Morgunblaðið - 27.08.2020, Page 50

50 MENNING
MORGUNBLAÐIÐ FIMMTUDAGUR 27. ÁGÚST 2020
JóiPé og Króli hafa veriðáberandi í íslensku tónlist-arlífi síðan þeir skutust uppá stjörnuhimininn með hinu
stórskemmtilega lagi „B.O.B.A“
árið 2017.
Þeir hafa verið iðnir við kolann
síðan þá því þessi nýjasta plata
þeirra sem kom út fyrr á árinu, Í
miðjum kjarnorkuvetri, er sú fjórða
í fullri lengd. Sú síðasta, Afsakið
hlé, tryggði þeim Íslensku tónlist-
arverðlaunin fyrir bestu rapp- og
hip hop-pötuna, auk þess sem „Í
átt að tunglinu“ var valið besta
rapplagið.
Það getur verið erfitt að fylgja
góðum árangri eftir en JóiPé og
Króli eru ekki í neinni krísu á nýju
plötunni, nema þá kannski sam-
bandskrísu. Erfiðleikar í sam-
skiptum við hitt kynið eru áberandi
í textunum með tilheyrandi
tilvistarkreppu og vangaveltum um
einmanaleikann. „Tveir koddar en
ég er ennþá einn,“ syngur JóiPé í
„Tveir koddar“, „Er ég heigullinn
sem skemmdi allt eða er ég höfn-
unin sem þú þarft?“ heyrist frá
gestasöngkonunni GDRN í „Sól-
skininu“ og í „Reykmerki“ bætir
Króli við, miður sín eftir sambands-
slit: „Ég hélt að tilvistarkreppa
væri bara fyrir gamalt fólk en
hringrásin mín pyntingartól“ og
„Ég er eins og fánastöng í logni,
algjörlega tilgangslaus“.
Hvað finnst ykkur svo um þessa
setningu?: „Ég hræðist einmana-
leikann, kveikti í kofa og hann
brann“. Maður veit ekki hvort mað-
ur á að hlæja eða gráta. Ætli Króli
þurfi á knúsi að halda? Æi nei,
tveggja metra reglan, muniði!
Þunglyndi og vangaveltur um til-
gang lífsins eru umfjöllunarefni
„Við deyjum öll á endanum“, þar
sem Króli vonar að hann „endi ekki
í hafinu“. Prýðilegt lag. Léttara er
yfir „On“, einu skemmtilegasta lagi
plötunnar, þar sem Króli biður um
líflínu mitt í öllum erfiðleikunum
enda er hann með „sár í heilanum
sem að vonandi grær, markmiðið er
að líða betur í dag en í gær“.
Gestirnir sem koma við sögu á Í
miðjum kjarnorkuvetri eiga yfirleitt
góða innkomu og má þar
nefna lagatvennuna sam-
tengdu „Bara þú“ og
„Sjáum til“ með Auði og
„Spurning frá mér til mín“
með Auði og Bríeti. Silki-
mjúkt og fallegt þar sem
lifandi hljóðfæraleikurinn
gerir mikið fyrir heildarmyndina,
eins og víða annars staðar á plöt-
unni. Í „Ósvöruðu símtali“ er gesta-
gangurinn einnig mikill og góður.
Þrælgott lag og vel saumað saman.
Fjarskipti koma eðlilega við sögu í
laginu, rétt eins og víða annars
staðar, enda símar og tölvur okkur
nánast samtengd í dag. Bréfdúfa og
reykmerki fá meira að segja sitt
pláss („Reykmerki“). Eru JóiPé og
Króli mögulega að segja okkur að
sama hvernig fjarskiptin breytast
með tímanum og verða háþróaðri
verður púsluspilið í kringum ástina
alltaf jafn vanþróað og flókið?
Kannski, kannski ekki.
Hver er þá niðurstaðan? Króli
virðist lifa í voninni um að hitta þá
einu réttu, eignast hús og spila með
henni golf, þrátt fyrir að hver
hindrunin á fætur annarri, hvort
sem hún er raunveruleg
eða ímynduð, standi í veg-
inum. Fín skilaboð út í
kosmosið.
Mín niðurstaða?
