Ægir - 2019, Page 33

33
Atvinnuvega- og nýsköpunar-
ráðuneytið hefur birt drög að
reglugerð um tímabundnar lok-
anir á veiðisvæðum á grunn-
slóð við Ísland til umsagnar.
Samkvæmt reglugerðinni er
lagt til að 16 veiðisvæðum
verði lokað tímabundið til
tveggja til þriggja ára.
Starfshópur um faglega
endurskoðun á regluverki
varðandi notkun veiðarfæra,
veiðisvæði og verndunarsvæði
á Íslandsmiðum skilaði skýrslu
til ráðherra í september 2018. Í
skýrslunni voru m.a. lagðar til
breytingar á framkvæmd lok-
ana veiðisvæða. Á undanförn-
um árum hefur skyndilokunum
á djúpslóð fækkað, en fjölgað á
grunnslóð. Með öðrum orðum
hafa skyndilokanir færst af
hefðbundnum veiðisvæðum
togaraflotans inn á grunnslóð-
ina, þar sem hluti línubátanna
en þó sérstaklega handfæra-
bátarnir stunda veiðar. Starfs-
hópurinn lagði til að tilteknum
svæðum, þar sem mest væri
um skyndilokanir eða smáfisk,
yrði lokað með reglugerð. Í
þeim drögum sem nú eru kynnt
er lagt til að 16 svæðum verði
lokað tímabundið til tveggja til
þriggja ára. Af þessum 16
svæðum eru 9 svæði ný og þar
er lagt til að lokunin gildi hluta
úr ári, en á 7 svæðum eru
reglugerðir nú þegar í gildi og
þar eru 5 svæði lokuð hluta úr
ári en 2 svæði lokuð allt árið.
Tillögurnar voru unnar í
samráði og samstarfi við Haf-
rannsóknastofnun, Fiskistofu,
Landsamband smábátaeigenda,
Samtök fyrirtækja í sjávarút-
vegi og Samtök smærri út-
gerða. Í hluta draganna er far-
ið alfarið eftir tillögum heima-
manna en hluti draganna
byggist á sögu skyndilokana og
öðrum gögnum þar sem engar
tillögur frá heimamönnum bár-
ust eða samstarfsvilji þeirra
var lítill.
Samhliða er lagt til að við-
miðunarmörkum vegna lokana
veiðisvæða verði breytt sam-
kvæmt tillögu Hafrannsókna-
stofnunar. Viðmiðunarmörk
fyrir þorsk, ýsu og ufsa verði
50% af fjölda, í stað 25% í
þorski og 30% í ýsu og ufsa, en
lengdarmörk verði óbreytt (55
cm í þorski og ufsa og 45 cm í
ýsu).
Hert á svæðalokunum vegna smáfisks
■ Mörg þeirra16 veiðisvæða sem lokað verður tímabundið á grunnslóðinni samkvæmt reglugerðardrögunum eru ný og lagt
til að lokunin gildi hluta úr ári.
Fréttir