Ægir - 2019, Page 54

54
„Nemendur sem hafa lært líftækni hér
við HA hafa mjög góðan grunn til
leysa ýmis verkefni í sjávarútvegi.
Sérstaklega hvað varðar bætta nýt-
ingu á hráefni, svo sem nýtingu auka-
afurða en einnig verkefni sem tengj-
ast greiningarvinnu t.d. greiningu
fiskitegunda og efna- og örverugrein-
ingum. Þá er líftæknin ágætis grunn-
ur fyrir gæðastjórnun í fyrirtækjum
þ.m.t. HACCP.“ segir Hjörleifur Einars-
son, prófessor við auðlindadeild Há-
skólans á Akureyri um þá þekkingu
sem líftæknimenntað fólk við skólann
geti nýtt sér til starfa í sjávarútvegi.
Líftæknin kemur sterkar inn
Hjörleifur segir að um og eftir 2000 hafi
verið ákveðið að fjölga námslínum við
sjávarútvegsdeild HA og auka náms-
framboðið . Á sama tíma var nafni deild-
arinnar breytt í auðlindadeild . Ætlunin
var að þessar nýju námslínur, líftækni,
fiskeldi og umhverfisfræði, byggðu á
sömu hugmynd og sjávarútvegsfræðin
þ .e .a .s . raun-, rekstrar- og sérgreinum .
„Ein af sérgreinum líftækninnar var
sjávarlíftækni sem á vissan hátt tengir
þessar greinar mjög vel . Í áranna rás
hafa áherslur í líftækni breyst þannig að
meiri áhersla er nú á raungreinar og
minni á rekstur og stjórnun . Í ljósi áhuga
nemenda geta þeir nú valið námskeið á
heilbrigðissviði en þeir sem áhuga hafa
geta valið rekstrargreinar þannig að um
visst frelsi er að ræða . Þá hafa mjög
margir af okkar nemendum farið í fram-
haldsnám, bæði meistaranám og dokt-
orsnám, hérlendis sem og erlendis . Okkar
tilfinning er að nemendur, sem klára
grunnnámið hér við HA, séu ánægðir og
með sterkan bakgrunn í framhaldsnám,“
segir Hjörleifur .

Þekking sem víða nýtist
Aðspurður um hvort eitthvað í þróun
sjávarútvegs hér á landi kalli í auknum
mæli á starfsfólk með þekkingu á líf-
tækni nefnir Hjörleifur síaukna áherslu á
bætta nýtingu, rekjanleikja, gæði og ör-
yggi, nýsköpun, leit að nýjum tegundum,
t .d . vinnslu á þangi, þara og smáþörung-
um, að ógleymdum vexti í fiskeldi .
„Fiskeldi þarf mikið fóður, t .d . sjávar-
olíur, sem hugsanlega má rækta með
smáþörungum og er að glíma við sníkju-
dýr og sjúkdóma sem þarf að greina og
finna lausn á . Hér kemur líftæknin sterk
inn . Nú er víða verið að þróa líftæknileg-
ar aðferðir til að gera fisk ófrjóan . Öll
þessi verkefni geta nýtt sér einstaklinga
með líftæknimenntun . Í víðara samhengi
má einnig benda á áherslur Íslands á
formennskuári sínu í Norrænu ráðherra-
nefndinni „Hafið – blár vöxtur í norðri“
þar sem líftækni getur gegnt lykilhlut-
verki,“ segir Hjörleifur .

Góðir starfsmöguleikar 
Við val á háskólanámi hafa nemendur
starfsmöguleika til hliðsjónar og segir
Hjörleifur að reynslan sýni að líftækni-
menntun sé eftirsótt í atvinnulífinu .
„Eftir því sem ég best veit hefur
gengið ágætlega fyrir okkar nemendur
að fá vinnu . Við eru núna að fara að
greina hvað okkar fyrrum nemendur
hafa farið að gera í framhaldi af sínu
námi hér við HA . Við eigum eldri könnun
sem sýndi að um einn þriðji fór í fram-
haldsnám, einn þriðji í vinnu á rann-
sóknastofum, í eftirliti og þess háttar og
einn þriðji var í öðrum störfum eins og
gengur og gerist .“
unak .is
Háskólinn á Akureyri
Líftæknimenntun skapar
tækifæri á vinnumarkaði
■ Hjörleifur Einarsson, prófessor við auðlindadeild Háskólans á Akureyri: Með námi í líftækni öðlast nemendur þekkingu sem
getur nýst þeim víða í atvinnulífinu, ekki síst í sjávarútvegi.