Morgunblaðið - 13.08.2020, Blaðsíða 47

FÓTBOLTI
Kristófer Kristjánsson
kristoferk@mbl.is
Landsliðskonan Gunnhildur Yrsa Jónsdóttir mun
taka þátt á Íslandsmótinu í knattspyrnu næstu
mánuði en hún er gengin í raðir Vals að láni frá Ut-
ah Royals í Bandaríkjunum. Þetta verður í fyrsta
sinn í átta ár sem miðjumaðurinn spilar hérlendis
en hún lék alls 142 leiki og skoraði 38 mörk fyrir
uppeldisfélagið sitt Stjörnuna árin 2003 til 2012 áð-
ur en hún hélt út í atvinnumennsku.
Gunnhildur var fyrstu árin í Noregi en flutti til
Bandaríkjanna fyrir tveimur árum og gekk til liðs
við Utah sem leikur í atvinnumannadeildinni. Hún
spilaði eitt tímabil að láni með Adelaide United í
Ástralíu og var þar með landsliðssamherja sínum,
Fanndísi Friðriksdóttur, sem er á mála hjá Val í
dag en spilar þó ekkert næstu mánuði enda barns-
hafandi.
Gunnhildur er 31 árs og hefur getið sér gott orð-
spor í Utah jafnframt því að vera lykilmaður í ís-
lenska landsliðinu þar sem hún hefur spilað 71 A-
landsleik og skorað tíu mörk. Þó hún hafi ekki ætl-
að sér annað en að vera um kyrrt í Ameríku
breyttust áformin í kjölfar kórónuveirufaraldurs-
ins sem nú herjar á heimsbyggðina. Meðal annars
var deildarkeppninni þar frestað.
Verður að vera klár í landsleikina
„Það er ekki auðvelt að vera í Bandaríkjunum
núna og hugsanlega verður ekkert spilað á næstu
mánuðum,“ sagði Gunnhildur þegar Morgunblaðið
sló á þráðinn. Ísland mun að öllu óbreyttu spila
mikilvæga leiki í undankeppni Evrópumeist-
aramótsins í haust og það skiptir hana miklu máli
að vera í standi fyrir þau verkefni. „Ég verð að
undirbúa mig undir landsleikina, í mínum huga
verða þeir auðvitað spilaðir.“
Eins og staðan er núna mun Ísland taka á móti
Lettlandi og Svíþjóð í september og heimsækja
Svíþjóð í október. Það hefði reynst erfitt fyrir
Gunnhildi að taka þátt í þessu leikjum samhliða því
að búa áfram í Bandaríkjunum. „Það eru ekki
mörg Evrópulönd að hleypa inn farþegum frá
Bandaríkjunum. Það væri erfitt fyrir mig að þurfa
alltaf að fljúga til Íslands í sóttkví og fara svo
áfram. Þurfa svo aftur í sóttkví við heimkomuna til
Bandaríkjanna.
Þetta hefði ekki gengið upp fyrir mig sem knatt-
spyrnukonu, að vera í sóttkví 70% af tímanum og
jafnvel spila ekki neitt. Fyrir mér eru landsleik-
irnir númer eitt, tvö og þrjú og mikilvægt að koma
til Íslands og vera tilbúin.“
Gott tækifæri til að koma heim
Hún segist hafa fengið tilboð frá öðrum liðum í
Evrópu en að lokum kosið að snúa heim og eiga
þess kost að vera með fjölskyldu og vinum. „Ég var
með nokkur tilboð í Evrópu en þetta eru bara
nokkrir mánuðir og mér fannst þetta gott tækifæri
til að koma aðeins heim og vera með fjölskyldunni.
Hér er ástandið líka hundrað prósent betra en í
Bandaríkjunum.“
Lánssamningurinn gildir út október og ætti hún
því að geta klárað mótið með Völsurum sem eru í
öðru sæti, tveimur stigum á eftir Breiðabliki sem á
einnig leik til góða. Valur á eftir að spila tíu leiki og
á deildin að klárast í október, nema það dragist enn
á langinn vegna veirunnar.
