Morgunblaðið - 30.07.2020, Blaðsíða 14

14 DAGLEGT LÍF
MORGUNBLAÐIÐ FIMMTUDAGUR 30. JÚLÍ 2020
Mesta ferðahelgi ársins erfram undan en það er ljóstað hún verður með öðru
sniði en venjulega. Það gildir sam-
komubann þannig að aðeins 500 mega
koma saman og flestum samkomum
sem venjulega eru þessa helgi hefur
verið aflýst. En þörf fólks fyrir til-
breytingu og skemmtun verður ekki
aflýst svo auðveldlega.
Kanna nýjar slóðir
Margir eiga þriggja daga helgarfrí
og vilja nýta það til að ferðast og lyfta
sér upp. Við vitum að hér á landi hef-
ur verið lítið um smit af völdum veir-
unnar sem veldur COVID-19 en vís-
bendingar eru um að því sé kannski
ekki alveg að treysta lengur. Þeir
sem stefna á útilegur og innanlands-
ferðalög um helgina þurfa því að hafa
varann á.
Hafa þarf í huga að virða þær tak-
markanir sem eru á tjaldsvæðum og
stuðla ekki að því að fólk safnist sam-
an umfram þá 500 sem leyft er. Land-
ið okkar er stórt og um að gera að
heimsækja staði um allt land og
kannski að kanna nýjar slóðir. Allir
landshlutar hafa upp á margt
skemmtilegt að bjóða. Nú er tæki-
færið fyrir fjölskylduna að verja tíma
saman um verslunarmannahelgina
hvort sem er heima eða að heiman og
skapa góðar og gleðilegar minningar
til að ylja sér við um ókomin ár.
Verum skynsöm um helgina. Um-
göngumst náungann af virðingu og
virðum persónuleg mörk hvers og
eins. Höfum í huga smitgát og að
sprittbrúsinn er sjálfsagður búnaður
allra ferðalanga. Ef við hittum ein-
hvern sem við þekkjum er óþarfi að
rjúka í fangið á viðkomandi eða gefa
fimmur. Látum brosið og olnbogann
eða loftfimmuna duga. Fletir sem
margir koma við eru sérlega vara-
samir og þá ætti að hreinsa reglulega.
Eftir að slíkir fletir eru snertir ætti
að spritta hendur. Leið veirunnar inn
í líkamann er um slímhúðir líkamans.
Þetta eru slímhúðir í munni, nefi,
augum og kynfærum. Þetta merkir
að gamla góða reglan um að þvo
hendur eftir salernisferðir er orðin
þannig að þvo ætti hendur eða spritta
fyrir og eftir salernisferðir á almenn-
ingssalernum því erfitt er að komast
inn á þau og nota án þess að snerta
fleti sem margir hafa snert á undan.
Veður getur sett mark sitt á ferðalög
og því er nauðsynlegt að fylgjast vel
með veðurspám. Vonandi fá í það
minnsta einhverjir landshlutar sólar-
geisla um helgina og því er gott að
muna eftir sólvörninni.
Sólvörn og fuglafæla
Ef farið er á svæði þar sem búast
má við skordýrum sem bíta er gott að
hafa með sér flugnafælu eða flugna-
net. Þeir sem viðkvæmir eru fyrir
flugnabitum ættu ef til vill að hafa
með sér ofnæmislyf og sterakrem
sem fá má án lyfseðils í apótekum til
að nota ef á þarf að halda.
Ef að líkum lætur verður mikil um-
ferð á vegum landsins og öll viljum
við koma heil heim. Förum því með
góðan skammt af þolinmæði með
okkur. Sýnum okkar bestu hliðar í
umferðinni. Verum tillitssöm, keyr-
um á löglegum hraða og eftir að-
stæðum. Hafi bílstjórar neytt áfengis
er nauðsynlegt að gæta að því að
nægilega langur tími líði frá því að
áfengis var neytt þar til ekið er af
stað.
Látum fjölskyldurnar blómstra um
helgina og verum til fyrirmyndar. Á
heilsuvera.is má finna nánari upplýs-
ingar um smitgát, sólvörn og skor-
dýrabit.
Njótum helgarinnar af skynsemi
Morgunblaðið/Eggert
Samvera Nú er tækifærið fyrir fjölskylduna að verja tíma saman um verslunarmannahelgi hver sem staðurinn er.
Heilsuráð
Margrét Héðinsdóttir
hjúkrunarfræðingur
Unnið í samstarfi við Heilugæslu
höfuðborgarsvæðsins.
