Skessuhorn - 04.11.2020, Blaðsíða 24

MIÐVIKUDAGUR 4. NóVeMBeR 202024
Fréttaveita Vesturlands
www.skessuhorn.is
Vörur og þjónusta
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
H P Pípulagnir ehf.
Alhliða pípulagnaþjónusta
Hilmir 820-3722
Páll 699-4067
hppipulagnir@gmail.com
SK
ES
SU
H
O
R
N
2
01
8
Fyrir alla vigtun
Húsarafmagn
Töflusmíði
Iðnaðarrafmagn
Bátarafmagn
Bílarafmagn
RAFMAGN
vogir@vogir.is Sími 433-2202
VOGIR
Bílavogir
Kranavogir
Skeifuvogir
Pallvogir
Aflestrarhausar
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
• Bílasprautun • Bílaréttingar • Framrúðuskipti
BÍLASPRAUTUN VESTURLANDS
S: 860-0708 • Smiðjuvellir 7, Akranesi • bv.sprautun@gmail.com
Vinnum fyrir öll tryggingafélög
Pennagrein
Í síðustu grein minni fjallaði ég um
óhóflegar framúrkeyrslur vegna
hönnunar á lóðum sem fóru langt
fram úr öllum þekktum fram-
úrkeyrslu stærðum í hinu fræga
Braggamáli í Reykjavík. eftir að hafa
fengið ábendingar um það þá finn
ég mig knúinn til þess að leiðrétta
þá rangfærslu hjá mér í þeirri grein
að á Kleppjárnsreykjum hefði verið
um að ræða hönnun lóðar fyrir bæði
leik- og grunnskólann, en ekki ein-
göngu leikskólann, eins og ég skrif-
aði. Þetta kemur fram í minnisblaði
um kostnað við hönnun lóða sem
lagt var fram á 540. fundi byggðar-
ráðs. Ég biðst forláts á þessu.
Nú er hins vegar komið svo að
ekki verður lengur setið hjá án þess
að reifa annað mál sem er ennþá
stærra í upphæðum. er þetta mál
enn frekari staðfesting þess efnis að
meirihlutinn í Borgarbyggð ræð-
ur engan veginn við verkefni sitt.
Framúrkeyrslur á framúrkeyrslur
ofan allt á kostnað íbúa sveitar-
félagsins. Grundvallaratriðið er það
að meirihlutann skortir yfirsýn yfir
þau verkefni sem hann er að fram-
kvæma.
Hærra og hærra
og hærra
Málið sem farið verður ofan í hér
á eftir snýr að óhóflegum framúr-
keyrslum við viðbyggingu og end-
urbætur við Grunnskólann í Borg-
arnesi. Tekið skal fram að það var
fyrir löngu síðan orðið nauðsynlegt
að fara í þær framkvæmdir sem farið
var í við Grunnskólann í Borgarnesi.
Gagnrýnin snýr ekki að verkefninu
sjálfu heldur að stjórnun meirihlut-
ans. Til þess að rekja málið örlítið,
þá fór verkefnið af stað árið 2014,
en það var síðan samþykkt á fjár-
hagsáætlun haustið 2017 að fara af
stað í að byggja við skólann og gera
endurbætur á eldra húsnæði eftir að
kostnaðaráætlun vegna verkefnisins
lá fyrir. Í framkvæmdaáætlun sem
samþykkt var fyrir árið 2018 kom
fram að fjárframlög til verkefnisins
væru samtals 560.000.000 kr. á ára-
bilinu 2018-2021. Inni í þessu var
viðbygging, endurbætur og hönn-
un. Tekið skal fram að þessar töl-
ur liggja fyrir eftir að kostnaðar-
mat verkefnisins var unnið af fag-
aðilum. Mikið vatn hefur runnið til
sjávar síðan þetta var samþykkt og
er staðan nú sú að kostnaðurinn er
1.242.676.193 kr.
Munurinn á þeim tölum sem
lagt var af stað með eru litlar
682.676.193 kr. Þetta segir okkur
að kostnaðurinn sem er kominn
umfram upphaflegt kostnaðarmat
er hærri heldur en upphaflega áætl-
unin. ef skoðað væri prósentuhlut-
fall frá upphaflegri áætlun er um að
ræða 222% hærri upphæð en í upp-
haflegri áætlun. Til samanburð-
ar þá má geta þess að heildar fast-
eignagjöld greidd til Borgarbyggð-
ar árið 2019 voru 521.931.000.
