Ægir - 2019, Qupperneq 88

88
„Á síðustu árum hefur þróun innan
sjávarútvegsins verið hröð. Tækni-
framkvæmdir hafa leitt af sér örugg-
ara starfsumhverfi og betri nýtingu á
verðmætustu auðlind Íslendinga.
Verkís hefur tekið að sér fjölmörg
verkefni innan sjávarútvegsins sem
snúa að stjórnbúnaði og felast mörg
þeirra í nútímavæðingu skipaflotans.
Þjónusta okkar á þessu sviði er meðal
annars forritun, hönnun, ráðgjöf og
gerð rafmagnsteikninga,“ segir Þór-
ólfur Kristjánsson, rafmagnstækni-
fræðingur hjá Verkís verkfræðistofu.
Sjálfvirkar stýringar fyrir
rafstöðvar
Síðustu ár hefur Verkís meðal annars
séð um stór sjálfvirkniverkefni í fiski-
skipum og landvinnslu ásamt því að
forrita sjálfvirkar stýringar fyrir raf-
stöðvar . Hingað til hefur áhugi fyrir
síðarnefndu þjónustunni aðallega komið
frá viðskiptavinum á landi en Þórólfur
segist hafa fundið fyrir auknum áhuga
frá sjávarútveginum að undanförnu .
„Á landi eru rafstöðvar aðallega not-
aðar til að bregðast við ef rafmagni
slær út, á stöðum þar sem það getur
valdið tjóni eða stofnað heilsu og lífi
fólks í hættu . Stýringin skynjar þegar
rafmagnið fer af, grípur inn í og ræsir
rafstöðina til að útvega vararafmagn .
Því næst heldur stýringin réttum snún-
ingshraða á vélinni á meðan hún þarf
að vera í gangi, líkt og sjálfskiptingin
velur heppilegan gír í akstri eftir því
hvort ekið er upp eða niður brekku,“ út-
skýrir Þórólfur .
Á sjó eru rafstöðvar aftur á móti allt-
af í gangi, sjá til þess að orkuskilyrðum
sé fullnægt og streymi orku um skipið
sé viðhaldið . „Þannig sjá stýringarnar
til þess að vélin haldist á réttum hraða .
Jafnvel þó að hlutverk rafstöðvanna sé
mismunandi eftir því hvort þær eru á
landi eða sjó er búnaðurinn og hönnun
við stýringarnar ekki svo ólík,“ bætir
Þórólfur við .
Gott aðgengi að þekkingu
„Þegar við höfum lokið við að hanna og
forrita stýringar í rafstöðvar viljum við
helst að viðskiptavinurinn þurfi ekki
meira á okkur að halda, því það þýðir að
allt virkar sem skildi . En eins og við vit-
um öll getur alltaf eitthvað komið upp á .
Þá viljum við geta brugðist hratt og ör-
ugglega við og útvegað góðar og skil-
virkar lausnir,“ segir Þórólfur .
Hann segir að Verkís státi af breiðri
þekkingu og reynslu . „Hjá Verkís eru
sterkir rafbúnaðarhópar og meðal ann-
ars fyrrverandi vélstjórar til margra ára
á fiskiskipum sem geta aðstoðað við út-
tekt á vélbúnaði, innkaup og fleira . Við
erum líka dugleg að afla okkur meiri og
dýpri þekkingar,“ segir Þórólfur .
Þegar viðskiptavinir leita til Verkís
vegna ráðgjafar og hönnunar stýringa
fyrir rafstöðvar, á landi eða sjó, mæla
sérfræðingar fyrirtækisins með lausn og
búnaði sem hentar fyrir hana . Sérfræð-
ingar Verkís hafa forritað búnað frá
ýmsum framleiðendum en mæla oftast
með búnaði frá DEIF sem er hannaður
og framleiddur í Skive í Danmörku .
Til að mæta eftirspurn eftir þjónustu
hafa sérfræðingar Verkís því aflað sér
aukinnar þekkingar á búnaði DEIF, með-
al annars með því að sækja námskeið í
höfuðstöðvum fyrirtækisins í Dan-
mörku . Þá hefur starfsfólk DEIF einnig
komið til Íslands og haldið námskeið hjá
Verkís . Þórólfur segir hann og aðrir sér-
fræðingar hjá Verkís hafi lagt sig fram
við að koma á beinum tengslum við sér-
fræðinga hjá DEIF og það hafi komið sér
vel fyrir viðskiptavini verkfræðistof-
unnar .
„Tækninni fleygir sífellt fram og það
er bæði spennandi og krefjandi . Við
fylgjumst grannt með nýjungum í
stjórnbúnaði og hlökkum til framtíðar-
innar,“ segir Þórólfur að lokum .
Verkís verður á bás A7 á sýningunni
Sjávarútvegur 2019 í Laugardalshöll 25 .-
27 . september 2019 .
verkis .is
Verkís verkfræðistofa
Leggja hönd á plóg við
nútímavæðingu skipaflotans
■ Þórólfur Kristjánsson, rafmagnstæknifræðingur hjá Verkís verkfræðistofu. „Við
fylgjumst grannt með nýjungum í stjórnbúnaði og hlökkum til framtíðarinnar.“