Morgunblaðið - 05.08.2020, Blaðsíða 17

MINNINGAR 17
MORGUNBLAÐIÐ MIÐVIKUDAGUR 5. ÁGÚST 2020
✝ SteinþórBjörgvinsson
rafeindavirkja-
meistari fæddist
12. desember 1950
í Reykjavík. Hann
lést á heimili sínu í
Hafnarfirði hinn
24. júlí 2020.
Foreldrar hans
voru hjónin Björg-
vin Þórðarson
leigubílstjóri, f. 9.9.
1922, d. 17.5. 1997, og Anna
Þorláksdóttir, starfsstúlka á
Hrafnistu í Hafnarfirði, f. 13.10.
1923, d. 8.4. 2013. Systkini
Steinþórs eru Kristín Jóhanna,
f. 20.5. 1948, d. 14.2. 2019; Æg-
ir, f. 25.2. 1952; Björn Þorlákur,
f. 26.4. 1953; Dóra Hrönn, f.
18.4. 1954; og Alda, f. 7.3. 1959,
d. 9.12. 2019.
Hinn 7.8. 1982 kvæntist
Steinþór Bryndísi Gestsdóttur
hjúkrunarfræðingi, f. 13.6.
1958. Börn þeirra eru: 1) Gest-
börnum og árið 1996 fluttist
fjölskyldan í Grófarsmára 22
Kópavogi og voru þau þar til
ársins 2013 þegar Steinþór og
Bryndís fluttu á Miðvang 100 í
Hafnarfirði, eftir að börnin
voru flutt að heiman.
Steinþór gekk í barnaskóla
Hafnarfjarðar og útskrifaðist
með gagnfræðapróf frá Flens-
borg 1967. Þaðan lá leið hans í
Póst- og símamannaskólann og
útskrifaðist sem símvirki árið
1970. Árið 1979 útskrifaðist
hann með meistarapróf í sím-
virkjun frá Póst- og síma-
mannaskólanum og 1983 út-
skrifaðist hann með
meistarabréf í rafeindavirkjun.
Hann vann sem bílstjóri hjá
Norðurleið árin 1975-1979
Hann vann lengst af sem
tæknimaður hjá Háskóla Ís-
lands frá september 1982 og
var þar í tæp 30 ár þar sem
hann sá um tölvubúnað verk-
fræðideildar ásamt því að vera
stundakennari.
Síðustu sjö ár starfaði Stein-
þór hjá IBH ehf. sem um ára-
mót varð að Interroll Nordic.
Útför hans fer fram frá
Digraneskirkju í dag, 5. ágúst
2020, klukkan 13.
ur, f. 26.12. 1983,
kvæntur Rósu Stef-
ánsdóttur, f. 1984,
börn þeirra eru:
Óskar, f. 2012,
Viktor, f. 2014, og
Eva, f. 2019. 2)
Lea, f. 22.7. 1985,
sambýlismaður
Gunnar Már Stein-
arsson, f. 1988,
börn þeirra eru:
Ingólfur Þór, f.
2006, Sunna Karen, f. 2009,
Grétar Logi, f. 2009, og Dalía
Nótt f. 2015. 3) Björgvin, f. 27.6.
1991, kvæntur Þórunni Björk
Jónsdóttur, f. 1992, börn þeirra
eru: Matthildur Rósa, f. 2014,
og Hrafney Myrk, f. 2018.
Steinþór fæddist í Reykjavík
en bjó fyrstu þrjú árin á Pat-
reksfirði þar til fjölskyldan
flutti í bæinn og ólst hann upp á
Garðavegi 13B í Hafnarfirði.
Hann bjó í Bauganesi 25 í
Reykjavík ásamt konu sinni og
Steinþór okkar kæri bróðir,
mágur og vinur er dáinn, bráð-
kvaddur, enginn fyrirvari,
heilsuhraustur eftir því sem best
var vitað. Eftir sitjum við í sár-
um söknuði og með minningar
um góðan dreng sem allt vildi
fyrir okkur gera, minningar um
samveru svo lengi sem ég man.
Ég reyni að muna eftir því hvort
okkur hafi einhverntíma orðið
sundurorða en finn ekki eitt
skipti, við náðum alltaf vel sam-
an hann var minn bakhjarl
hvernig sem stóð á gat ég leitað
til hans. Við getum aldrei þakk-
að honum og Bryndísi að verð-
leikum þá hjálp sem þau veittu
okkur Diddu meðan við bjuggum
í Noregi, að vita af okkar málum
í traustum höndum var ómetan-
legt.
