Ægir - 2019, Síða 19

19
svo er Rut Jónsdóttir hjá Hampiðjunni
með þann þriðja. Módelgerðin er hjá
Veiðafæraþjónustu. Annars eru nemend-
ur á námssamningi hver hjá sínu verk-
stæði auk náms við skólann. Hörður seg-
ir að raunfærnimatið hafi hjálpað mörg-
um og aukið áhuga á því að ljúka sveins-
prófi. Það komi til góða þeim sem ekki
voru tilbúnir í skóla þegar þeir voru
yngri en hafi ýmist verið á sjó eða unnið
á netaverkstæðum.
Aldur netagerðarmanna
ískyggilega hár
„Ég vil ekki segja að þetta sé deyjandi
stétt en meðalaldur lærðra netagerðar-
manna er orðinn ískyggilega hár. Nú eru
nemendur að týnast inn á ný en það
þarf að ýta undir yngra fólkið í þessum
efnum. Stefna stjórnvalda hefur ekki
verið sú heldur er öllum stýrt inn í
menntaskóla og síðan háskóla. Iðn-
menntunin hefur því setið á hakanum.
Hvað varðar netagerðina hefur orðið
samþjöppun í útgerðinni og sömuleiðis á
verkstæðunum. Við höfum verið með
sama mannskapinn frá því við byrjuðum
þar til í fyrra eða hitteðfyrra. Þá fóru
menn að hætta vegna aldurs og þá stóð-
um við fram fyrir því að þurfa nýjan
mannskap. Fá yngri menn til að koma
inn í fagið en það virðist ekki vera
hlaupið að því. Við keppum ekki við sjó-
menn í launum en erum á svipuðu róli
og aðrar iðngreinar í launum að mestu
leyti held ég,“ segir Hörður Jónsson hjá
Veiðarfæraþjónustunni í Grindavík.
Ekki bara fyrir karlmenn
Hörður segir netagerðina hafa verið
svolítið karllæga stétt en það þurfi hún
alls ekki að vera. „Erlendis eru til dæmis
mjög margar konur í þessari grein og
standa sig mjög vel. Þess vegna þarf að
kynna þetta nám fyrir konum líka. Þetta
er þægileg vinna sem að mestu leyti er
unnin inni, þrifaleg vinna við góðar að-
stæður. Við þurfum að kynna þetta á
þann hátt að það veki áhuga hjá yngra
fólki. Þar má til dæmis nefna að það er
heilmikil tölvuvinna í hönnun veiðar-
færa,“ segir Hörður Jónsson.
Veiðarfæri
■ Verklega námið fer fram á netaverkstæðum víða um land, meðal annars í
Hampiðjunni þar sem þessi mynd er tekin.