Morgunblaðið - 13.08.2020, Síða 48

48 MENNING
MORGUNBLAÐIÐ FIMMTUDAGUR 13. ÁGÚST 2020
Vinnur gegn
Laktósaóþoli
Fæst í næsta apóteki
Smiðjuvegi 34 • gul gata Kópavogi Sími 544 5151 • biljofur@biljofur.is
biljofur.is
Verkstæði // Varahlutir // Smurþjónusta
Sérhæfð þjónusta fyrir
544 5151
Tímapantanir
Ragnheiður Birgisdóttir
ragnheidurb@mbl.is
Hljómsveitarstjórinn Guðni A.
Emilsson, sem hefur starfað á alþjóð-
legum vettvangi í áratugi, gaf nýverið
út plötu ásamt píanóleikurunum
Marco Schiavo og Sergio Marchegiani
og hinni þekktu, ensku fílharm-
óníusveit Royal Philharmonic Orch-
estra. Alþjóðlega útgáfufyrirtækið
Decca stendur fyrir útgáfunni. „Þetta
er eitt frægasta píanódúóið á Ítalíu.
Ég hef unnið með þeim í mörg ár og
þetta eru orðnir góðir kunningjar,“
segir Guðni. „Þeir hafa verið að vinna
fyrir Decca og hringdu í mig í júlí á
síðasta ári og spurðu hvort ég vildi
koma með þeim til Lundúna. Þeir
væru að fara að taka upp með Royal
Philharmonic Orchestra.“
Guðni segir það hafa verið
skemmtilega ferð. „Það varð úr að við
fórum til London og það var góð
stemning. Ég hitti þar gamla kunn-
ingja, þetta er svo lítill heimur.“
Mozart er alltaf Mozart
Á plötunni eru konsertar fyrir tvo
píanóleikara, sem annars vegar leika
tvíhent og hins vegar á tvö píanó, eftir
Mozart og Kozeluch. „Kozeluch átti að
verða eftirmaður Mozarts í Vín en af-
þakkaði það og Mozart vann mikið í
Prag og Kozeluch kemur frá Bohe-
míu. Þannig að þetta passaði vel sam-
an.“
Tónskáldin tvö voru samtímamenn
en þegar Guðni er spurður að því
hvort verk þeirra séu lík segir hann
kíminn: „Kozeluch er auðvitað ekki
það sama og Mozart, Mozart er alltaf
Mozart.“
Fyrir þremur árum tók Guðni upp
annan disk með Royal Philharmonic
Orchestra sem er væntanlegur hjá út-
gáfurisanum Deutsche Grammophon.
Guðna þykir líklegt að útgáfan hafi
tafist vegna heimsfaraldursins. Á
þeirri plötu verða verk eftir Rach-
maninoff.
Guðni á langan feril að baki. Hann
hefur stjórnað ótal merkum hljóm-
sveitum, komið fram í mörgum helstu
tónleikahúsum Evrópu og haldið í tón-
leikaferðir um allan heim. Hann hefur
einnig hlotið ýmis verðlaun og viður-
kenningar fyrir störf sín. Hann var
sæmdur heiðursdoktorsnafnbót við
Kazakh-listaháskólann í Kasakstan
árið 2018.
Stjórnaði í Taílandi í 10 ár
Guðni tók við stöðu aðalstjórnanda
nýrrar hljómsveitar í Taílandi, Thai-
land Philharmonic Orchestra, árið
2005. „Það var alveg ný hljómsveit.
Við byrjuðum með um 30 hljóðfæra-
leikara en þegar ég hætti var þetta
komið upp í 90 manns, alveg full
hljómsveit.“ Hann var ráðinn af taí-
lenska ríkinu í þetta verkefni og vann
að því í tíu ár.
Guðni segir frá því að nýtt kons-
erthús hafi verið reist undir hljóm-
sveitina fyrir 100 milljónir evra. Húsið,
sem ber nafnið Prince Mahidol Hall,
er mikilfenglegt ásýndum og hefur að
geyma stóran tónleikasal í nútíma-
legum stíl. „Ég átti mikinn þátt í því
að þetta hús yrði byggt,“ segir stjórn-
andinn.
