Morgunblaðið - 30.07.2020, Qupperneq 4

ÁHRIF KÓRÓNUVEIRUNNAR Á ÍSLANDI4
MORGUNBLAÐIÐ FIMMTUDAGUR 30. JÚLÍ 2020
Meiriháttar ehf.
er vel tækjum búið alhliða
jarðverktakafyrirtæki
Allar nánari upplýsingar eru á, meiriháttar.is
í síma S:821 3200 eða með tölvupósti í info@meirihattar.is
Við höfum mikla reynslu og erum lausnamiðaðir
þegar kemur að húsgrunnum sama hvort sem er
í auðveldu moldarlagið eða klöpp sem þarf að
fleyga.
Við útvegum einnig allskyns jarðvegsefni.
Ragnhildur Þrastardóttir
ragnhildur@mbl.is
Hjúkrunarheimili meta nú stöðuna í
ljósi fjölgunar kórónuveirusmita og
segir framkvæmdastjóri heilbrigðis-
sviðs Hrafnistu að til greina komi að
herða takmarkanir á heimsóknum
enn frekar ef smitum fer að fjölga
meira. Þar má nú einungis einn að-
standandi heimsækja hvern heimilis-
mann hverju sinni.
Aðstandendur heimilisfólks á
Grund hafa fengið að vita af því að
reglur um heimsóknir á hjúkrunar-
heimili Grundar gætu breyst í vik-
unni, að sögn Sigrúnar Faulk, fram-
kvæmdastjóra hjúkrunar hjá Grund.
Tilkynning hefur verið send til að-
standenda þar sem mælst er til þess
að hert sé á persónubundnum sótt-
vörnum. Einnig var í tilkynningunni
mælst til þess að einungis 1-2 að-
standendur heimsæki hvern heimilis-
mann í senn og að fólk haldi fjarlægð.
„Ég er líka búin að láta aðstand-
endur vita af því að það gæti komið til
þess að hér kæmu aðrar reglur í vik-
unni. Fólk er bara við því búið og við
erum í startholunum,“ segir Sigrún.
„Heimilisfólkið er alveg rólegt.
Það tekur bara því sem að höndum
ber. Fólk fylgist með, hlustar á okkur
og yfirvöld og passar sig. Það kemur
enginn inn sem er eitthvað slappur
eða lasinn en það er engin breyting.
Svo er allt sprittað í bak og fyrir,
bæði fólk og hlutir.“
Önnur hjúkrunarheimili sem
Morgunblaðið ræddi við höfðu ekki
tekið ákvörðun um að takmarka
heimsóknir og biðu eftir fyrirmæl-
umfrá heilbrigðisyfirvöldum. Al-
mennt er heimilisfólk hjúkrunar-
heimilanna rólegt yfir ástandinu.
Heimilismenn með hita, kvef
eða hósta fara í einangrun
Þá jók Hrafnista einnig viðbrögð
vegna einkenna en það þýðir að heim-
ilisfólk sem sýnir einkenni, hvort sem
um er að ræða hita, kvef eða hósta,
fer í einangrun. Starfsmenn sem sýna
einkenni mæta ekki til vinnu á heim-
ilum Hrafnistu, að sögn Maríu Fjólu
Harðardóttur, framkvæmdastjóra
heilbrigðissviðs Hrafnistu.
„Ef smitunum fjölgar þá skoðum
við hvort við förum að herða enn frek-
ar,“ segir María. Markmiðið sé að
takmarka aðgang að Hrafnistu með
sóttvarnir í huga án þess að loka þurfi
alveg fyrir heimsóknir eins og gert
var á hjúkrunarheimilum á landsvísu
þegar faraldurinn stóð sem hæst hér-
lendis.
Kristín Högnadóttir, fram-
kvæmdastjóri hjúkrunarsviðs hjá
hjúkrunarheimilinu Eir, segir að
heimilið hafi á þriðjudag ítrekað við
aðstandendur, starfsfólk og heimilis-
fólk að allir færu eftir fyrirmælum
um einstaklingsbundnar sóttvarnir.
Þá sé einnig hugað sérstaklega vel að
þrifum á öllum snertiflötum. Kristín
segir að nú sé beðið eftir upplýsing-
um frá almannavörnum um næstu
skref.
Morgunblaðið/Golli
Hrafnista Einungis einn aðstandandi má heimsækja hvern heimilismann á meðan takmarkanirnar gilda.
Hjúkrunarheimilin
að herða reglurnar
 Grípa til aðgerða sem nauðsynlegar teljast hverju sinni
Þegar þunginn á heilbrigðiskerf-
inu var sem mestur vegna veir-
unnar var gert ráð fyrir því að ef
smit kæmi upp hjá íbúa Drop-
laugarstaða myndi hjúkrunar-
heimilið annast hinn smitaða.
Jórunn Ósk Frímannsdóttir Jens-
sen, forstöðumaður Droplaugar-
staða, býst nú við því að Land-
spítalinn geti brugðist við og
tekið að sér íbúa frá Droplaugar-
stöðum ef upp kæmi smit.
Jórunn segir að starfsfólk
hjúkrunarheimilisins sé á varð-
bergi og að frekari takmarkanir
velti á því hvort ný tilmæli komi
frá heilbrigðisyfirvöldum. Hún
vonast til þess að ekki þurfi að
taka fyrir allar heimsóknir aftur
enda geti það verið heimilisfólki
og aðstandendum erfitt.