Í gegnum tíðina fórum við í
mörg ferðalög saman, okkar
fyrsta ferð var þegar ég á fyrsta
ári og hann á öðru ferðuðumst
frá Patró inn á Barðaströnd í
góðum höndum Laufeyjar
frænku og Svenna bróður pabba
og í mörg ár þar á eftir hann í
sveit hjá afa og ömmu á Innri-
Múla og ég hjá mínu fólki í
Tungumúla. Eftir að hann
keypti fyrsta bílinn var hann
viljugur að lána blanka bróður
sínum hann þegar mikið lá við og
bjóða í ferðir eins og á
radíóamatöramót við Þorbjörn-
inn eða útsýnisferðir um nær-
umhverfið, þó nokkrar ferðir fór
hann með mig og fleiri vestur á
firði.
Er sárasta sorg okkur mætir
og söknuður huga vorn grætir
þá líður sem leiftur úr skýjum
ljósgeisli af minningum hlýjum.
(H.J.H.)
Minningar um ferðalög og
samveru með honum og Bryn-
dísi hér heima og erlendis munu
ylja okkur um ókomna tíð, minn-
ingar um bróður sem var sterk-
ur bakhjarl, rólegur og yfirveg-
aður, hann var ekkert að fara,
hann átti eftir fullt af verkefnum
á Miðvanginum. Steinþór var
símvirki að mennt en hann var
handverksmaður af guðs náð,
hagur á allt efni hvort sem var
tré, múr eða bílaviðgerðir, það
var unun að sjá verkin hans, allt
gert af nákvæmni og hagleik,
óragur að takast á við hvort
heldur var að smíða pall í garð-
inn, umsnúa íbúðinni, setja sam-
an tölvustýringar eða gera einn
bíl úr tveim, já hann skar tvo
Fiata í sundur og setti saman í
einn. Nú er ég kominn á flug það
er svo margt sem mætti segja
frá, en svona er að vera sam-
ferða manni sem maður lítur upp
til og hefur brallað ýmislegt með
og við rétt hvor öðrum hjálp-
arhönd svo lengi sem ég man.
Við Didda vottum ykkur,
Bryndís, Gestur, Lea, Björgvin
og fjölskyldur, okkar innilegustu
samúð einnig öllum öðrum sem
eiga um sárt að binda, en góðar
minningar ylja.
Hvíldu í friði bróðir, mágur og
vinur, hafðu þökk fyrir allt og
allt.
Ægir og Hrönn (Didda).
Steinþór
Björgvinsson
 Fleiri minningargreinar
um Steinþór Björg-
vinsson bíða birtingar og
munu birtast í blaðinu næstu
daga.
✝ Unnur Elías-dóttir fæddist á
Elliða í Staðarsveit
23. mars 1926. Hún
lést á hjúkrunar-
og dvalarheimilinu
Brákarhlíð í Borg-
arnesi 27. júlí 2020,
þar sem hún bjó
síðustu árin.
Foreldrar Unnar
eru: Elías Krist-
jánsson frá Lága-
felli, f. 29. júlí 1880, d. 10. des-
ember 1938, og Sigríður
Guðrún Jóhannesdóttir frá Dal í
Miklaholtshreppi, f. 25. júní
1888, d. 16. október 1928. Elías
var sonur Kristjáns Elíassonar
frá Lágafelli og Vigdísar Jóns-
dóttur, frá Böðvarsholti; Sigríð-
ur Guðrún var dóttir Jóhann-
esar Magnússonar frá Skarfa-
nesi í Landsveit og Þorbjargar
Jóhannessonar, vefara, frá
Skriðufelli í Árnessýslu. Magn-
ús Jóhannesson, bóndi í Alviðru
í Ölfusi, var móðurbróðir Unn-
ar.
Systkini Unnar fædd á Elliða
í Staðarsveit. eru: 1) Kristján, f.
6. ágúst 1911, d. 12. desember
1988; 2) Vigdís Auðbjörg, f. 31.
janúar 1914, d. 6. júní 1965; 3)
Ingibjörn Jóhannsson, f. 13.
október 1945. Faðir hans er Jó-
hann Níelsson, f. 3. sept. 1904,
d. 29. júlí 1980. 2) Elísabet Sig-
ríður Erla Helgadóttir, f. 12.
nóvember 1949, d. 11. ágúst
1970. Faðir hennar er Helgi
Halldórsson, f. 16. júní 1912, d.
17. júlí 1978. Fósturmóðir El-
ísabetar, eiginkona Helga, er
Lovísa Halldórsson, f. 3. apríl
1914 í Þýskalandi, d. 27. októ-
ber 1967.
