Ægir - 2020, Qupperneq 31

31
Hagsmunagæsla innanlands
og erlendis
Ólafur tók við formennsku í Samtökum
fyrirtækja í sjávarútveg í vor. Hann
vann Ægi Pál Friðbertsson, fram-
kvæmdastjóra Brims, í formannskosn-
ingu „á sjónarmun“. Ólafur segir að þó
mjótt hafi verið á munum þýði úrslitin
ekki að einhverjar tvær blokkir séu að
myndast innan SFS, enda sé Ægir Páll
varaformaður samtakanna. Það sé eng-
inn áherslumunur eða ágreiningur uppi.
„SFS er fyrst og fremst félag um
hagsmunagæslu og hún er mjög marg-
þætt. Hún er bæði á innlendum og er-
lendum vettvangi. Við eigum fiskistofna
með öðrum þjóðum sem við þurfum að
semja um nýtingu á og það hefur því
miður tekist misjafnlega. Þar leggjum við
okkar lóð á vogarskálarnar varðandi
upplýsingar og ýmislegt fleira til að
standa vörð um réttindi Íslands. Það er
verið að setja alls konar reglur á alþjóð-
legum vettvangi um hitt og þetta sem
varðar siglingar og skip. Við þurfum að
vera vakandi fyrir því hvernig þær eru
innleiddar á Íslandi.“
Hörð samkeppni á
afurðamörkuðum
Ólafur nefnir einnig að ná þurfi samn-
ingum við sjómenn og ýmis önnur verk-
efni séu á borðum stjórnar SFS.
„Þá eru starfsskilyrði útgerðar og
fiskvinnslu mikilvæg og þar verða menn
alltaf að hafa í huga alþjóðlega sam-
keppnishæfni sjávarútvegsins á Íslandi.
Við flytjum 98% afurða okkar á erlenda
markaði í samkeppni við aðrar þjóðir
sem sumar hverjar eru með ríkisstyrkt-
an sjávarútveg. Það er eitt af megin-
verkefnum SFS að koma því á framfæri á
réttan og greinargóðan hátt að við
stöndum í þessari samkeppni og ef okkar
skilyrði eru lakari heldur en keppinaut-
anna, þá lendum við undir. Þá tapa allir.“
■ Ólafur Helgi við líkan af frystitogara fyrirtækisins, Sólbergi ÓF. Hann segir það
hafa verið yfirvegaða og útreiknaða ákvörðun að láta smíða skipið.