Morgunblaðið - 27.07.2020, Side 6

6 FRÉTTIRInnlent
MORGUNBLAÐIÐ MÁNUDAGUR 27. JÚLÍ 2020
Guðni Einarsson
gudni@mbl.is
Skipulagsstofnun telur að fyrirhug-
uð efnistaka í Efri-Staf í Seyðisfjarð-
arkaupstað sé ekki líkleg til að hafa í
för með sér umtalsverð umhverfis-
áhrif og skuli því ekki vera háð mati
á umhverfisáhrifum.
Fékk jákvæða umsögn
Framkvæmdin er háð fram-
kvæmdaleyfi Seyðisfjarðarkaup-
staðar. Aðalheiður Borgþórsdóttir
bæjarstjóri segir að framkvæmdin
hafi fengið jákvæða umsögn hjá
sveitarfélaginu. Reikna megi með
því að framkvæmdaleyfið verði gefið
út. Hún segir að ekki sé um marga
staði að ræða í firðinum þar sem
Seyðfirðingar geta náð í efni.
Efnistökusvæðið er í klapparholti
austan Stafdals í norðanverðum
Efri-Staf í Seyðisfirði. Ætlunin er að
taka þar um 45.000 rúmmetra af efni
á 9.000 fermetra svæði. Fast berg
verður losað með sprengingum einu
sinni til tvisvar á ári í 3-4 daga í senn.
Ætlunin er að nota efnið til bygging-
arframkvæmda og hafnargerðar.
Áætlaður vinnslutími er tíu ár.
Hefur helst áhrif á ásýndina
Að sögn framkvæmdaraðila verða
helstu áhrif framkvæmdarinnar á
ásýnd. Efnistökusvæðið sést frá
Seyðisfjarðarvegi en gera á mön við
suðurbrún námusvæðisins til að
draga úr neikvæðum áhrifum á
ásýnd og landslag. Þegar efnistöku
lýkur verður gengið frá svæðinu á
snyrtilegan hátt. Í greinargerð
framkvæmdaraðila kemur fram að
efnistökusvæðið sé rúmlega fjóra
kílómetra frá þéttbýlinu og í um 400
metra hæð. Ólíklegt þykir að hljóð-
mengun berist frá námavinnslunni
en gera má ráð fyrir því að íbúar
verði varir við það þegar sprengt
verður í námunni einu sinni til tvisv-
ar á ári.
Aðgát vegna vatnsbóls
Framkvæmdasvæðið er innan
grannsvæðis vatnsbóls Seyðisfjarð-
arkaupstaðar. Í greinargerð fram-
kvæmdaraðila kemur m.a. fram að
ákveðin mengunarhætta sé frá
vinnuvélum í námu og sprengivinnu.
sérstök aðgát verður höfð við alla
vélavinnu á svæðinu og verði óhapp
verður mengaður jarðvegur fluttur í
burtu. Þá verður sett olíuskilja á frá-
rennsli yfirborðsvatns.
Heilbrigðiseftirlit Austurlands
segir m.a. í umsögn sinni að afar
brýnt sé að vernda neysluvatn. Rík
áhersla sé á að vanda alla vinnu í
tengslum við fyrirhugaða efnistöku
og skuli vatnsverndarsjónarmið og
öryggi neysluvatns njóta vafans í öll-
um tilvikum.
Kæra má ákvörðun Skipulags-
stofnunar til úrskurðarnefndar um-
hverfis- og auðlindamála. Kæru-
frestur er til 24. ágúst 2020.
Ný náma ekki í
umhverfismat
 Efnistaka í Efri-Staf í Seyðisfirði
Mynd/skipulag.is
Efri-Stafur Nýja efnistökusvæðið sem um ræðir er merkt með gulum fer-
hyrningi á myndinni. Eldri náma er afmörkuð með grænum hring.
Landinn hefur að undanförnu ver-
ið sólginn í ís, en salan eykst jafn-
an þegar sólin skín. „Salan um
helgar í júlí er mikil. Aðrar helg-
ar á öðrum árstímum eru kannski
fjórðungur af því sem nú gerist,“
segir Valdimar Hafsteinsson,
framkvæmdastjóri Kjöríss. „Mik-
ilvægur þáttur í starfinu hér er að
fylgjast vel með veðurspám; fram-
leiðslan á þeim vörum sem hafa
minnst geymsluþol ræðst af veðri.
Og nú sýnist mér spáð góðu veðri
fram í vikuna, þótt brugðið geti til
beggja vona um verslunarmanna-
helgina.“
Íssala hefur gengið vonum
framar það sem af er ári, en
Pálmi Jónsson, framkvæmdastjóri
Emmessíss, sagði að íssala hefði
aukist töluvert á milli ára í viðtali
við Morgunblaðið í síðasta mán-
uði.
Hann sagði að mikil vitundar-
vakning hefði orðið hjá Íslend-
ingum um mikilvægi umhverfis-
vænna umbúða, en í byrjun síðasta
mánaðar var allur boxís hjá Emm-
essís kominn í pappaumbúðir. Morgunblaðið/Kristinn Magnússon
Íssalan er
aldrei meiri
en í sólríkum
júlímánuði
Ferðavilji þýskra ferðamanna hefur
aukist síðan ferðamenn frá landinu
hættu að þurfa að fara í skimun við
landamæri Íslands. Þetta segir Pét-
ur Óskarsson, framkvæmdastjóri
ferðaskrifstofunnar Viator, sem sér-
hæfir sig í ferðum frá Þýskalandi,
Austurríki og Sviss.
„Það breytti um leið miklu og
þessi ákvörðun gerir það að verkum
að við fáum færri afbókanir en við
hefðum gert,“ segir Pétur.
Hann segir að ekki hafi farið mik-
ið fyrir þeirri ákvörðun að gera
Þjóðverja undanskilda skimunum í
þýskum fjölmiðlum, en facebook-
hópar tileinkaðir ferðalögum til Ís-
lands hafi fjallað um málið og þeir
hafi haft góð áhrif.
Þjóðverjar pöntuðu tímanlega
„Varðandi nýbókanir, þá erum við
að fá nýbókanir inn í haustið – sept-
ember og október – en í sumar snýst
þetta í raun meira um að halda því
sem var komið þegar þetta skall á.“
Pétur segir að hvað Þýskalands-
markað varðar sé stærstur hluti
ferða bókaður með löngum fyrir-
vara, svo stór hluti bókana fyrir
sumarið hafi komið til áður en kór-
ónuveirufaraldurinn skall á.
Hallgrímur Lárusson, eigandi og
framkvæmdastjóri Snæland-
Grímsson, tekur undir að undan-
þágur á skimun hafi orðið til þess að
sumir hópar afbóki síður ferðir.
Stór hluti viðskiptavina Snælands
er frá Skandinavíu og Þýskalandi og
hefur Hallgrímur tekið eftir að fólk
er óhræddara við að ferðast þegar
það þarf ekki að fara í skimun.
„Maður fann að það var tregða hjá
fólki að fara í skimun. Það hafði svo
miklar áhyggjur af því hver niður-
staðan yrði og að það myndi tapa
ferðinni þegar það kæmi til lands-
ins.“ petur@mbl.is
Ferðavilji Þjóðverja eykst
 Þeir sem ekki þurfa að fara í skimun afbóka síður ferðir