Fjölskylduvænir viðburðir, þar sem
gestir verða 500 fullorðnir hið
mesta, verða víðs vegar á Akureyri
um verslunarmannahelgina. Vegna
Covid-19 verður minna um að vera í
bænum en stundum áður og allt með
fremur hófstilltu svipmóti. Stórir úti-
tónleikar í miðbænum verða ekki á
dagskrá né heldur svonefndir Spari-
tónleikar á flötinni við Samkomu-
húsið á sunnudagskvöld. Þá verður
skemmtistöðum lokað kl. 23 öll kvöld
eins og reglur segja til um. Á tjald-
svæðum bæjarins verður aldurs-
takmark hækkað í 20 ár í því skyni að
auðvelda fjöldatakmarkanir og for-
gangsraða í þágu fjölskyldufólks.
Með þessu er þrátt fyrir allt reynt að
skapa svigrúm þannig að fólk geti
gert sér dagamun á Akureyri um
verslunarmannahelgina. Þannig
verða ýmsir viðburðir með einföldu
sniði haldnir í bænum, svo sem
Mömmur og möffins, Kirkjutröppu-
hlaupið og fleira skemmtilegt.
Skv. veðurvefnum blika.is má gera
ráð fyrir ágætu veðri á Akureyri um
helgina, sól og blíðu en rignt gæti á
sunnudaginn.
Hófstemmd hátíð á Akureyri um verslunarmannahelgina
Fjölskylduvænir viðburðir
Morgunblaðið/Sigurður Bogi
Akureyri Góður staður til að vera á.
Fólkið fer á Flúðir
Góð stemning
Flúðir Góð og fjölsótt tjaldsvæði.
Allir fá eitthvað fallegt á Flúðum um
verslunarmannahelgina, sem er vin-
sæll samkomustaður á sumrin. Dag-
skrá fyrir fólk sem þar dvelst þessa
helgi er þó verulega íburðarminni nú
en undanfarin ár. Þó má nefna tón-
leika í félagsheimilinu bæði laug-
ardags- og sunnudagskvöld. Í síðara
sinnið koma fram Jógvan Hansen og
Friðrik Ómar og flytja dagskrána
Sveitalíf. Þá verða markaðir og mat-
arkistur Hrunamanna opnar og efnt
verður til barnaskemmtana eins og
betur sést á sonus.is.
Fertugsafmæli Harry Potters er nú
fagnað á Borgarbókasafninu í Kringl-
unni. Hugdjarfir geta á safninu leitað
helkrossa, forvitnir geta komist að því
í hvaða vist þeir eru og tekið myndir af
nýsloppnum Azkaban-föngum. Hægt
er að föndra öskrara fyrir þá sem
þurfa orð í eyra eða hjálpa Harry að
föndra Hedwig og ferðatösku svo
hann komist í skólann.
Fljúgandi lyklar, pirrandi smáálfar,
seyða- og elexírskápur prófessors
Snapes eru á safninu, sem og mynda-
veggur fyrir eftirlýstar nornir og
galdrakarla og margt fleira. Á sjálfan
afmælisdag Harry Potter, föstudaginn
31. júlí, kl. 13-14, nær fögnuðurinn há-
marki með kökuboði og töfrasprota-
gerð fyrir þá hugrökkustu.
Harry Potter á bókasafni
Galdrakarlar
VERTU Í RÉTTA PAKKANUM Í SUMAR!
Margt skemmtilegt er á dagskrá á
veitingastaðnum Sjálandi í Garðabæ
um verslunarmannahelgina. Þar hef-
ur verið við lýði dagskrá sem heitir
Söngbók Sjálands og þar er marga
gullmola að finna. Jónas Sigurðsson
heldur einlæga en öfluga tónleika í
tónleikasal Sjálands nú á laug-
ardagskvöldið. Jónas stígur á svið
með Ómari Guðjónssyni, heima-
manni í Garðabæ, og tætir í gegnum
sín þekktustu lög.
Á sunnudagskvöldið er brekku-
söngur á Sjálandi þar sem Hreimur
Örn Heimisson kemur fram með
hljómsveit og leikur sín vinsælustu
lög. Fyrir utan lög hljómsveitarinnar
Lands og sona og Hreims má líka til-
taka vinsæl lög frá Þjóðhátíð í Eyj-
um, svo sem Lífið er yndislegt. Þetta
verða því stemningstónleikar sem
spanna 23ja ára feril Hreims.
Sungið á Sjálandi í Garðabæ um verslunarmannhelgina
Þekktustu lög Jónasar og
yndislegt líf með Hreimi Erni
Félagar Jónas Sigurðsson og Ómar
Guðjónsson koma fram saman.
Hreimur Stemningin er afar góð.