Morgunblaðið - 18.08.2020, Side 11

FRÉTTIR 11Innlent
MORGUNBLAÐIÐ ÞRIÐJUDAGUR 18. ÁGÚST 2020
SMÁRALIND
www.skornir.is
Leður-
strigaskór
Einstakur jafnvægisstuðningur sem tryggir
stöðugleika og öryggi við hvert skref.
Mjúkt leður, styrking á tá.
Stærðir: 24-32
Verð 11.995
BAKSVIÐ
Ágúst Ingi Jónsson
aij@mbl.is
Aldrei hafa aflaheimildir og afli
strandveiðibáta verið meiri en í sum-
ar. Þessi vertíð er nú að óbreyttu á
síðustu metrunum, en afli í þorski
nálgast útgefið aflahámark. Meta átti
stöðuna á strandveiðunum að loknum
löndunum gærdagsins og að nýju í
kvöld samkvæmt upplýsingum frá
Fiskistofu. Á fimmtudag í síðustu
viku vakti Fiskistofa athygli á að lítið
væri eftir af heimildum í þorski, 557
tonn, en Fiskistofa skal stöðva
strandveiðar þegar sýnt er að leyfi-
legum heildarafla verði náð.
Örn Pálsson, framkvæmdastjóri
Landssambands smábátaeigenda,
segir það ánægjulegt hvað vel hafi
gengið heilt yfir á strandveiðum í
sumar og gæftir hafi yfirleitt verið
góðar. Hann segir ástandið í þjóð-
félaginu vegna kórónuveikinnar og
bágt atvinnuástand í kjölfarið einkum
skýra fjölgun báta á strandveiðum í
ár. Í því ljósi hefði átt að finna leiðir til
að leyfa strandveiðar út september,
en í staðinn sé útlit fyrir að veiðar
verði stöðvaðar í þessari viku. Strand-
veiðar eru heimilar frá maíbyrjun til
loka ágúst og má róa fjóra daga í viku
frá mánudegi til og með fimmtudegi.
Reglur eru um hámarksafla í róðri,
úthaldstíma og fleira.
Aukning um 720 tonn af þorski
Í lok júlí stefndi í að sá afli sem ætl-
aður var til strandveiða myndi klárast
um mánaðamótin júlí-ágúst. Kristján
Þór Júlíusson sjávarútvegsráðherra
ákvað því að auka aflaviðmiðun í
þorski til strandveiða úr 10 þúsund
tonnum í 10.720 tonn og eru heimild-
irnar meiri en nokkru sinni frá upp-
hafi strandveiða 2009.
Með reglugerðinni um auknar
heimildir var m.a. komið til móts við
mikla fjölgun báta á strandveiðum á
þessu ári. Sérstaklega var tekið fram í
frétt ráðuneytisins að „ráðherra hefur
að lögum engar frekari heimildir til að
auka við aflaheimildir til strandveiða
á þessu fiskveiðiári“. Þrátt fyrir þessi
orð segist Örn enn gera sér vonir um
að aukið verði við heimildir á strand-
veiðum sumarsins. Hann segir að
mikið hafi munað um þau 720 tonn
sem bætt var við heimildirnar í sum-
ar, en gera megi betur því strandveið-
arnar skipti mörg byggðarlög miklu
máli.
Fjölgun báta á öllum svæðum
Í ár hafa alls 668 strandveiðibátar
landað afla, en þeir voru 619 í fyrra.
Flestir voru strandveiðibátarnir 759
sumarið 2012. Flestir bátarnir hafa
eins og áður róið á A-svæði sem nær
frá Arnarstapa til Súðavíkur, alls 249,
og þar höfðu á fimmtudag 4.700 tonn
eða tæpur helmingur þorskaflans
komið á land. Bátum hefur fjölgað á
öllum svæðum og mest á A- og D-
svæðum, en síðastnefnda svæðið nær
frá Höfn í Borgarnes. Veruleg afla-
aukning er á öllum svæðum, nema C-
svæði frá Húsavík til Djúpavogs þar
sem bátum fjölgaði lítillega, en afli
dróst saman um 6%.
Meðalafli á bát í sumar nemur tæp-
lega 17 tonnum, sem er 2,2 tonnum
meira en í fyrra. 480 bátar hafa fengið
meira en 10 tonn. Hæstu bátar hafa
komið með yfir 40 tonn að landi; Stein-
unn ÁR, Jónas SH, Nökkvi ÁR og
Kolga BA. Steinunn og Nökkvi róa á
svæði D, Jónas og Kolga á svæði A.
Aflahæstur á svæði B, sem nær frá
Norðurfirði til Grenivíkur, er Sæbyr
ST og Lundey ÞH er með mestan afla
á svæði C.