Þegar verkið hafði verið boðið út
var verktakakostnaður 754.431.023
kr. Sú tala er komin í 920.051.502
kr. Þar af eru rúmar 40 milljónir til-
komnar vegna meiri rakaskemmda
en gert var ráð fyrir. Síðan þá hef-
ur bæst við verkið 107.590.605 kr.
í auka- og viðbótarverk sem tengj-
ast þá ekki rakaskemmdunum og
163.523.351 kr. í hönnun, eftirlit
og annan kostnað. Alls eins og áður
hefur komið fram er verkið komið
í 1.242.676.193 kr. með verðbótum
samkvæmt upplýsingum frá bygg-
ingarnefnd grunnskólans. Þetta er
fyrir utan allan kostnað við lóða-
framkvæmdir. Sem verður betur
farið í síðar.
Mölbrotið verklag
ekki hefur farið mikið fyrir þess-
um kostnaðarhækkunum í um-
ræðunni enda gerist þetta hægt og
hljótt með viðaukum og hækkun-
um á kostnaðaráætlunum sem lít-
ið fer fyrir en fíllinn í herberginu
er verklagið og utan um haldið sem
er ekki fullnægjandi. Þegar kostn-
aður hækkar svona þarf meirihlut-
inn að axla ábyrgð í málinu. eftir
alla viðaukana og allar hækkanirn-
ar sem gerðar hafa verið jafnt og
þétt í gegnum ferlið, vegna þess
að enginn verkþáttur stóðst áætlun
átti heildarkostnaður að viðbættum
verðbótum að vera 1.073.470.540
kr. en endaði í 1.242.676.193 kr.
Sem eftir alla viðaukana og hækk-
anirnar er framúrkeyrsla upp á
169.205.653 kr.
Hvað kostar þetta bíó
þína fjölskyldu?
Þegar þessi framúrkeyrslu kostnað-
ur er skoðaður á íbúa kemur margt
áhugavert fram. ef miðað er við
íbúafjölda 1. janúar 2020 þá hef-
ur framúrkeyrslan frá upphaflegri
fjárhagsáætlun ársins 2018 kostað
hvern íbúa 177.226 kr. og ef skoð-
að er hvað framúrkeyrslan frá síð-
ustu uppreiknuðu áætlun verks-
ins, eftir alla viðaukana og hækk-
anir áætlana, þá kostar hún hvern
íbúa 43.927 kr. Þetta hefur semsagt
kostað mína fjölskyldu sem telur
fimm manns 886.132 kr. miðað við
fyrstu áætlun en 219.634 kr. miðað
við seinustu áætlun. Þetta eru dýr-
ir bitar. Sérstaklega ef við bætum
við 35.045 kr. sem lóðahönnunar-
bíóið sem ég fjallaði um í síðustu
grein minni hefur kostað fjölskyldu
mína. Þessar tölur er til marks um
það að meirihlutinn í Borgarbyggð
er ekki fær um að framkvæma og
væri best að þau myndi láta vera að
fara í fleiri framkvæmdir svo íbú-
arnir muni ekki lenda í skattaánauð
næstu áratugina. Þetta er falleink-
un fyrir stjórnun Borgarbyggðar og
það sem er dapurlegt er að þetta er
ekki fyrsta falleinkunin sem meiri-
hlutinn fær en ekkert breytist. eng-
inn tekur ábyrgð á málum og eng-
inn kjörinn fulltrúi virðist ætla að
axla ábyrgð á klúðrinu.
Davíð Sigurðsson
Höf. er sveitarstjórnarfulltrúi
Framsóknarflokksins í Borgarbyggð.
Bruninn í Fjöliðjunni á Akranesi í maí
á síðasta ári varð öllum íbúum bæjarins
mikið áfall ekki síst þeim er þangað sóttu
sína vinnu. Þar sem skemmdir af völdum
brunans urðu miklar varð strax ljóst að
grípa yrði skjótt til bráðabirgðaráðstaf-
ana svo tryggja mætti hið gefandi starf er
þar fer fram. Það tókst þegar samningar
náðust um leigu á öðru húsnæði til starf-
seminnar. Þar með tókst einnig að skapa
bæjarstjórn nauðsynlegt andrými til þess
að ákveða hvernig haga skyldi uppbygg-
ingunni.
Þrátt fyrir að hús Fjöliðjunnar hafi á
sínum tíma verið sérhannað til starfsem-
innar sem hófst 1989, hafa þarfir og að-
stæður breyst umtalsvert á þeim 30 árum
sem síðan eru liðin. Að auki hafði kom-
ið upp mygluvandamál í húsnæðinu sem
ekki hafði verið komist fyrir. eldsvoðinn
og önnur ógn við þennan vinnu- og hæf-
ingarstað skapaði hins vegar tækifæri til
þess að rýna alla þætti starfseminnar og
móta uppbygginguna að þörfum nú-
tímans og lengri framtíðar.
