Ægir - 2020, Side 30

30
Hefur makríllinn étið
humarlirfurnar?
Humarveiðar hafa hrunið á undaförnum
árum en tveir bátar Ramma stunda slík-
ar veiðar. „Þetta er mikið áhyggjuefni,“
segir Ólafur. „Nýliðun hefur nánast eng-
in verið frá árinu 2005 og verst er að vita
ekki skýringuna á því. Hún liggur ekki í
augum uppi. Alla vega virðast vísinda-
mennirnir ekki hafa skýringar á reiðum
höndum. Kannski sjáum við einhverja
breytingu núna þegar makríllinn er
hættur að ganga hérna vestur með land-
inu. Það mætti alveg gruna hann um að
hafa spillt fyrir ungviði humarsins.
Kannski hefur hann verið að éta upp
humarlirfurnar á sumrin. Maður veit það
ekki. En þetta passar nokkuð saman;
þegar makríllinn fór að ganga vestur eft-
ir hrundi nýliðunin. Þetta er bara ágisk-
un því öll venjuleg skilyrði fyrir nýliðun
ættu að vera fyrir hendi og útbreiðslu-
svæðið hefur stækkað. Því ættu skilyrðin
að vera kjörin fyrir nýliðun humarsins.
En humarinn er svo sem ekki eini stofn-
inn sem þetta á við um. Við sjáum þetta í
skrápflúru og einhverjum kolategundum,
skötusel og sjófugli. Það er einhver
breyting þarna sem mönnum gengur illa
að finna skýringar á.“
■ Rammi rekur rækjuvinnslu á Siglufirði en eftirspurn eftir rækju hefur hrein-
lega hrunið á þessu ári.
Lítið selst af
rækjunni
„Það hefur nánast ekkert selst af
rækju allt þetta ár. Hún virðist
vera afurð sem fólk er ekki að
kaupa í svona ástandi. Rækjan er
frekar dýr afurð, sem notið hefur
mikilla vinsælda sem forréttur á
veitingastöðum sem rækjukokteill
en nú fer fólk lítið út að borða á
Bretlandseyjum til dæmis. Neysla
á rækju virðist hafa minnkað
meira en framboðið en mikið fram-
boð er til dæmis af heitsjávarrækju
og svo er rækjukokteillinn senni-
lega ekki eins sjálfsagður forréttur
og áður. Nýjust fréttir af faraldr-
inum bæði hér heima og í helstu
markaðslöndum sýna að útlitið er
alls ekki gott og því getur haustið
orðið okkur mjög erfitt.“