Morgunblaðið - 29.07.2020, Síða 11

FRÉTTIR 11Erlent
MORGUNBLAÐIÐ MIÐVIKUDAGUR 29. JÚLÍ 2020
Álfheimum 74, 104 Rvk, sími 568 5170
Verið velkomin
Lokadagar útsölunnar
Ágúst Ásgeirsson
agas@mbl.is
Boris Johnson, forsætisráðherra
Bretlands, varaði í gær við „nýrri
holskeflu“ kórónuveirunnar í Evrópu
en til viðbótar þvingunum gegn far-
þegum á leið frá Spáni til Bretlands
voru Bretar í viðbragðsstöðu og til-
búnir að loka á Frakka og Þjóðverja
til viðbótar, væri annað ekki talið for-
svaranlegt.
Vegna mikils uppgangs kórón-
uveirunnar síðustu 10 dagana eða svo
í norðurhéruðum Spánar þurfa far-
þegar á leið frá Spáni til Bretlands að
gangast undir hálfs mánaðar sóttkví
frá og með í gær. Því hafa Spánverjar
mótmælt í gær og fyrradag sem
„óréttlæti“. Sagði Pedro Sanchez for-
sætisráðherra land sitt öruggt ferða-
mönnum og þeir væru meira að segja
betur settir í flestum héruðum Spán-
ar en í Bretlandi.
Johnson brást við ummælum
Sanchez og varði ákvörðun stjórnar
sinnar í Nottingham í gær. Hann
sagði vísbendingar, um að ný bylgja
kórónuveirunnar sé að skella á Evr-
ópu, fyrir hendi. Hafi nauðsynlegt
verið að hafa hraðar hendur til að
reisa varnir gegn veirunni. Frekari
inngrip yrðu gerð væri það talið
nauðsynlegt.
Bresk yfirvöld ráða fólki frá
ónauðsynjaferðalögum til Spánar, að
Kanaríeyjum og Balear-eyjum með-
töldum. Þá hafa þau strikað nafn
Spánar út af lista yfir ríki sem und-
anþegin væru 14 daga sóttkví við
komuna til Bretlands. Þýsk yfirvöld
birtu í gær sams konar aðvörun gegn
ferðalögum til Katalóníu, Navarra og
Aragon nyrst á Spáni þar sem Co-
vid-19 hefur blossað upp og smit-
hætta er enn talin mikil. Frakkar
ráðlögðu sömuleiðis gegn ferðum til
Katalóníu en létu eiga sig að loka
landamærum, eins og þeir hótuðu í
fyrradag.
Vegna vísbendinga um aukið smit
skipaði borgarstjórn höfuðborgar
Spánar, Madríd, gestum og íbúum
borgarinnar í gær að bera andlits-
grímu öllum stundum á almannafæri.
Þá þrengdu belgísk yfirvöld fé-
lagslegar takmarkanir til að sporna
við hugsanlegum útgöngutakmörk-
unum.
Flugumferð í hægagangi
Samgönguráðherra Breta, Vere
barónessa, sagði í lávarðadeild
breska þingsins í gær, að verið væri
að skoða ýmsa möguleika til að draga
úr neikvæðum afleiðingum kórónu-
veirufaraldursins. Meðal annars að
stytta sóttkví, kanna smit á tiltekn-
um dögum eftir komu til landsins og
hvort takmarka megi flug til tiltek-
inna héraða í stað heilla landa.
Alþjóðaferðamálastofnunin
(WTO) segir að kórónufaraldurinn
hafi kostað ferðaþjónustuna 320
milljarða dollara í töpuðum tekjum
frá áramótum til maíloka, eða sem
svarar 43.200 milljörðum króna.
Repúblikanar á bandaríska þinginu
lögðu í gær til, að varið verði einni
trilljón dollara, eða þúsund milljörð-
um, til að bæta tjón fyrirtækja sem
veirufaraldurinn hefur valdið.
Þá sögðu alþjóðasamtök flugfélaga
(IATA) að flugumferðin kæmist ekki
í fyrra horf fyrr en í fyrsta lagi 2024.
Hugsanleg opnun landamæra á ný
væri stærsti óvissuþátturinn en spá
samtakanna í gær stendur og fellur
með því hvort og hvernig full tök nást
á kórónuveirunni. „Við búumst við að
flugumferðin verði ekki fyrr en 2024
orðin jafn mikil og hún var 2019, eða
ári seinna en í fyrri spám,“ segir
IATA.
Brattvaxandi faraldur
Þýskir ráðamenn segjast „afar
áhyggjufullir“ vegna aukins kórón-
uveirusmits. „Við erum í brattvax-
andi faraldri,“ sagði Lothar Wieler,
forstöðumaður Robert Koch-stofn-
unarinnar. Hann sagði almenning
orðin gálausan og hvatti landsmenn
til að skrýðast andlitsgrímu og halda
góðu bili milli sín og annarra. Í síð-
ustu viku komu upp 3.611 nýsmit í
Þýskalandi. „Við vitum ekki hvort
þetta er upphafið á nýrri holskeflu.
Það gæti vel verið,“ sagði Wieler.
Varar við nýrri hol-
skeflu kórónuveiru
 Tjón ferðaþjónustu í heiminum 43.200 milljarðar króna
Staðan 28. júlí kl. 9
Kórónuveiran í Evrópu
Heimild AFP. Talning byggð á opinberum upplýsingum
Fjöldi tilfella
823.515
200.000
50.000
10.000
Sumpart vegna kórónuveirunnar og
sumpart vegna víntolla Donalds
Trumps Bandaríkjaforseta hefur
franski rauðvínsmarkaðurinn hrun-
ið. Sumir framleiðendur hafa gripið
til þess ráðs að selja umframbirgðir
sínar fyrirtækjum sem framleiða
sóttvarnahlaup.