Fyrsta skref bæjarstjórnar var loks-
ins tekið í upphafi árs 2020, þegar hún
tók einróma ákvörðun um að starfsem-
in yrði áfram á lóðinni að Dalbraut 10.
Í kjölfarið var settur á fót starfshópur er
skila myndi mögulegum sviðsmyndum
um uppbyggingu á svæðinu. Segja má að
mikill hvalreki hafi rekið á fjörur starfs-
hópsins í vinnuferlinu þegar samningar
náðust á milli Akraneskaupstaðar og N1
um framtíðarlóð undir starfsemi fyrirtæk-
isins. Um leið losnuðu lóðir fyrirtækisins
við Dalbraut og Þjóðbraut. Starfshópur-
inn hafði því í raun úr mun stærra svæði
að spila en í upphafi starfs síns. Skyndi-
lega skapaðist rými til þess að hýsa ýmsa
tengda starfsemi Fjöliðjunnar eins og dó-
samóttöku og Búkollu nytjamarkaðs.
Þegar starfshópurinn skilaði sviðs-
myndum sínum á dögunum urðu það
okkur Sjálfstæðisfólki talsverð vonbrigði
hversu lítt hópurinn virðist hafa farið yfir
þessar breyttu forsendur á svæðinu. ef
það hefur ekki verið hlutverk þessa starfs-
hóps þá klárlega verkefni kjörinna full-
trúa. Helsta tillaga hópsins var sú að rúst-
ir fyrra húss yrðu endurbyggðar og við
það skeytt nýbyggingu samkvæmt teikn-
ingu frá árinu 2007 og að opnað yrði á
þann möguleika að flytja starfsemi Bú-
kollu í hjólbarðaverkstæðið við Dalbraut.
Hugmyndir starfshópsins voru lagðar
fyrir nýskipað notendaráð um málefni
fatlaðra á Akranesi sem hefur það hlutverk
að vera bæjarstjórn til ráðgjafar í málum
sem þessum. Notendaráðið var einróma
í þeirri umsögn sinni að mæla eindregið
með því að starfshópurinn skoðaði betur
þau tækifæri sem fólgin væru í breyting-
um á byggingarreit Fjöliðjunnar og sam-
eina þá starfsemi sem áður er nefnd í nýju
húsnæði fjöliðjunnar.
Það kom okkur því satt best að segja
verulega á óvart að fulltrúar Samfylkingar
og Framsóknar með frjálsum í bæjarráði
skyldu þrátt fyrir þessa skoðun notenda-
ráðs ekki vera tilbúnir til þess að vinna
málið betur. Lögðu bæjarfulltrúarnir
til að brunarústirnar yrðu endurbyggð-
ar og við þær skeytt húsi samkvæmt 14
ára gömlum teikningum. Rök bæjarfull-
trúa Samfylkingar og Framsóknar með
frjálsum eru helst þau að aðstaða Fjöl-
iðjunnar í dag sé óviðunandi og því skuli
velja þá tillögu sem skemmstan tíma taki
að vinna úr.
Bæjarfulltrúar Sjálfstæðisflokksins
eru ósammála þessari skammsýni bæjar-
fulltrúa meirihlutans líkt og bókað var í
bæjarráði. Við viljum rífa hið brunna hús
sem er barn síns tíma og uppræta þann-
ig mygluvandamál sem dæmin sanna að
örðugt er að losna við. Við óttumst að
með þessum fyrirhugaða bútasaumi sé
meirihlutinn að kasta krónunni fyrir aur-
inn þegar upp verður staðið.
Bæjarfulltrúar Sjálfstæðisflokksins
vilja horfa til framtíðar. Það felur í sér
að hanna og byggja nýja Fjöliðju í hús-
næði sem mætir öllum nútímakröfum
sem gerðar eru til starfseminnar, mæt-
ir þörfum starfsmanna og væntingum
skjólstæðinga nú og til lengri framtíðar.
Þar má hvorki ímyndaður þröngur tíma-
rammi né skammtímahugsun fá að ráða
för. Tækifærið er til staðar. Vilji er allt
sem þarf. Hann verður bæjarstjórn að
hafa.
Rakel Óskarsdóttir
Sandra Margrét Sigurjónsdóttir
Einar Brandsson
Ólafur Adolfsson
Pennagrein
Stjórnleysi í
framkvæmdum
Gullið tækifæri mætir
viljaleysi meirihlutans