Morgunblaðið - 03.07.2020, Side 2

2 FRÉTTIRInnlent
MORGUNBLAÐIÐ FÖSTUDAGUR 3. JÚLÍ 2020
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Aron Þórður Albertsson
aronthordur@mbl.is
„Þróunarfélagið mun koma að ýms-
um atvinnutengdum verkefnum. Við
sjáum fyrir okkur uppbyggingu í
heilsutengdri þjónustu, hátækni,
ferðaþjónustu og sjávarútvegi svo
dæmi séu tekin,“ segir Sævar Freyr
Þráinsson, bæjarstjóri Akranes-
kaupstaðar. Vísar hann í máli sínu til
stofnunar þróunarfélags um
atvinnuuppbyggingu og nýsköpun á
Breið á Akranesi. Er verkefnið sam-
vinnuverkefni Akraneskaupstaðar
og Brims, en unnið hefur verið að
undirbúningi þess í talsverðan tíma.
Markmið verkefnisins er að efla
atvinnutækifæri, nýsköpun og skap-
andi greinar á svæðinu. Sömuleiðis
er gert ráð fyrir nýrri íbúðabyggð á
Breið. Ráðgera má að fjöldi starfa
kunni að skapast í tengslum við
verkefnið. Að sögn Sævars er
ómögulegt að segja til um hversu
mörg störf muni skapast. Þau geti
þó hlaupið á hundruðum. „Þetta
getur gerst hratt og hægt. Við verð-
um að sjá hvert þróunin leiðir okkur.
Við erum núna að leggja af stað með
stóran draum sem vonandi skilar
okkur einhverju mögnuðu í framtíð-
inni,“ segir Sævar.
Byggt verður upp rannsóknar- og
nýsköpunarsetur sem mun nýtast
sem aðstaða fyrir frumkvöðla. Að
verkefninu koma sautján fyrirtæki
og stofnanir, þar á meðal Skaginn
3X, Álklasinn og Háskóli Íslands.
„Þetta eru í það heila sautján aðilar
sem ætla að stuðla að uppbyggingu á
svæðinu. Hún mun m.a. fara fram í
hinu mikla húsi sem HB Grandi
hafði áður nýtt undir starfsemi sína.
Þarna verður ólíkum aðilum gefinn
kostur á að koma að rannsóknum og
nýsköpun,“ segir Sævar, sem kveðst
mjög bjartsýnn.
„Ég er mjög stoltur að Þórdís
Kolbrún ferðamálaráðherra skuli
gerast verndari verkefnisins. Við og
Brim leggjum síðan fjármagn í þetta
til að vegferðin geti orðið að veru-
leika,“ segir Sævar.
Leggja af stað í spennandi vegferð
Morgunblaðið/Eggert
Verkefni Þórdís Kolbrún R. Gylfadóttir ráðherra flutti ávarp við undirritun samkomulags um þróunarfélagið.
 Akraneskaupstaður og Brim stofna saman þróunarfélag  Markmiðið að efla atvinnutækifæri og
nýsköpun  Farið verður í mikla atvinnuuppbyggingu á Breið á Akranesi  Gæti skapað mörg störf
Jón Viðar Matthíasson, slökkviliðs-
stjóri á höfuðborgarsvæðinu, kom á
fund borgarráðs Reykjavíkur í gær til
að ræða brunann á Bræðraborgarstíg
í síðustu viku, þar sem þrír létu lífið. Í
samtali við Morgunblaðið segir hann
að fundurinn hafi fyrst og fremst ver-
ið til upplýsingar, en algengt sé að
slökkviliðið fundi með sveitarstjórn-
um í kjölfar bruna. Mikið hefur verið
rætt um aðbúnað íbúa hússins og þá
staðreynd að 73 einstaklingar höfðu
lögheimili í 192 fermetra íbúðareign,
þótt ekki hafi svo margir búið í hús-
inu.
„Ég fann ekki annað en góðan sam-
hljóm og að menn vildu setjast yfir
þetta heildstætt en ekki ráðast í búta-
saumsaðgerðir,“
segir Jón Viðar.
Hann segir að í
kjölfar brunans
hafi slökkviliðinu
borist fjöldi
ábendinga frá
fólki sem hafi
áhyggjur af því
húsnæði sem það
búi sjálft í. „Fólki
er brugðið og vill
skoða og rýna í brunavarnir,“ segir
Jón Viðar. Hann bendir á að slökkvi-
liðið bjóði upp á þjónustu við fjölbýlis-
hús eigendum að kostnaðarlausu.
Stundum sé svo umfangsmikilla úr-
bóta þó þörf að slökkviliðið ráðleggi
fólki að fá sér hönnuð, brunaverk-
fræðing eða arkitekt í málið.
Á fundinum lögðu borgarfulltrúar
Sjálfstæðisflokks fram tillögu um að
innri endurskoðun Reykjavíkurborg-
ar yrði falið að fara yfir afskipti eftir-
litsaðila borgarinnar, þ.m.t. heilbrigð-
iseftirlits, byggingarfulltrúa og
slökkviliðs vegna brunans, og koma
með tillögur til úrbóta. Afgreiðslu til-
lögunnar var frestað en í samtali við
Morgunblaðið segir Eyþór Arnalds,
oddviti sjálfstæðismanna, að hann
eigi ekki von á öðru en að hún verði
samþykkt. Allir átti sig á alvarleika
málsins og mikilvægi þess að fara yfir
hvað betur megi fara innan borgar-
kerfisins. alexander@mbl.is
Vilji til að ráðast í heild-
stæðar lausnir eftir bruna
 Margir haft samband við slökkvilið vegna eigin húsnæðis
Jón Viðar
Matthíasson
Veðrið lék við Eyjamenn þegar ljósmyndari Morgunblaðsins
var á ferðinni á fyrsta degi Goslokahátíðarinnar. Eyjamenn
minnast þess nú að 43 ár eru í dag liðin frá því Heimaeyj-
argosinu lauk. Sigurhanna Friðþórsdóttir er í goslokanefnd.
Hún segir að fjöldi viðburða sé fyrirhugaður alla helgina,
einkum menningarviðburðir og skemmtanir fyrir börn Vegna
ástandsins í samfélaginu var ákveðið að blása ekki til dans-
leiks á Skipasandi eins og fyrirhugað var, en hann hefur jafn-
an notið mikillar hylli meðal eldri bæjarbúa og brottfluttra.
Sigurhanna segir mikið um að brottfluttir Eyjamenn nýti
tækifærið og komi í eyjuna á Goslokahátíðinni, jafnvel í meiri
mæli en á Þjóðhátíðinni sjálfri.
Meðal viðburða í dag verður leiksýning Bakkabræðra fyrir
börn og Icelandair-mótið í golfi, en á sunnudag mun íþrótta-
félag fatlaðra standa fyrir stórskemmtilegum ratleik um eyj-
una.
Fjöldi viðburða fyrirhugaður í Vestmannaeyjum þegar 43 ár eru liðin frá goslokum
Líf og fjör á Goslokahátíð í Eyjum
Hátíð Íris Róbertsdóttir bæjarstjóri og Ómar Garðarsson.
Málverkasýning Viðar Breiðfjörð listmálari á sýningu sinni.
Morgunblaðið/Óskar Pétur
Stemning Margir nutu góða veðursins og sátu úti við nýja brugghús bæjarins, Brothers Brewery, á fyrsta degi Goslokahátíðar.