Gunnhildur segist dugleg að fylgjast með ís-
lenska fótboltanum þó tímamismunurinn sé mikill.
„Það er mikill tímamismunur og erfitt að fylgjast
með en ég les alltaf um alla leiki. Ég hef ekki spilað
á Íslandi síðan 2012 og þarf auðvitað aðeins að
koma mér inn í málin en þetta er spennandi.“
Einhverjir orðrómar voru um að hún myndi
spila með uppeldisfélaginu í Garðabæ en Gunn-
hildur er ánægð að geta bæði æft og spilað með
mörgum stöllum sínum úr landsliðinu hjá Íslands-
meisturunum. „Ég er að æfa með leikmönnum sem
ég þekki úr landsliðinu og það var mikilvægt fyrir
mig, að geta liðið vel og auðvitað að taka þátt í
Meistaradeildinni. Valur er með frábæran leik-
mannahóp. Í augnablikinu er þetta ekki í okkar
höndum í deildinni en við þurfum bara að gera okk-
ar, mæta í alla leiki og klára þá,“ sagði Gunnhildur
Yrsa við Morgunblaðið.
Landsliðið er númer
eitt, tvö og þrjú
 Gunnhildur Yrsa spilar á Íslandi í fyrsta sinn síðan tímabilið 2012
Ljósmynd/A2 Peter Hartenfelser
Landsliðskonur Hallbera Gísladóttir og Gunnhildur Yrsa Jónsdóttir eru nú samherjar hjá Val.
ÍÞRÓTTIR 47
MORGUNBLAÐIÐ FIMMTUDAGUR 13. ÁGÚST 2020
Fyrrverandi blaðamaður á
íþróttadeildinni nefndi við mig í
mötuneytinu í vikunni að kóm-
ískt væri að sjá knatt-
spyrnumenn í sjónvarpsútsend-
ingum þessa dagana heilsast
með olnbogunum í leikslok.
Þegar leiknum er lokið þá
virðast menn mjög meðvitaðir
um sóttvarnir og þakka fyrir sig
með þessum hætti. Íþrótta-
blaðamaðurinn fyrrverandi benti
mér hins vegar á að nokkrum
mínútum áður eru þessir sömu
menn haldandi hver utan um
annan í vítateigunum þegar
hornspyrnur eru framkvæmdar.
Ýmislegt kómískt má finna í
framkvæmd leikja erlendis við
þær aðstæður sem nú eru. Hlut-
verk plötusnúða er til að mynda
áhugavert. Menn reyna að spila
umhverfishljóð sem líkja eftir
því ef leikvangurinn væri stút-
fullur af áhorfendum. Um dag-
inn heyrði ég hina ímynduðu
stuðningsmenn syngja baráttu-
söngva. Einnig hef ég heyrt
stuðningsmenn sem ekki eru á
staðnum baula vegna einhvers
sem gerðist á vellinum. Líklega
eru uppgrip fyrir plötusnúða
víða í álfunni og kemur sér vafa-
laust vel því diskótek pökkuð af
fólki eru líkleg til vinsælda á
tímum kórónuveirunnar.
Víða hefur knattspyrnuhreyf-
ingin sett þrýsting á yfirvöld í
þeim tilgangi að geta spilað.
Langflestir leikmenn hljóta að
vera þakklátir, og ef til vill auð-
mjúkir, að geta sinnt starfinu í
ljósi aðstæðna. En skemmd epli
hjálpa hins vegar ekki mál-
staðnum. Leikmaður Glasgow
Celtic skellti sér til Spánar án
þess að láta nokkurn kjaft vita
og mætti í næsta leik án þess
að fara í sóttkví. Átta leikmenn
Aberdeen fóru saman á pöbb-
inn. Ef skoska deildin yrði
stöðvuð geta menn sjálfum sér
um kennt.
BAKVÖRÐUR
Kristján Jónsson
kris@mbl.is
Vålerenga vann dramatískan 2:1-
sigur á Røa í norsku úrvalsdeildinni
í fótbolta í gær. Íslenska landsliðs-
konan Ingibjörg Sigurðardóttir
skoraði sigurmark Vålerenga í blá-
lokin af stuttu færi eftir undirbún-
ing Marie Dølvik Markussen.
