Morgunblaðið - 11.09.2020, Side 4

4 FRÉTTIRInnlent
MORGUNBLAÐIÐ FÖSTUDAGUR 11. SEPTEMBER 2020
Aðalstræti 2 | s. 558 0000
Milli 17:00–19:00
af völdum drykkjum og réttum
HAPPY
HOUR
Andrés Magnússon
andres@mbl.is
Lögmaður Samherja hefur skrifað
útvarpsstjóra bréf, þar sem furðu er
lýst á málsmeðferð á kæru félagsins á
hendur ellefu starfsmönnum Ríkis-
útvarpsins (Rúv.) til siðanefndar
stofnunarinnar vegna framgöngu
þeirra á félagsmiðlum. Er þar fundið
að því að siðanefnd skuli ekki hafa
verið að störfum síðan í fyrra, þrátt
fyrir skýr fyrirmæli siðareglna um
það, og þó ekki síður að nú standi til
að skipa nýja siðanefnd til þess að
fjalla um þessa kæru, sem veki ríkar
efasemdir um óhlutdrægni hennar.
Arnar Þór Stefánsson hrl. ritar
bréfið fyrir hönd Samherja til Stef-
áns Eiríkssonar útvarpsstjóra og
gerir að umtalsefni orð, sem höfð
voru eftir honum í fjölmiðlum, um að
ekki hefði verið endurskipað í siða-
nefndina þar sem siðareglur hefðu
verið til endurskoðunar síðan í fyrra,
en að úr því yrði bætt í ljósi fram-
kominnar kæru Samherja.
Lögmaðurinn bendir á að endur-
skoðun siðareglna komi ekki í veg
fyrir að farið sé eftir þeim reglum,
sem í gildi séu, þar á meðal hvað
varðar skipun siðanefndar, sem hefði
átt að eiga sér stað árið 2019.
Þá mæli siðareglurnar fyrir um að
tveir nefndarmenn af þremur skuli
„skipaðir af aðilum nátengdum Rík-
isútvarpinu,“ en útvarpsstjóri skipar
sjálfur formann hennar og starfs-
mannafélag Rúv. annan hinna. Þann-
ig verði meirihluti siðanefndar skip-
aður af yfirmanni hinna kærðu og
hagsmunagæslusamtaka hinna
kærðu.
Þessa málsmeðferð alla telur Sam-
herji „til þess fallna að draga megi
óhlutdrægni siðanefndar í efa og að
óeðlilegt sé að kærandi þurfi að sæta
slíku“. Er talið nærtækara að nefndin
yrði skipuð þeim nefndarmönnum,
sem hana skipuðu til ársins 2019.
Siðareglur í uppnámi
Ljóst er að Stefáni Eiríkssyni út-
varpsstjóra er nokkur vandi á hönd-
um. Þarna hefur augljóslega orðið
misbrestur í stjórnsýslu Rúv. og erf-
itt úr að bæta svo óhlutdrægni og
vandaðrar málsmeðferðar sé gætt.
Og lítið réttlæti að kærandi beri hall-
ann af því.
Við bætist að þar er um að ræða
vanda sem segja má að Stefán hafi
fengið í arf, því hann kom ekki til
starfa fyrr en 1. mars síðastliðið vor,
en það var í útvarpsstjóratíð Magn-
úsar Geirs Þórðarsonar, sem endur-
skoðunin hófst, og það var hann sem
lét undir höfuð leggjast að skipa nýja
nefnd, enda mögulega kominn með
hugann á nýjan stað.
Ekki hefur fengist upplýst hvers
vegna ráðast þurfti í endurskoðun
siðareglnanna, sem þá voru aðeins
um þriggja ára gamlar. Nefnt hefur
verið að ekki sé í þeim tiltekinn neinn
fyrningartími, þ.e.a.s. hversu langt
megi líða frá birtingu til kæru; eins sé
óljóst til hvaða starfsmanna siðaregl-
urnar nái, fréttamenn, dagskrárfólk
og yfirmenn séu þar ljóslega á meðal,
en ekki hvort þær nái líka t.d. til
tæknifólks eða auglýsingasala. Þá sé
óvíst hvernig þær tengist öðrum
reglum Rúv. um kærur og kæruleið-
ir.
Efast um óhlut-
drægni nýrrar
siðanefndar
 Lögmaður Samherja mótmælir
málsmeðferð Ríkisútvarpsins  Vill
frekar hafa gömlu siðanefndina en nýja
Morgunblaðið/Sigurður Bogi
Siðanefndarkæra Stefán Eiríksson
útvarpsstjóri á úr vöndu að ráða.
Ásakanir & kærur
» Kastljós fjallar um Samherja
2012 og Kveikur 2019. Op-
inberar rannsóknir sigla í kjöl-
farið.