Lífsförunautur Unnar var
Eggert Jóhannsson, f. 29. mars
1909, d. 17. mars 1988.
Fyrri eiginkona Kristjáns er
Sigurlaug Gerður Jónsdóttir, f.
30. apríl 1946. Þau slitu sam-
vistir. Börn Kristjáns og Sig-
urlaugar eru: 1) Jóhanna Jóna
Kristjánsdóttir, f. 6. apríl 1969;
2) Inga Guðrún Kristjánsdóttir,
f. 23. október 1978. Eiginmaður:
Hallgrímur Halldórsson, f. 19.
janúar 1974. Þau eiga þrjá syni.
3) Sigríður Kristín Kristjáns-
dóttir, f. 15. des. 1979. 4) Hjalti
Karl Kristjánsson, f. 1. ágúst
1981. 5) Víðir Kári Kristjánsson,
f. 23. feb. 1986. Seinni eigin-
kona Kristjáns er Sigurbjörg
Viggósdóttir, f. 29. maí 1940,
frá Rauðanesi í Borgarfirði.
Útför Unnar fer fram frá
Fossvogskirkju í dag, 5. ágúst
2020, og hefst athöfnin klukkan
15.
Jóhanna Halldóra,
f. 19. júní 1915, d.
24. júní 2008; 4)
stúlka fædd and-
vana 1916; 5) Hulda
Svava, f. 12. ágúst
1917, d. 3. maí
2002; 6) Jóhannes
Sæmundur, f. 21.
apríl 1920, d. 21.
apríl 2921; Öll fædd
í Arnartungu í
Miklaholtshreppi.
7) Matthildur Valdís, f. 21. mars
1923, d. 23. feb. 2018; 8) Unnur,
f. 23. mars 1926, d. 27. júlí 2020.
9) stúlka fædd andvana 16.
október 1928; Hálfsystkini Unn-
ar samfeðra fædd á Ytra-Lága-
felli eru: 10) Erla, f. 10. sept-
ember 1932; 11) Sigríður
Guðrún, f. 7. júlí 1934; 12)
Magnús, f. 7. september 1935;
13) Elías Fells, f. 27. febrúar
1937. Móðir þeirra er Sara
Magnúsdóttir, f. 20. apríl 1908,
d. 13. mars 1995. Uppeldis- og
fóstursonur Elíasar og Sigríðar
Guðrúnar er Ársæll Jóhann-
esson frá Slitvindastöðum í
Staðarsveit og bóndi á Ytra-
Lágafelli, f. 14. maí 1916, d. 6.
mars 2003.
Börn Unnar eru: 1) Kristján
„Sofðu engill, sólbjartur á
vanga.“
Unnur frænka upplifði meiri
þjóðfélagsbreytingar á sinni
löngu ævi en hægt er að ímynda
sér. Þrátt fyrir áföll, veikindi og
margvíslega erfiðleika þakkaði
Unnur Guði ætíð fyrir allt það
góða sem hann gaf henni. Hún
var mjög trúuð kona. Það veitti
henni mikinn styrk að vera tengd
þjóðkirkjunni.
Unnur fæddist árið 1926 á Ell-
iða í Staðarsveit en sýsluvegur-
inn lá um Elliða í upphafi síðustu
aldar. Sigríður Guðrún móðir
hennar lést af barnsförum á El-
liða þegar Unnur var tveggja ára,
yngst 9 systkina. Þegar Unnur
var 6 ára flutti hún að Ytra-Lága-
felli og bjó þar ásamt systkinum
sínum, föður og Söru Magnús-
dóttur. Fjögur systkini bættust í
hópinn á árunum 1932-1938. Þá
gekk fjölskyldan í gegnum annað
stóráfall er faðir þeirra féll frá
rétt fyrir jól 1938. Þá var Unnur
12 ára.
Líf Unnar var samofið lífum
systkinanna og fjölskyldna
þeirra m.a. vegna þess að hún
greindist ung með flogaveiki og
þurfti mikinn stuðning. Unnur
handleggsbrotnaði um sama leyti
og faðir hennar lést. Þá fór Hulda
með hana að Vegamótum, á hest-
um. Læknir hafði verið kallaður
til frá Borgarnesi að Vegamót-
um. Settar voru spelkur um
handlegginn. Unnur fór síðan
með Huldu í Borgarnes til frekari
aðhlynningar. Systurnar fengu
að gista hjá Jóni Steingrímssyni
sýslumanni og konu hans, góðum
vinahjónum foreldra þeirra.
