Morgunblaðið - Sunnudagur - 23.08.2020, Blaðsíða 14

Í MYNDUM
14 MORGUNBLAÐIÐ SUNNUDAGUR 23.8. 2020
E
nsk vinkona mín, sem hefur búið hérna í fjög-
ur ár, hafði aldrei komið á Vestfirði og þess
vegna tók ég að mér að skipuleggja sex
daga ferð þangað núna um miðjan ágúst til
að kynna fyrir henni dýrðina. Hún hefur
farið hringinn kringum landið og þótti mikið til koma en
sleppti þá Vestfjörðunum,“ segir Árni Sæberg, ljós-
myndari Morgunblaðsins, um ferðalag sem hann er ný-
kominn úr.
„Hún heitir Katherine
Sherlock, skrifað eins og
Sherlock Holmes,“ upp-
lýsir Árni.
– Varst þú þá dr. Wat-
son þarna fyrir vestan?
„Já, það má eiginlega
segja það,“ svarar Árni
og skellir upp úr.
Sherlock fól dr. Watson að gera viðeigandi ráðstaf-
anir. „Það var smá vesen og stress, þar sem ég er víð-
fægur fyrir minn athyglisbrest og þegar ég er einn á
ferð um landið sef ég vanalega bara í bílnum,“ segir
Árni sposkur. „En ég var í skóla á Núpi í tvö ár í gamla
daga og þekki Vestfirðina mjög vel, þannig að þetta
slapp allt saman til; við fengum þessa fínu gistingu á
leiðinni.“
Og það í uppábúnum rúmum en ekki bílsætum.
Blautt hefur verið vestra seinni hluta sumars og Árni
segir heimildarmenn sína á svæðinu hafa fullyrt að rignt
hefði í heilar sex vikur samfellt áður en þau Katherine
lögðu í’ann. „Spáin var heldur ekki góð en við ákváðum
samt að láta slag standa enda eftirvæntingin mikil.“
Þau hófu leikinn raunar í sól á Patreksfirði en eftir
það var að mestu skýjað á leiðinni, enda þótt hann hafi
lengst af hangið þurr. „Það kom ekki að sök. Það er
ekkert að því að ferðast við þessi skilyrði; þá sleppur
maður við rykið, tíbránna og hitauppstreymið. Allt er
hreint og tært þegar skýin eru búin að losa sig við væt-
una. Við fengum alls konar birtu og nutum í botn.“
Raunar gott betur en að sögn Árna féll Katherine í
stafi þar vestra. „Hún sagði „vá“ á fimm mínútna fresti
og bað mig um að stoppa bílinn. Rauk svo út til að taka
myndir á nýja símann sinn og sendi síðan foreldrum sín-
um á Englandi. Þau fylgdust stjörf með þessari undra-
veröld allan tímann.“
Auk ljósmyndaáhugans er Katherine í myndlist og
segir Árni ferðalagið hafa farið langt fram úr hennar
væntingum. „Vestfirðir eru það fallegasta sem hún hef-
ur séð á Íslandi. Engin spurning. Það var ekki bara birt-
an og náttúran, heldur ekki síður kyrrðin og róin. Mað-
ur losar um leið um allt stress og streitu þegar maður
keyrir inn á þessa einstöku firði.“
Mæltu manna heilastur, minn kæri Watson. Mæltu
manna heilastur.
Watson á
Vestfjörðum
Vestfirðir voru í sínu allra besta pússi þegar Árni Sæberg ljósmyndari
kom þar við fyrr í mánuðinum ásamt enskri vinkonu sinni,
Katherine Sherlock, sem féll ítrekað í stafi yfir fegurðinni í sinni
fyrstu heimsókn í þessa undraveröld.
Orri Páll Ormarsson orri@mbl.is
Ljósmyndir
ÁRNI SÆBERG
Foss við Rauðasand
í veðurham.