Þrátt fyrir að starfa hinum megin á
hnettinum bjó Guðni allan tímann í
Þýskalandi ásamt eiginkonu og dótt-
ur. „Ég tók þá ákvörðun þegar þeir
vildu að ég flytti til Bangkok með fjöl-
skylduna að fljúga frekar. Ég flaug
þangað 150 sinnum á tíu árum.“ Að tíu
árum liðnum ákvað Guðni að fram-
lengja ekki samninginn við taílensku
hljómsveitina. Eins og von er tók tíu
tíma ferðalag hvora leið, mörgum
sinnum á ári, sinn toll. „Eftir tíu ár þar
sagði ég: „Ég er Evrópubúi og ég held
mig við Evrópu“.“
Rólegur og góður tími
Guðni býr í Suður-Þýskalandi við
rætur Stuttgart en starfar víðs vegar í
Evrópu. „Ég vinn mikið í Prag með
óperuhljómsveitinni þar og útvarps-
hljómsveitinni.“ Hann starfar einnig
með tveimur kammersveitum, einni í
Prag og einni í Þýskalandi. „Svo er ég
að þvælast í Póllandi, hér í Þýskalandi,
í Prag og á Ítalíu töluvert líka. Ég vinn
mikið sem gestastjórnandi.“
Guðni hefur, eins og kollegar hans í
tónlistarheiminum, haft lítið að gera
undanfarna mánuði. Tónleikahald
lagðist að mestu niður á meðan farald-
urinn stóð sem hæst. „Ég hef bara
verið heima að lesa nóturnar og spila á
píanóið og svona. Þetta er búið að vera
rólegur og góður tími,“ segir hann en
viðurkennir að hann sé ekki sú týpa
sem eigi auðvelt með að vera heima
við til lengdar.
Sem betur fer er aðeins farið að
rétta úr kútnum og tónleikahald farið
af stað í sumum Evrópulöndum. „Ég
var að koma frá Ítalíu. Þeir eru með
tónleika undir berum himni, veðrið
leyfir það og þeir biðja bara um einn
metra á milli fólks.“ Síðan heldur leið-
in til Prag og því næst aftur til Ítalíu
undir lok mánaðarins.
Tónleikahald að lifna við
„Ég hef gaman af því sem ég er að
gera og hef nóg að gera,“ segir Guðni
en bætir við að hann vonist til að þessu
faraldursástandi fari að ljúka. „Ég
missti 20 tónleika á þessu tímabili. Ég
átti meðal annars að fara til Frakk-
lands og vera með sex tónleika í júlí.
Það datt allt upp fyrir.“ Honum virðist
þó tónleikalífið vera að fara af stað á
ný hægt og rólega. „Ég á að fara til
Austurríkis í september og ég var að
tala við þá í gær og það verður úr því.
Svo ég vona að að þetta hreyfist núna
áfram svo ég geti farið að taka upp
tónsprotann.“
Liðin eru þó nokkur ár frá því
Guðni kom síðast fram hér á landi.
Hann hefur tvisvar komið fram með
Sinfóníuhljómsveitinni en það er dá-
góður tími liðinn síðan. „Kannski fer
ég að taka upp pennann og skrifa
þeim. Það gæti orðið að einhverju. Það
er komið svo flott hús þarna heima.“
Vill taka upp tónsprotann á ný
 Guðni A. Emilsson hljómsveitarstjóri hefur gefið út plötu ásamt tveimur ítölskum píanóleikurum
og Royal Philharmonic Orchestra  Starfaði lengi í Taílandi en einbeitir sér nú að Evrópu
Ljósmynd/Bob Stewart
Hljómsveitarstjóri „Ég hef gaman af því sem ég er að gera og hef nóg að gera,“ segir Guðni Emilsson sem á langan
og fjölbreyttan feril að baki á alþjóðlegum vettvangi. Hann gaf nýverið út plötu með verkum Mozart og Kozeluch.
Tónleikahús Guðni átti stóran þátt í að láta reisa Prince Mahidol Hall í
Bangkok utan um hljómsveitina sem hann stjórnaði þar í borg.
Sýningar á kvikmyndinni Inception,
eftir leikstjórann Christopher Nol-
an, eru hafnar á ný hjá Sambíóunum
í tilefni af því að tíu ár eru liðin frá
því hún var frumsýnd. Á undan
myndinni verður sýnd sérstök stikla
þar sem Nolan kynnir níu mínútna
efni bak við tjöldin úr nýjustu kvik-
mynd sinni Tenet sem frumsýnd
verður 26. ágúst.
Í Inception segir af Dom Cobb,
þjófi sem er sá allra besti þegar
kemur að því að stela verðmætum
leyndarmálum úr hugum fólks þegar
það er í draumsvefni. Fyrir vikið er
Cobb afar eftirsóttur í heimi iðn-
aðarnjósna en einnig hefur þetta
orðið til þess að hann er nú eftir-
lýstur flóttamaður og hefur fórnað
öllu sem hann hefur elskað, eins og
segir í tilkynningu. Dag einn býðst
honum sakaruppgjöf en fyrst þarf
hann að leysa eitt verkefni, það síð-
asta. Verkefni hans og samstarfs-
manna hans felst í að gera hið gagn-
stæða, að koma hugmynd fyrir í
huga manns. Reynist verkefnið allt
að því óleysanlegt. Með aðalhlutverk
í myndinni fara Leonardo DiCaprio,
Joseph Gordon-Levitt, Ellen Page,
Tom Hardy, Cillian Murphy, Mich-
ael Caine og Marion Cotillard.
Sambíóin hafa í sumar sýnt helstu
kvikmyndir Nolan í tilefni þess að
hans nýjasta, Tenet, verður brátt
tekin til sýninga.
Tíu ára afmæli Inception fagnað
Blekkingaleikur Leonardo DiCap-
rio í Inception frá árinu 2010.