Yfirleitt gott verð
Örn Pálsson segir að gott verð
hafi yfirleitt fengist á fiskmörkuð-
um fyrir strandveiðiaflann og áætl-
ar að meðalverðið hafi verið um 300
krónur fyrir kíló af óslægðum
þorski. Miðað við 40 tonn af þorski
og 300 króna meðalverð hafa afla-
hæstu bátar fengið um 12 milljónir
fyrir afla sumarsins. Nú fyrri hluta
ágústmánaðar sló meðalverð fyrir
handfæraþorsk af strandveiðibát-
um í um og yfir 400 krónur á kíló
einstaka daga.
Sem dæmi um mikilvægi strand-
veiða nefnir Örn að þrjá daga í
ágústmánuði hafi þorskur af strand-
veiðibátum verið yfir 80% þess
þorskafla sem seldur var á fisk-
mörkuðum.
Síðustu dagar strandveiðanna
 Góður afli strandveiðibáta og aldrei meiri aflaheimildir  Erfitt atvinnuástand skýrir fjölgun báta
 Vonast eftir meiri heimildum  Aflahæstu bátar með yfir 40 tonn og aflaverðmæti um 12 milljónir
Morgunblaðið/Hafþór Hreiðarsson
Strandveiðar Ellert Ólafsson við löndun úr Önnu ÓF 83 í blíðskaparveðri á Siglufirði síðdegis í gær.
Greiðslur í ríkissjóð af um-
framafla á strandveiðum ársins
eru komnar yfir 30 milljónir
króna. Í maí veiddu 315 bátar
einhverja daga umfram leyfileg
650 þorskígildiskíló, alls 37
tonn, og þurftu útgerðir þeirra
að greiða rúmlega 8,6 milljónir
króna í ríkissjóð í mánuðinum.
Greiðslur í ríkissjóð hækkuðu
síðan í júní og aftur í júlí, sam-
kvæmt upplýsingum Fiskistofu,
en endanlegar tölur fyrir þá mán-
uði liggja ekki fyrir. Þá er um-
framafli ágústmánaðar ótalinn.
Drjúgar tekj-
ur í ríkissjóð
UMFRAMAFLI
Staða strandveiða að loknum 60 dögum
2019 og 2020
2019 2020 Breyting milli ára
Útgefi n leyfi (með löndun) 629 (619) 676 (668) 47 7%
Landanir 13.933 17.022 3.089 22%
Heildarafl i 9.060 tonn 11.253 tonn 2.193 tonn 24%
Meðalafl i á bát 14.637 kg 16.846 kg 2.209 kg 15%
Með afl a yfi r 10 tonn 399 bátar 480 bátar 81 bátur 20%
Heimild: Landssamband smábátaeigenda
10.224 tonn höfðu veiðst af þorski að
loknum 60 dögum, 13. ágúst sl.
Vegna mistaka við vinnslu Sunnu-
dagsblaðsins birtist sama krossgáta
tvær helgar í röð, 9.8 og 16.8. Beðist
er velvirðingar á þessu.
LEIÐRÉTT
Gömul krossgáta
Búið er að eyðileggja ærslabelg
sveitarfélagsins Hveragerðis, en
belgurinn hafði verið vel sóttur af
yngri íbúum bæjarins. Þetta kemur
fram í Dagskránni, fréttablaði Suð-
urlands, og á vef bæjarins.
Hoppudýnan hefur borið heitið
ærslabelgur frá því að hún var sett
upp, en sambærilegar dýnur má
finna í flestum stærri sveitar-
félögum. Ekki er ljóst hvað olli því
að ærslabelgurinn er nú ónýtur.
Að því er segir á vef Hveragerðis
virðist sem fjöldi einstaklinga hafi
hjólað yfir dýnuna og er hún af þeim
sökum mikið rifin. Þá eru för eftir
vespu eða hlaupahjól á mörgum
stöðum.
Ekki verður hægt að endurnýja
belginn fyrr en næsta vor. Þá er
ljóst að fjárhagslegt tjón vegna
skemmdarverksins er verulegt.
Á vef bæjarins er því beint til íbúa
að bera virðingu fyrir umhverfinu.
„Það er göfugt að bera virðingu fyrir
náttúrunni og umhverfinu. Það er
dapurt að nokkrir aðilar stundi
skemmdarverk sem hefur áhrif á
okkur öll. Því þurfum við að minna
hvert annað á að ganga vel um,“ seg-
ir í tilkynningu frá Hveragerði.
aronthordur@mbl.is
Eyðilögðu hoppu-
dýnu í Hveragerði
 Fjárhagslegt tjón er talið verulegt
Ljósmynd/Hveragerðisbær
Ærslabelgur Búið er að eyðileggja
hoppudýnuna í Hveragerði.