Skessuhorn - 04.11.2020, Blaðsíða 17

MIÐVIKUDAGUR 4. NóVeMBeR 2020 17
Starf innheimtufulltrúa/gjaldkera
Stjórnsýslu- og fjármálasvið
Akraneskaupstaðar auglýsir laust til
umsóknar starf innheimtufulltrúa/
gjaldkera. Um er að ræða 100%
framtíðarstarf.
Helstu verkefni og ábyrgð
Álagning og upplýsingagjöf vegna •
fasteignagjalda
Samskipti við innheimtuþjónustu vegna •
innheimtumála
Eftirfylgni innheimtumála•
Samningagerð við skuldunauta•
Reikningagerð og bókun innborgana•
Almenn gjaldkerastörf og uppgjör sjóða•
Samskipti við forstöðumenn og •
viðskiptavini

Menntunar- og hæfniskröfur
Stúdentspróf auk viðbótarmenntunar •
(diplómanám á háskólastigi) og/eða
mjög mikil reynsla í starfi
Hæfni í mannlegum •
samskiptum, rík
þjónustulund og
sjálfstæð vinnubrögð
Skipulagshæfni •
og nákvæmni í
vinnubrögðum
Frumkvæði og metnaður •
til að ná árangri í starfi
Þekking og reynsla •
af bókhaldskerfinu
Microsoft Dynamics
NAVISION er kostur
Færni í upplýsingatækni •
er kostur
Þekking og reynsla á •
opinberri stjórnsýslu er
kostur
Nánari upplýsingar ásamt
umsóknareyðublaði má
finna á www.akranes.is/lausstorf.
Umsóknarfrestur er til og með
15. nóvember nk.
Akraneskaupstaður er ört vaxandi bæjarfélag með rúmlega 7500 íbúa. Mikil
áhersla er lögð á góða þjónustu við bæjarbúa og fagleg vinnubrögð í stjórnsýsl-
unni. Einkunnarorð sveitarfélagsins eru jákvæði, metnaður og víðsýni.
SK
ES
SU
H
O
R
N
2
02
0
Þau Sindri Leví Ingason og Ame-
lija Prizginaite eru tvítug að aldri
og koma frá Akranesi. Þau hafa frá
því í maí á síðasta ári verið að hanna
í sameiningu skemmtilegt borðspil
sem heitir Reckless Sloths, eða gá-
lausu letidýrin. „Ég hef alltaf haft
gaman af spilum og mig hefur allt-
af langað að hanna og búa til spil.
Ég var alltaf að búa til einhver spil
þegar ég var krakki en svo fór ég að
spila körfubolta og þetta gleymdist
eiginlega bara. Þegar ég svo kynnt-
ist Ameliju fyrir þremur árum sagði
ég henni frá þessum draumi mín-
um. eftir að hafa talað um þetta við
hana frekar mikið í svona ár sagði
hún að ég þyrfti bara að gera þetta
núna því annars myndi ég aldrei
koma því í verk,“ segir Sindri í sam-
tali við Skessuhorn. „Við ákváðum
eiginlega strax að við vildum hafa
spilið um letidýr, við elskum þau
því þau eru svo krúttleg,“ segir
hann. „Í maí í fyrra fórum við bara
á fullt að plana þetta. Ég var svo
í vinnunni þegar hugmyndin
kviknaði um að láta spilið snú-
ast um að bjarga letidýrum
í hættu. Þá fórum við að
finna upp allar hætturn-
ar sem við gætum notað,
eins og að láta dýrin vera
föst undir risa pönnuköku,
kramin af núðlu eða vera
umkringd maís og ýmislegt
svona skemmtilegt,“ segir
Sindri.
Bjarga letidýrum
„Við ákváðum að þar sem
þetta er fyrsta spilið okkar að
hafa það frekar einfalt,“ seg-
ir Sindri. Spilið geta tveir til
fimm spilað saman og tekur um
20-25 mínútur að komast í gegnum
það. Spilið samanstendur af þrenns
konar spilabunkum, einum bunka
með ýmsum gerðum af
le t idýr-
um, öðrum bunka með allskonar
hættum sem letidýrin gætu lent í
og svo er þriðji bunkinn spilin sjálf
sem leikmenn hafa á hendi en í þeim
bunka eru ýmsar leiðir til að bjarga
letidýrunum, gera andstæðing-
unum erfitt fyrir eða
spil sem veita spil-
aranum smá auka
aðstoð. Spilunum
með leitdýrunum
er raðað á svokall-
að hættusvæði
og er hvert leti-
dýr parað við
ákveðna hættu
úr bunkanum
með hættu-
spilunum. Spilin sem leikmenn
halda á eru svo notuð til að bjarga
letidýrunum og sá vinnur sem er
fyrstur að bjarga fimm letidýrum.
Fjáröflun fyrir
útgáfu spilsins
Nú stendur yfir fjáröflun fyrir
prentun á spilinu á vefsíðunni kick-
starter.com. „Það er mikil áhætta
að áætla hversu mörg spil þarf að
prenta án þess að vita neitt hversu
margir vilja kaupa það. Þess vegna
ákváðum við að setja þetta inn á
Kickstarter, þá sjáum við nokkurn
vegin hversu margir vilja kaupa spil-
ið. Við þurfum að safna fyrir að lág-
marki 10.000 dollurum til að spilið
fari í prentun og við erum búin að
því svo spilið mun koma út,“ seg-
ir Sindri. Hægt er að fara á vefsíð-
una kickstarter.com og styrkja þau
Sindra og Ameliju í spilaútgáfunni
með frjálsum framlögum. „Þeir
sem styrkja um 18 dollara fá eintak
af spilinu þegar það kemur út og
svo er hægt að bæta við þá upphæð
og fá þá aukahluti eins og bangsa,
boli eða stækkanir á spilinu,“ seg-
ir Sindri. Aðspurður segist hann
vona að spilið komi í hendur þeirra
sem styrkja þau í maí á næsta ári og
fljótlega þar á eftir fari það í versl-
anir á Íslandi. „Þeir sem styrkja
okkur í gegnum Kickstarter fá spil-
ið fyrst og líka ódýrara en aðrir,“
segir Sindri.
arg/ Ljósm. aðsendar
Ungt fólk af Skaganum framleiðir borðspil
Í spilinu lenda letidýr í ýmsum hættum
sem spilarar eiga að reyna að bjarga
þeim frá en sem dæmi geta letidýrin
lent í að vera kramin af núðlum.
Sindri Leví Ingason og Amelija Prizginaite gefa út nýtt borðspil.
Spilið hefur
fengið
nafnið
Reckless
Sloths, eða
gálausu letidýrin.
Letidýrunum er raðað á hættusvæði og þau pöruð við hættur en spilarar fá spil
sem hjálpa þeim að bjarga dýrunum.