„Þá fyllum við þennan,“ sagði Jer-
ôme Mader, 37 ára vínbóndi, þegar
stór tankbíll rann í hlað hjá honum í
vínræktarhéruðum Alsace austast í
Frakklandi. Það var honum þung-
bær ákvörðun að fara svo með há-
gæða Riesling og Gewürztraminer.
„Ég gleymi þessu bara, þetta er búið
mál,“ muldraði hann lágum rómi við
blaðamann New York Times er hvít-
vínið fyllti tankbílinn.
Er sala hans frá í desember sl.
helmingi minni en áður, en gæðavín
Mader enduðu á fínum veitinga-
húsum beggja vegna en Atlantshafs-
ins
Meiri háttar ógæfa
„Covid er meiri háttar ógæfa,“
sagði hann við tilhugsunina um að
hið milda holdmikla vín skuli enda
sem handsótthreinsihlaup.
En vegna uppsafnaðra birgða í
vínkjöllurum frá síðustu árum og
fyrirsjáanlegrar mikillar uppskeru
eiga vínbændur ekki annarra kosta
völd.
Um öll vínhéruð Alsace og reynd-
ar fleiri frönsk er svipaða sögu að
segja. Þúsundir ræktenda, frægir
eða óþekktir, horfast í augu við sams
konar hörmungarvanda og Mader.
Vínmarkaðurinn hefur goldið afhroð
af efnahagskreppu af völdum kór-
ónuveirunnar ásamt 25% tolli sem
Trump skellti á frönsk vín í við-
skiptadeilum við Evrópusambandið.
„Við framleiðum meira en selj-
anlegt er, eigum engra kosta völ,“
sagði vínbóndinn Thibaut Specht í
grannhéraðinu Mittelwihr. Vegna
mikils sólskins í ár þroskast vínberin
mánuði fyrr sem kallar á að ámurnar
verði tæmdar fyrr. Fjölskyldufyr-
irtæki Marions Borès, Domaine
Borès, í Reichsfeld, sendir 30%
framleiðslu sinnar, 19.000 lítra, í
verksmiðju sem eimar vínið niður í
hreint alkóhól.
„Það er eins og maður sé að
kveðja einhvern sem er manni mjög
kær,“ sagði hún. Það var ekki ætl-
unin að svona færi fyrir ræktuninni,“
bætti hinn 27 ára gamli vínbóndi við.
Í Alsace-héraði einu og sér enda sex
milljónir lítra sem hreinn vínandi.
AFP
Vínber Uppskera hófst á muscat-vínberjum í Fitou í Frakklandi í gær.
Rauðvíni breytt
í sóttvarnahlaup
Vísindamenn hafa uppgötvað lifandi
þaragróður undan ströndum Skot-
lands og Frakklands sem lifað hefur
af frá ísöld, sem lauk fyrir um 16.000
árum.
Greindu sérfræðingar Heriot-
Watt-háskólans stórþara og gena-
samsetningu hans á 14 svæðum í
Norður-Atlantshafi. Komu í ljós þrír
mismunandi genaklasar.
Vonast er til að uppgötvunin auð-
veldi skilning á því hvernig sjáv-
arplöntur lifðu af miklar breytingar
í veðurfari. Sjávarlíffræðingurinn
Andrew Want sagði að um gæti ver-
ið að ræða flóttaplöntur sem hefðu
lifað af miklar loftslagssveiflur.
Hann sagði stórþarann (Laminara
digitata) við Skotland og Írland mun
skyldari stórþara í Norður-Íshafinu
en klasanum við strendur Bretaníu í
Frakklandi.
„Þegar íshellan hörfaði frá
ströndum norðanverðrar Evrópu við
lok síðustu ísaldar fylgdi stórþarinn
eftir og nam lönd mun norðar við
Atlantshafið. Hann gegnir lykilhlut-
verki í hafinu og því er mikilvægt að
geta öðlast skilning á hvað hefur
áhrif á dreifingu hans og afkomu yf-
ir tíma hefur og hversu viðkvæmur
hann er fyrir breytingum,“ sagði
Want við breska útvarpið, BBC.
Vísindamennirnir fundu stakan
klasa stórþara við austurströnd
Bandaríkjanna og Kanada sem var
frábrugðinn hinum að genasamsetn-
ingu. Annar fannst í mið- og norð-
anverðri Evrópu og sá þriðji við
strendur Bretaníu. Want segir að
Bretaníuþarinn sé skyldur hinum
hópunum en hafi engu að síður tek-
ist að halda sérstöðu. „Það veldur
áhyggjum að allt útlit er fyrir að
Bretaníuafbrigðið deyi út ef gróð-
urhúsaloft eykst.
„Þetta leiðir enn frekar í ljós
hvernig fjölbreytni glatast við mikl-
ar hitabreytingar í höfunum,“ sagði
Want. Greint er frá niðurstöðum
rannsóknarinnar í tímaritinu Euro-
pean Journal of Phycology. „Athug-
anir okkar sýna hvernig lífverur í
höfunum laga sig að breytilegu and-
rúmslofti með því að mjaka sér norð-
ur á bóginn og jafnvel yfir Atlants-
hafið ef aðstæður bjóða.“
16.000 ára stórþari
 Stórþarinn hefur lagað sig að
loftslagi og flutt norður á bóginn
Stórþari Hefur þraukað lengi og
fært sig um set eftir loftslagi.