Skemmtileg plata fyrst og
fremst með vel sömdum
textum sem fá mann til að
staldra aðeins við. Jú, þetta er
sannarlega hugarheimur stráka um
tvítugt en hann getur samt sem
áður vel átt við hvern sem er. Í
miðjum kjarnorkuvetri er klukku-
tíma löng og kannski hefðu tvö til
þrjú lög mátt missa sín en verkið
er samt sem áður sannfærandi, vel
framreitt og tilgerðarlaust.
Listin að vera í sambandi
Hip hop
Í miðjum kjarnorkuvetri bbbbm
Breiðskífa JóaPé & Króla,
Jóhannesar Damian Patrekssonar og
Kristins Óla Haraldssonar.
Um upptökustjórn sáu Þormóður Eiríks-
son, Starri Snær Valdimarsson o.fl. Lög
og textar eftir JóaPé og Króla.
KJÓI gefur út. 2020.
FREYR
BJARNASON
TÓNLIST
Tvíeyki „Kannski hefðu tvö til þrjú lög mátt missa sín en verkið er
samt sem áður sannfærandi,“ segir um breiðskífu JóaPé og Króla.
Sviðslistahátíðin Safe-Fest hefst í
dag, 27. ágúst, í sýningarrýminu
Midpunkt í Hamraborg í Kópavogi.
Á hátíðinni er lögð áhersla á nýsköp-
un og öryggi og var hún stofnuð af
nýútskrifuðum bekkjarsystkinum af
sviðshöfundabraut Listaháskóla Ís-
lands og hugsuð sem tilraunavett-
vangur og viðbragð við skorti á sýn-
ingarrýmum fyrir sviðslistir, skv.
tilkynningu. Í stað hefðbundinna
leiksýninga eða gjörninga með
mörgum áhorfendum verða framdir
gjörningar í rýminu áður en gestir
mæta og einn til þrír geta svo skoð-
að ummerki eftir gjörningana og
upptökur af þeim. Í dag frá kl. 18 til
20 verður opnunarhátíð, á morgun
kl. 15-20 lifandi sýning opin gestum
og líka á laugardag og sunnudag kl.
13-18. Sviðslistafólkið sem sýnir
verk sín eru Snæfríður Sól Gunnars-
dóttir, Birnir Jón Sigurðsson, Aron
Martin Ásgerðarson, Salvör Gullbrá
Þórarinsdóttir, Helgi Grímur Her-
mannsson, Adolf Smári Unnarsson
og Tómas Helgi Baldursson. Hátíðin
stendur yfir til 30. ágúst.
Hátíðin Safe-Fest hefst í Midpunkt
Katrín Ólína Pétursdóttir hönnuður
og Sigríður Þorgeirsdóttir heim-
spekingur opnuðu sýningu í
Ásmundarsal laugardaginn, 22.
ágúst, sem ber titilinn Minisophy/
Smáspeki og er lýst sem blöndu vís-
inda, lista, hönnunar, tækni, sam-
félags/umhverfis og samskipta. Min-
isophy/Smáspeki er heimspeki litlu
hlutanna, að því er segir í tilkynn-
ingu. „Öll fyrirbæri geta haft heim-
spekilega vídd, sama hversu hvers-
dagsleg og fábreytt þau virðast í
fyrstu. Það er hægt að mínísófera
um allt sem snertir við okkur eða
kemur við kvikuna á okkur. Öll get-
um við verið smáspekingar!“ segir
þar og að gengið sé inn í heimspeki-
lega vídd hversdagsins þar sem litlir
hlutir séu teknir úr sínu hefðbundna
samhengi og virtir að verðleikum.
Minisophy/Smáspeki er miðlað
með vefriti á slóðinni minisophy.com
og er dreift bæði á Facebook og
Instagram. Í tengslum við sýninguna
verða drög að Minisophy-smáforriti
kynnt sem hafa verið í þróun undan-
farið en María Elísabet Bragadóttir
rithöfundur, Vikram Pradhan vef-
hönnuður og Luke Jaanist, listamað-
ur og heimspekingur, hafa unnið
með Katrínu og Sigríði að undir-
búningi sýningarinnar.
Í leiðslu Kettir eru smáspekileg dýr að því
er fram kemur á Facebook-síðu Smáspeki.