Sumarið eftir andlát föður síns
fór Unnur, 13 ára, ásamt Huldu
til Kristjáns bróður þeirra í
Reykjavík þar sem hún bjó um
veturinn. Þá voru Vigdís, Hulda,
Jóhanna og Matthildur einnig
fluttar til Reykjavíkur.
Unnur fermdist í Fáskrúðs-
bakkakirkju 6. júní 1940 og gekk
síðan til altaris fyrsta sunnudag
eftir trinitatis í Kaldrananes-
kirkju í Bjarnarfirði. Hún fór
norður í Bjarnarfjörð með Jó-
hönnu systur sinni sem hafði ráð-
ið sig sem vinnukonu að Bassa-
stöðum. Unnur fluttist þá til
Huldu að Skarði en þá bjó hún
þar ásamt eiginmanni sínum Jóni
M. Bjarnasyni, börnum, tengda-
föður, bróður og Þórdísi Lofts-
dóttur, uppeldissystur Jóns, síð-
ar bónda í Odda. Ungu konurnar
urðu góðar vinkonur, voru jafn-
öldrur, fermingarsystur, og báð-
ar með börn fædd 1945. Unnur
bjó hjá Huldu í rúm 12 ár. Hún
eignaðist Kristján fyrir norðan
19 ára. Guðrún Níelsdóttir, föð-
ursystir Kristjáns, og Karl Jóns-
son í Vatnshorni tóku drenginn í
fóstur. Þau fluttu síðar að Breiða-
bólsstað í Dölum þar sem Krist-
ján ólst upp við gott atlæti. Um
tíma flutti Unnur til Reykjavíkur
þar sem hún eignaðist Elísabetu.
Hún flutti aftur að Skarði með
Elísabetu. Þegar Hulda og Jón
brugðu búi og fluttu suður 1954
var Elísabet fyrst vistuð á barna-
heimilinu Silungapolli. Fljótt
flutti hún til föður síns og Lovísu
fósturmóður sinnar í Keflavík,
sem reyndust henni afar vel.
Góðar breytingar urðu á lífi
Unnar þegar hún fékk íbúð í Há-
túni 10. Þar kynntist hún Eggert
Jóhannssyni lífsförunauti sínum.
Þarna leið henni vel. Þarna átti
hún öruggt skjól og um tíma
starfaði hún m.a. sem gangbraut-
arvörður við Laugarnesskóla.
Tengslin við systkinin voru
sterk. Unnur dvaldi t.d. hjá
Huldu á aðfangadagskvöld í ára-
tugi. Þær Matthildur voru líka
mjög nánar. Unnur frænka var
sannkölluð hvunndagshetja sem
tókst á við lífsins verkefni af
æðruleysi og hugrekki. „Hafðu
þökk fyrir allt og allt,“ elsku
frænka.
Mínar innilegustu samúðar-
kveðjur til Kristjáns og fjölskyld-
unnar allrar.
Valgerður Snæland
Jónsdóttir.
Unnur Elíasdóttir
✝ Ólafur HalldórGarðarsson
fæddist í Reykjavík
25. júlí 1963. Hann
lést á líknardeild
Landspítalans í
Kópavogi 19. júlí
2020.
Foreldrar hans
voru Garðar Ólafs-
son heildsali, f.
29.9. 1934, og
Ólafía Magn-
úsdóttir, kaupmaður o.fl., f.
31.8. 1939, d. 16.7. 2009. Þau
eignuðust fjögur börn, sem eru
auk Ólafs þau Magnús, f. 25.6.
1958, Sigríður, f. 5.11. 1960, og
Garðar, f. 10.1. 1965. Garðar og
Ólafía skildu, en seinni maður
Ólafíu, og stjúpfaðir Ólafs, var
Pétur G. Pétursson heildsali, f.
27.5. 1944, d. 9.1. 2006. Þau
eignuðust dótturina Guðrúnu
Huldu, f. 2.6. 1970, en slitu sam-
vistum.
Föðursystir þeirra systkina,
Ágústa Ólafsdóttir, eða Gústa
eins og hún var ávallt kölluð, f.
18.12. 1930, var Ólafi og systk-
inum hans mikil hjálparhella á
bernskuárum þeirra, og var
þeim áfram klettur í hafi allt þar
til hún lést hinn 15.9. 2007. Sig-
ríður, systir Óla, var honum
einnig mjög hjálpleg síðustu ár
hans eftir að hann veiktist.