„Við fylgjumst grannt með og
höfum varnir í samræmi við
ástandið. Heimsóknargestir fá
spjöld þar sem þeir svara nokkr-
um spurningum, til dæmis um
það hvort þeir hafi verið erlendis
nýlega. Ef einhverjum þeirra er
svarað játandi þá eiga þeir ekki
að koma í heimsókn.“
LSH taki við
smituðum
STARFSFÓLK Á VARÐBERGI
Snorri Másson
snorrim@mbl.is
Guðni Th. Jóhannesson, forseti Ís-
lands, hefur frestað móttöku sem
hann hugðist halda á Bessastöðum
fyrir vini og ættingja í kjölfar inn-
setningarathafnar í Alþingishúsinu
á laugardaginn.
„Þessu ráða
sóttvarnasjón-
armið og aukin
hætta á veiru-
smitum að mati
sérfræðinga. Þar
að auki teljum
við okkur ljúft og
skylt að sýna ýtr-
ustu aðgát og
ganga á undan í
samfélaginu með góðu fordæmi,“
segir í bréfi frá forsetanum til boðs-
gesta, sem mbl.is fékk afrit af í
gær.
Móttakan átti að fara fram á
heimili forsetans eftir formlega
embættistöku í þinghúsinu. Athöfn-
in í þinghúsinu er enn fyrirhuguð
en þar verða 90 viðstaddir í stað
þeirra 300 sem hefðu undir eðlileg-
um kringumstæðum verið á staðn-
um.
Í bréfinu segir jafnframt: „Við
hvetjum ykkur öll til að huga vel að
og fylgja öllum ábendingum, leið-
beiningum og tilmælum sóttvarna-
yfirvalda og almannavarna. Við
megum ekki láta deigan síga í bar-
áttu okkar við þennan vágest.“
Aflýsir móttöku að
lokinni innsetningu
 Forsetinn vill sýna gott fordæmi
Guðni Th.
Jóhannesson
Morgunblaðið/Árni Sæberg
Þinghúsið Allt er klárt fyrir inn-
setningarathöfnina á laugardag.
Snorri Másson
snorrim@mbl.is
Heilbrigðisráðherra mun í dag til-
kynna hertar aðgerðir á Íslandi
vegna hópsmits kórónuveirunnar.
Sóttvarnalæknir sendi henni minn-
isblað í gærkvöldi þar sem margs
konar aðgerðir voru lagðar til en
hún tekur lokaákvörðun sem endra-
nær.
Eftir því sem Morgunblaðið
kemst næst felst það m.a. í tillög-
unum að færri megi koma saman en
nú er leyft og að tveggja metra
reglan verði aftur að skyldu á
mannamótum. Þá hefur Alma Möll-
er landlæknir gefið til kynna að það
sé til skoðunar að herða aðgerðir á
landamærum gagnvart ferðamönn-
um, enda sé talið að hópsmitið eigi
rætur að rekja til þess hóps.
Kamilla Sigríður Jósefsdóttir,
staðgengill sóttvarnalæknis, sagði
við mbl.is að við vinnslu tillagnanna
hefði verið reynt að skoða málið frá
sem flestum hliðum. Þá hefði verið
reynt að „leggja það til sem við telj-
um að sé virkilega nauðsynlegt og
gangi ekki allt of langt eða svo
langt að það skapi einhvern ótta
sem ekki er tilefni til“, sagði Kam-
illa. Samkvæmt heimildum Morgun-
blaðsins var ekki rætt sérstaklega
að yfirvöld hvettu fólk til þess að
ferðast ekki um verslunarmanna-
helgi. Um það efni sagði Kamilla:
„Við erum kannski ekki á alveg
sama stað og um páskana eða telj-
um okkur ekki vera það, en það er
ýmislegt sem er farið yfir í þessu
minnisblaði. Það verður svo að
koma í ljós hvað ráðherra telur við
hæfi að gera.“
Þegar í dag fer fólk að taka for-
skot á sæluna og hefja verslunar-
mannahelgarferðalagið. Á morgun
er síðan viðbúið að tugir þúsunda
verði á faraldsfæti. Líklegt er að
hertar ráðstafanir muni að ein-
hverju marki koma í veg fyrir mikl-
ar fjöldasamkomur. Almannavarnir
og sóttvarnayfirvöld hafa lýst því
yfir að þau hafi áhyggjur af ferða-
helginni í ljósi þess að veiran kann
að vera útbreiddari en þegar er tal-
ið.
Virk tilfelli kórónuveirunnar eru
28 hér á landi. Fjögur innanlands-
smit greindust í gær, þrjú daginn
áður og sex daginn þar áður, en þá
höfðu ekki eins mörg innanlands-
smit greinst á landinu á einum degi
frá 21. apríl.
Tugir þúsunda á ferðalagi að óbreyttu
 Hertar ráðstafanir kynntar í dag  Ýmislegt lagt til í minnisblaði  Samkomutakmarkanir og
tveggja metra regla líkleg  Breytingar við landamærin hugsanlegar  Stærsta ferðahelgi ársins
Ljósmynd/Lögreglan
Varnir Kamilla Sigríður Jósefsdóttir
er staðgengill sóttvarnalæknis.