Ingibjörg var í byrjunarliði Våle-
renga og lék allan leikinn. Hefur
hún leikið alla sjö leiki Vålerenga á
leiktíðinni frá upphafi til enda og
skorað tvö mörk. Kom hún til fé-
lagsins frá Djurgården í Svíþjóð
fyrir leiktíðina. Vålerenga er í öðru
sæti með 16 stig. sport@mbl.is
Ingibjörg skoraði
sigurmarkið
Morgunblaðið/Kristinn Magnússon
Á skotskónum Ingibjörg Sigurð-
ardóttir tryggði sigurinn.
Damian Lillard jafnaði hæsta stiga-
skor sitt á NBA-ferlinum þegar
hann skoraði 61 stig í 134:131-sigri
Portland Trail Blazers gegn Dallas
Mavericks en hann skoraði einnig
61 stig í janúar. Lillard hefur þrí-
vegis skorað 60 stig eða meira. Öll
tilfellin eru á þessu keppnistímabili.
Fjörutíu og einu sinni hefur leik-
maður skorað 60 stig eða fleiri í
leik í NBA en fáir hafa afrekað það
oftar en einu sinni. Ásamt Lillard
eru það Wilt Chamberlain, Kobe
Bryant, James Harden, Michael
Jordan og Elgin Baylor. kris@mbl.is
Tvívegis skorað
61 stig á árinu
AFP
Atkvæðamikill Damian Lillard á
auðvelt með að skora.
Landsliðsmaðurinn Kolbeinn Sig-
þórsson verður loksins í leik-
mannahópi AIK er liðið mætir
Östersund í sænsku úrvalsdeildinni í
fótbolta í kvöld. Kolbeinn lék síðast
með liðinu 2. júlí.
Meiðsli og veikindi hafa sett strik í
reikninginn hjá Kolbeini síðan hann
kom til AIK frá Nantes í Frakklandi
en framherjinn hefur mikið glímt við
meiðsli síðustu ár.
Hefur AIK aðeins fengið tvö stig
úr síðustu sex leikjum og er í 13.
sæti sænsku úrvalsdeildarinnar,
stigi fyrir ofan neðsta sæti, en AIK
var í mikilli titilbaráttu á síðustu
leiktíð.
„Það er gott að geta fengið inn
mann með þá reynslu og hæfileika
sem hann hefur,“ sagði Bartosz
Grzelak, knattspyrnustjóri AIK, um
Kolbein á blaðamannafundi.
Kolbeinn
er að verða
leikfær
Leikfær? Kolbeinn Sigþórsson gæti
leikið með AIK innan skamms.
Samkvæmt nýrri auglýsingu heil-
brigðisráðherra um takmörkun á
samkomum vegna farsóttar verða
nálægðartakmörk í íþróttum rýmk-
uð frá og með 14. ágúst. Því er ljóst
að Íslandsmót meistaraflokka sem
og keppni í 2. og 3. flokki karla og
kvenna í knattspyrnu geti hafist á ný
á morgun, föstudag.
Eins og fram kom í blaðinu í gær
voru allar líkur á að þetta yrði niður-
staðan en hafði ekki formlega verið
staðfest.
Knattspyrnusamband Íslands
hefur nú staðfest að keppni getur
hafist á ný um helgina en sambandið
bíður enn eftir upplýsingum frá yf-
irvöldum um hvort áhorfendur verði
leyfðir á leikjum eða ekki.
Í efstu deild karla og kvenna held-
ur KSÍ sig við þá dagskrá sem var
fyrir hendi. Tveir karlaleikir sem
vera áttu í kvöld eru reyndar færðir
aftur til morgundagsins. Leikir sem
frestað hefur verið að undanförnu
fara fram síðar.
Keppni hefst að nýju
Morgunblaðið/Árni Sæberg
Efstu lið Breiðablik er á toppnum hjá konunum en Valur í 2. sæti.
Morgunblaðið/Hari