» 11. ágúst 2020 birtir Sam-
herji ásakanir um óvönduð
vinnubrögð Helga Seljan og
Rúv.
» Ellefu starfsmenn Rúv. mót-
mæla því hástöfum á fé-
lagsmiðlum næstu daga.
» 1. september kærir Samherji
þá fyrir brot á siðareglum.
Þorgerður Anna Gunnarsdóttir
thorgerdur@mbl.is
Hlutfall þeirra sem greinast með
virk smit við landamærin fer vaxandi
og skýrist það líklega af vaxandi út-
breiðslu kórónuveirunnar erlendis.
Hlutfall þeirra sem höfðu virk smit
við greiningu á landamærunum í júní
og júlí var 0,03% en undanfarnar
þrjár vikur er hlutfallið 0,3%.
Þetta kom fram í máli Þórólfs
Guðnasonar sóttvarnalæknis á upp-
lýsingafundi almannavarnadeildar
ríkislögreglustjóra í gær.
Hvað varðar stöðuna innanlands
sagði Þórólfur að virkum smitum
fækkaði hægt og örugglega og sama
mætti segja um fjölda í sóttkví.
Áfram megi búast við því að tvö til
sex ný innanlandssmit greinist dag-
lega, auk hugsanlegra lítilla hópsýk-
inga.
60% þeirra sem greinast með virk
smit við landamærin eru búsett á Ís-
landi og 24% eru íslenskir ríkisborg-
arar.
Þórólfur sagði veiruna í sókn í ná-
grannalöndum okkar, svo sem Dan-
mörku, Noregi og Bretlandi þar sem
stjórnvöld eru að grípa til hertra að-
gerða.
Takmarkanir innanlands gilda til
27. september, en Þórólfur heldur að
horft sé fram á að að aflétta þurfi
takmörkunum í litlum skrefum. Eins
metra reglan sé mjög mikilvæg og
ein sú mikilvægasta í að hefta út-
breiðslu veirunnar.
Þórólfur stefnir að því að leggja til
að slakað verði á tilmælum innan-
lands eftir tvær til þrjár vikur ef allt
gengur vel.
Þá hefur Þórólfur sent tillögur til
ráðherra um að stytta 14 daga
sóttkví, en gögn og rannsóknir sýna
að stytta megi sóttkví með sýnatöku
á sjöunda degi. Það þurfi þá að setja
það í reglugerð, sem sé hlutverk
heilbrigðisráðherra.
Að sögn Þórólfs er skynsamlegast
að fara mjög hægt í að aflétta tak-
mörkunum á landamærum og að
ekki sé rétt að aflétta ráðstöfunum
samtímis innanlands og á landamær-
um.
Vinna við framtíðarútfærslu á
skimunum með tilliti til mismunandi
hagsmuna þarf að fara fram sem
fyrst, að sögn Þórólfs.
Fjögur ný innanlandssmit kórónu-
veirunnar greindust í fyrradag.
Tveir þeirra sem greindust voru í
sóttkví við greiningu en hinir tveir
utan sóttkvíar. Þrír greindust smit-
aðir á landamærum og bíða sýni
þeirra mótefnamælingar.
75 manns eru nú í einangrun, 302
eru í sóttkví en 2.879 í svokallaðri
skimunarsóttkví eftir komu til lands-
ins. Einn liggur inni á sjúkrahúsi.
Tekin voru 516 sýni hjá Íslenskri
erfðagreiningu og sýkla- og veiru-
fræðideild Landspítalans og 1.068
sýni tengd landamæraskimun.
Ljósmynd/Almannavarnir
Fundur Rögnvaldur, Þórólfur og Alma fóru yfir stöðuna á útbreiðslu kórónuveiru á upplýsingafundi gærdagsins.
Hlutfall virkra smita
við landamæri tífaldast
 Úr 0,03% í 0,3%  60% þeirra sem greinst hafa búsett hér
Almannavarnadeild ríkislögreglustjóra hafa borist ábendingar um að enn
séu víða uppi skilti þar sem kveðið er á um að halda skuli tveimur metr-
um á milli fólks til að fyrirbyggja smit, þrátt fyrir að núgildandi reglur
kveði aðeins á um metra.
Rögnvaldur Ólafsson aðstoðaryfirlögregluþjónn segir ekki standa til
að þrýsta á að merkingum verði breytt, að því er fram kom á upplýs-
ingafundi.
Sagði Rögnvaldur tvo metra vissulega enn betri heldur en einn, en eins
og Þórólfi sóttvarnalækni hefur verið tíðrætt um minnka líkur á smiti
fimmfalt með eins metra fjarlægð, og svo enn meira með meiri fjarlægð.
Breytingar ástæðulausar
BETRA AÐ HALDA MEIRI FJARLÆGÐ