Allt getur verið smáspekilegur efniviður
Tónlistarhátíðinni Iceland Airwa-
ves hefur verið frestað fram á
næsta ár og mun hún fara fram
3.-6. nóvember 2021. Í tilkynningu
frá skipuleggjendum segir að ör-
yggið skipti öllu máli þegar komi
að hátíðinni og nýlegar breytingar
á samkomutakmörkunum og hert-
ar aðgerðir við landamærin geri
það að verkum að ekki sé hægt að
halda hátíðina í ár. Skipuleggj-
endur hátíðarinnar vilji leggja sitt
af mörkum til að koma í veg fyrir
áframhaldandi útbreiðslu veir-
unnar.
„Það er okkar hjartans mál að
öryggi og heilsa gesta okkar og
starfsfólks sé í fyrirrúmi og að öll-
um reglum sé fylgt,“ segir í til-
kynningunni og allir möguleikar
hafi verið skoðaðir áður en sú
ákvörðun var tekin að aflýsa há-
tíðinni í ár. Listamennirnir sem
koma áttu fram á hátíðinni munu
gera það á næsta ári og hafa 25
atriði nú bæst við dagskrána.
Skiljanlegar aðgerðir
„Við héldum í vonina mjög
lengi, þá von að þetta gæti verið
ein af fáum alvöru hátíðum heims
sem myndu fara fram í ár,“ segir
Ísleifur Þórhallsson, fram-
kvæmdastjóri hátíðarinnar. Þegar
100 manna hámarksfjöldi á sam-
komum hafi verið boðaður á ný,
tveggja metra regla og hertar
reglur á landamærum hafi skipu-
leggjendum orðið ljóst að ómögu-
legt væri að halda hátíðina í ár.
„En við skiljum þessar aðgerðir
allar og kvörtum ekkert yfir þeim,
eina leiðin út úr þessu ástandi er
að ná tökum á vírusnum og það
þarf einfaldlega gera það sem þarf
til þess; við viljum sýna ábyrgð og
höfum núna 15 mánuði til að
skipuleggja flotta hátíð árið 2021,“
segir Ísleifur.
Þeir sem eiga miða á hátíðina í
ár og vilja fara á hátíðina á næsta
ári þurfa ekkert að aðhafast því
aðgöngumiðinn gildir áfram.
„Okkur þætti vænt um að miða-
hafar myndu halda í miðana sína
og þannig styðja við íslenska tón-
listargeirann og tónleika- og
skemmtanahald á Íslandi sem á
undir högg að sækja þessa dag-
ana, eins og svo margir aðrir,“
segir í tilkynningu og segir Ísleif-
ur að rekstur hátíðarinnar hafi
verið erfiður fjárhagslega í mörg
ár. Tapið hafi þó verið mun minna
í fyrra en árið áður. „Þetta er auð-
vitað erfitt og sorglegt því í fyrra
vorum við að ná tökum á hátíðinni,
náðum að gera virkilega flotta há-
tíð sem allir voru ánægðir með án
þess að tapa stórfé. En við erum
bara í sömu sporum og allur
tónlistarbransinn og menning-
argeirinn,“ segir Ísleifur. „Það eru
allir tekjulausir og/eða að brenna
peningum og reyna að finna út úr
því hvernig hægt er að tóra þar til
hlutirnir komast af stað aftur. En
okkur þykir það sérstaklega
ánægjulegt hvað allir listamenn
sýndu þessu mikinn skilning og
erum afskaplega ánægð að geta
staðfest að allir sem voru bókaðir
koma fram 2021 og við tilkynnum
m.a.s. 25 ný atriði til leiks í dag.“
Ef miðahafar geta ekki nýtt
miðana á næsta ári geta þeir ósk-
að eftir endurgreiðslu fyrir 9.
september með því að senda póst
á info@tix.is. Þeir sem keyptu
pakkaferð í gegn um Icelandair
munu munu fá tölvupóst frá Ice-
landair Holidays með frekari upp-
lýsingum. helgisnaer@mbl.is
Iceland Airwaves
frestað til næsta árs
Morgunblaðið/Eggert
Frestað Ísleifur Þórhallsson, fram-
kvæmdastjóri Iceland Airwaves.
 Hátíðin haldin 3.-6. nóvember 2021
Töfrar eldamennskunnar
byrja með Eirvík
Eldhúsið er ekki bara
herbergi, heldur upplifun
Eirvík Suðurlandsbraut 20, Reykjavík, sími 588 0200, eirvik.is.
Opnunartími mánudaga - föstudaga 10-18, laugardaga 11-15