Ægir - 2019, Qupperneq 46

46
Vel gengur hjá fjölskyldufyrirtækinu
Beiti í Vogunum. Búnaður til línu-
veiða hefur verið uppistaðan í fram-
leiðslu þess, fyrst hér innanlands, en
síðan hefur útflutningur tekið við. Nú
selur fyrirtækið slíkan búnað til Nor-
egs, Danmerkur og Kanada. Þá er haf-
in smíði og útflutningur á hrogna-
skiljum, en þær klæða hrognin „úr
buxunum“, hvort sem þau eru fersk
eða söltuð. Grískt fyrirtæki er til
dæmis að kaupa slíka vél fyrir söltuð
þorskhrogn. Eigendur Beitis eru Haf-
steinn Ólafsson og Þóra Bragadóttir.
Smíða vél til að hreinsa söltuð
hrogn
Nú er verið að senda vél til Grikklands
sem á að hreinsa söltuð þorskhrogn, sem
Grikkir hafa meðal annars keypt héðan
frá Íslandi . Vélin „klæðir hrognin úr bux-
unum“ eða þannig, hún aðskilur þau frá
himnunni, sem heldur hrognunum sam-
an . Einnig hafa hrognavélar verið seldar
til Noregs, en þar eru Norðmenn að
vakna til lífsins í betri nýtingu og verð-
meiri afurðum en áður . Norðmenn hafa
ýmist verið að selja hrognin fersk eða
fryst og eru að huga að því að fara að
salta þau eins og Íslendingar gera .
Smíða fyrir Stofnfisk
„Við tengjumst hrognabransanum hérna
heima líka á óbeinan hátt, það er að
segja í laxeldinu . Stofnfiskur er með eld-
isstöðvar á tveimur stöðum, á Kal-
mannstjörn og svo hérna í Vogunum
undir Stapanum . Þeir eru bara í því að
selja lifandi hrogn, en það fellur óhemju-
mikið af fiski til við hrognaframleiðslu
og honum þarf að slátra . Þeir eru að
ljúka við byggingu annars sláturhúss af
tveimur og við erum að smíða aðgerðar-
línurnar í þau,“ segir Hafsteinn .
Hafsteinn segir að markaðurinn hér
heima í línukerfum og öðrum búnaði fyr-
ir smærri báta hafi dregist mikið saman .
Samþjöppunin sé mikil í sjávarútvegin-
um og allt fari í hendurnar á þessum
stóru . Mjög margir af þessum minni bát-
um, sem voru bestu viðskiptavinirnir,
hafi dottið út og því verði að leita ann-
arra leiða, bæði innan lands og utan .
Það þurfi að finna einhver önnur egg til
að bæta í körfuna .
Stækka húsið um helming
„Við erum afar glöð með allt sem er að
gerast hjá okkur . Við vorum sex að
vinna við framleiðsluna í sumar og mikið
að gera . Svo vantar okkur menn fyrir
veturinn . Við vorum svo heppin að fá
mjög góða stráka út Vélskólanum í sum-
ar, sem eru að fara aftur í skólann í
haust . Við erum svo að fara að stækka
húsið um helming . Það er enginn bar-
lómur hér og við höldum ótrauð áfram
þó maður sé farinn að eldast .
Allt smíðað á staðnum
Hjá Beiti er allt smíðað á staðnum og
ekkert sent frá þeim nema fullgert . Þau
hafa þó þurft að kaupa þjónustu við
laser skurð hjá Geislatækni í Garðabæ .
„Sonur okkar teiknar þá hluti sem við
þurfum og þeir skera fyrir okkur . Við
setjum svo allt saman hér og það er af-
skaplega gaman að vinna úr efni, sem er
skorið svona .“
Auk þess að smíða línukerfin er Beitir
að framleiða vinnslubúnað af ýmsu tagi
og fleira, spil fyrir netaveiðar og gildru-
veiðar og svokallaða kúlukarla sem
draga af netaspilunum . Þegar margir af
stóru línubátunum fóru á grálúðunet
smíðaði Beitir þónokkuð í þá, meðal ann-
ars í Önnu EA . Þangað fóru þrír kúlu-
karlar og mikið af varahlutum . „En það
er þetta línukerfi okkar sem er undir-
staðan,“ segir Hafsteinn Ólafsson .
beitir .is
Beitir selur línukerfi til Kanada
■ „Það er enginn barlómur hér, við höldum ótrauð áfram og erum að stækka
húsið um helming,“ segir Hafsteinn Ólafsson.
■ Línukerfin frá Beiti reynast vel og
eru komin í báta í Kanada, Noregi
og Danmörku auk Íslands.
■ Þessi merkilega vél „klæðir hrognin
úr buxunum“. Ein slík vél er á leið
til Grikklands.