Ægir - 2019, Blaðsíða 52

52
„Höfnin í Vestmannaeyjum er svo
sannarlega lífæð Eyjanna. Héðan er
mikill útflutningur og eitthvað er flutt
inn, en það eru helst olía, salt og
byggingavörur. Mikil uppbygging
stóru fiskvinnslustöðvana hér hefur
verið undanfarin ár og fylgja því auk-
in umsvif,“ segir Andrés Þ. Sigurðs-
son, hafnarstjóri í Vestmannaeyjum.
226 fragtskip á síðasta ári
En eins og áður sagði er mikill útflutn-
ingur frá höfninni og eru það einungis
fiskafurðir sem fluttar eru út . „Flutt
voru út 60 .000 tonn af ferskum og frosn-
um fiski, 25 .000 tonn af lýsi og fiskimjöli .
Alls voru komur fraktskipa 226 á síðasta
ári og erum við þá að tala um frystiskip,
„bulkskip“ sem taka fiskimjöl og gáma-
skip, en bæði Samskip og Eimskip hafa
hér viðkomu í viku hverri . Þá er Vest-
mannaeyjahöfn ein stærsta fiskihöfn
landsins en hér komu á land rúmlega
166 .000 tonn af fiski á síðasta ári . Tals-
verð fjölgun skemmtiferðaskipa hefur
verið undanfarin ár og höfðu um fimm-
tíu skip viðkomu í Vestmannaeyjum síð-
asta sumar og pantað hefur verið fyrir
70 komur næsta sumar og hefur þáttur
þeirra verið sífellt að stækka .“
Herjólfur dyrnar að samfélaginu
„Segja má að Herjólfur sé dyrnar að
samfélaginu hér en hann flutti um
350 .000 farþega og 75 .000 bíla milli lands
og Eyja á síðasta ári . Þegar allt er sam-
antekið er hægt að segja að höfnin hér
sé það sem skiptir okkur Eyjamenn hvað
mestu máli og er því viðhald hennar
mikið hagsmunamál okkar allra sem bú-
um hér . Árið 2014 var gámabryggjan
okkar endurnýjuð og til stendur að reka
niður nýtt þil í norðurhöfninni næsta
sumar . Höfnin hefur einnig verið að
bæta og endurnýja smábátaaðstöðuna
með nýjum steyptum flotbryggjum .
Draumurinn er svo að á næstunni verði
gerð betri aðstaða fyrir farþegaskipin,
því þar sem umferð þeirra er orðin mikil
yfir sumartímann er þetta aðeins farið
að stangast á við aðra starfsemi hafnar-
innar,“ segir Andrés Þ . Sigurðsson .
Mikið af fiski flutt utan
„Vöruflutningur frá Eyjum snýst bara
um fisk og fiskafurðir . Við sjáum ekki að
það sé neitt að breytast á næstunni, hér
í Eyjum mun lífið alltaf snúast um fisk . Í
bolfiskinum er stöðug vinnsla sem held-
ur húsunum gangandi á milli vertíða í
uppsjávarfiskinum . Það skiptir okkur
mestu máli að vel gangi í uppsjávarveið-
um og vinnslu . Það lifnar yfir öllu á
loðnuvertíð og makríl- og síldarvertíð-
um,“ segir Andrés .
Nú eru í Vestmannaeyjum stóru fisk-
vinnslufyrirtækin tvö og Leo Fresh, sem
er mest í útflutningi á frosnum og fersk-
um fiski . Annars er það frystur botnfisk-
ur, uppsjávarfiskur, fiskimjöl og lýsi, sem
mest fer af utan frá Eyjum .
Mjaldrar til sýnis í Klettsvík
„Það sem er svo að koma meira inn eru
túristarnir . Eins og kunnugt er hafa
tveir mjaldrar á vegum stórfyrirtækisins
Merlin Entertainment verið hér í Eyjum
frá því í júní sl . en þeir dvelja nú í laug
Þekkingarseturs Vestmannaeyja . Vorið
2020 verður þeim sleppt í sérhannaðar
kvíar í Klettsvíkinni þar sem Keikó
dvaldi hér um árið . Þetta verður mjög
flott hjá þeim og aðstaðan virkilega fín
og á ábyggilega eftir að draga að sér
mikið af ferðamönnum,“ segir Andrés
hafnarstjóri .
vestmannaeyjar
Höfnin svo sannarlega
lífæð Eyjanna
■ Andrés Þ. Sigurðsson, hafnarstjóri í Vestmannaeyjum, segir mikil mikil umsvif
vera í höfninni og gerir ráð fyrir fjölgun ferðamanna með tilkomu nýs Herjólfs.
■ Vestmannaeyjahöfn er ein stærsta fiskihöfn landsins en þar komu á land
rúmlega 166.000 tonn af fiski á síðasta ári.