Ólafur kvæntist 24.4. 1993
Sigrúnu Kærnested Óladóttur,
f. 5.12. 1962, og eignuðust þau
þrjú börn, auk þess sem Ólafur
gekk syni Sigrúnar frá fyrra
sambandi, Óla Hauki, í föð-
urstað, en hann var kornungur
þegar samband þeirra hófst.
1) Óli Haukur Mýrdal, f. 10.1.
1981, kvæntur Ínu Hrund Ísdal
og eru börn þeirra Brynjar Ingi
Ísdal, Sigrún Hall-
dóra og Ásta Dís. 2)
Sunna Dís, f. 6.1.
1988, maki Daníel
Árnason, sonur
Sunnu er Tómas
Orri Bergmann. 3)
Hanna Þurý, f.
13.9. 1989, maki
Finnur Kristján,
börn Anný Eva og
Emelía Kristý. 4)
Garðar, f. 3.10.
1992, kvæntur Thelmu Guð-
laugu Arnarsdóttur, börn þeirra
Eyþór Darri og Arney Dóróthe.
Þau Ólafur og Sigrún skildu
árið 2008.
Ólafur kom víða við á til-
tölulega stuttri starfsævi. Hann
vann m.a. í Hagkaup, rak með
öðrum fiskvinnsluna Röðul í
Keflavík, stofnaði og rak um
nokkurra ára skeið víngerðar-
fyrirtækið Plútó, sjónvarps-
dreifingarfyrirtækið Kapalvæð-
ingu í Keflavík og að síðustu
innflutningsverslunina Top-
Drive. Þar sameinuðust vinna
og áhugamál, enda Ólafur mikill
bílaáhugamaður, og átti margan
eðalvagninn.
Hann var og áhugamaður um
snóker og pílukast, og meðan
honum entist heilsa varð golfið
helsta áhugamál hans.
Eftir að hann veiktist voru
síðustu 11-12 ár honum afar erf-
ið, og bjó hann lengst af í Hátúni
6.Útför Ólafs verður gerð frá
Keflavíkurkirkju klukkan 13 í
dag, 5. ágúst 2020. Vegna veiru-
ástands þarf að takmarka all-
mikið fjölda þeirra sem geta set-
ið í kirkju, en safnaðarheimili
kirkjunnar verður einnig opið,
þar sem ákveðinn fjöldi getur
fylgst með athöfninni.
Óli Garðars var svona rétt ný-
lega vaxinn upp úr fermingarföt-
unum þegar við Þurý kynntumst
honum fyrst, ærslafullum kraft-
miklum strák sem svo sannarlega
kallaði ekki allt ömmu sína. Hann
og Þórður okkar brölluðu margt
saman, misgáfulegt eins og geng-
ur, en voru góðir vinir. Svo felldu
þau hugi saman, Óli og Sigrún
eldri dóttir okkar, fóru fljótlega
að búa, eignuðust þrjú börn og
sonur Sigrúnar úr fyrra sam-
bandi, Óli Haukur, átti sannar-
lega hauk í horni í nafna sínum.
Sigrún og Óli bjuggu á nokkrum
stöðum á höfuðborgarsvæðinu,
en síðan lengst af í Keflavík.
Óli var afar hugmyndaríkur og
kom að ýmsum rekstri, sem oft
gekk mjög vel, en stundum hafði
maður á tilfinningunni að hann
hefði takmarkaðan áhuga á að
vera lengi í því sama. En þá fann
hann upp á einhverju nýju og
hellti sér út í það.
Mér detta í hug nokkur orð
sem áttu vel við fyrrverandi
tengdason okkar; hugmyndarík-
ur, kappsamur, útsjónarsamur,
greiðvikinn og glaðbeittur. Við
má bæta vinmargur, því marga
átti hann vinina og kunningjana
þegar best lét.
Við Þurý þökkum honum öll
gömlu góðu árin sem við áttum
saman, og það veit ég að systkin
Sigrúnar, Þórður, Steini og Ásta,
gera einnig.
Innilegar samhryggðarkveðj-
ur frá okkur öllum til Óla Hauks,
Sunnu Dísar, Hönnu Þurýjar,
Garðars og fjölskyldna þeirra.
Samúðarkveðjur og til föður Óla,
og til annarra aðstandenda hans.
Óli H. Þórðarson.
Ólafur Halldór
Garðarsson
Okkar ástkæra
HEIÐVEIG PÉTURSDÓTTIR
lést miðvikudaginn 29. júlí.
Útför auglýst síðar.
Þorgerður Þorleifsdóttir Þorleifur Eiríksson
Sigríður Jakobsdóttir Pétur Sigtryggsson
Sigtryggur Pétursson Sigurður Helgason