt er að bera. Akkúr-
at núna langar mig mikið meira að
gera svona hversdagslegra skart og
ef ég verð lærlingur hjá gullsmiði
myndi ég gera það,“ útskýrir hún.
„Draumurinn minn er að vera með
búð og verkstæði þar sem ég get
gert og selt skartið mitt og einn-
ig verið með gallerí þar sem ég get
sýnt verk eftir mig eins og málverk
og önnur listaverk,“ bætir hún við.
En er hún alveg hætt að smíða hús-
gögn? „Nei, ekki alveg. Kærastinn
minn á heima hér nálægt skólanum
og fjölskyldan hans er með tréverk-
stæði þangað sem ég fer stundum
til að leika mér. Við framleiddum
til dæmis nokkur húsgögn í sumar.
Það er svo gaman að komast í við-
inn líka, sérstaklega þegar maður er
búinn að vinna lengi með málma.
Bæði efnin eru svo skemmtileg að
vinna með og langar mig mikið að
gera skart í framtíðinni þar sem að
ég nota báða þessa efniviði,“ segir
Katarína Stefánsdóttir að endingu.
arg/ Ljósm. úr einkasafni
Katarína framleiðir og selur fallegt og sérstakt silfurskart
Skartgripirnir frá Katarínu verða til
sölu hjá Dýrfinnu við Merkigerði á
Akranesi frá og með morgundeginum.
Katarína á verkstæðinu.
Katarína gerir falleg silfurhálsmen með ólíkum konukroppum.
Skemmtilegir eyrnalokkar sem
Katarína gerir.
Hringur.
Katarína í folkdräkt, sem er sænskur búningur fyrir bæinn Rättviks, þaðan sem
kærastinn hennar kemur.
Hálsmen með bókstaf.